تجمعنا لمادة ادارة مالية (كل مايخص المادة هناء) ‏اسئلة اعوام سابقة ، ملخصات ، استفسارات

[kholoud]

اللهم لك الحمد كما ينبغي لجلال وجهك وعظيم سلطانك ماكنت فاهمه اي شي ولا عارفه كيف ابدا صليت على النبي الف واستغفرت وبديت في حفظ الاشياء النظريه وبعد كذا حبدا في العمليات يعني اللي لسى مابدا ولا عارف كيف يبدا يحفظ الاشياء النظريه وبعدين يروح لكل عمليه ويحفظ قانونها ويطبق بس وبالتوفيق لنا كلنا بكرا باذن الله تتيسر

[مقام العز]

المشاركة الأصلية كتبت بواسطة twtw

طبعا يا خوي
اذا طلب منك اي واحد منهم يبي لك ادخال الجدول مرة واحدة في الاله
وبعدين اختر الحلول حسب المطلوب
مثال طلب منك الانحراف فقط
اتبع الخطوات حقت الانحراف
وهكذا
كل طلب ترجع من جديد دون ادخال الجدول مرة ثاني
وانتبه لازم يكون المطلوب في السؤال حسب بيانات الجدول الذي ادخلته فقط
x يمثل بينات الشركة الاولى
y يمثل بيات الشركة الثاني
واذا في الجدول بينات شركة واحدة يكتفى بادخال x فقط
لان كل عملية راح تكون على العامود فقط
حاول تشوف بنفسك الاله وتقر الخيارات التي عند الارقام في الاله راح تشوف الفرق واضح
لان حل كل خيار راح يقولك نتيجة عامود x أو عامود y وانت تختار اي شركة حسب ادخالك لها
وسم كل شرة بأحدى الرمزين
واكرر حاول تكتشف بنفسك راح تشوف الفرق وهو سهل

يعطيك العافيه ياصديقي

ونا للحين ما خلصت مذاكره

وصلت للخامسه الحين تو صحيت وبكمل

بس عندي اقتراح للي ذاكر وخلص والدوافير

نبي مثال وتطبيق بالاله

مثلا تطبيق للانحراف المعياري
وتطبيق للتباين وغيرها من القوانين
وهكذا لكل مثال وطريقة ادخالها الارقام وإظهار الناتج
اذكر كذا في الرياضيات سوينا بالمنتدى والحمدالله رسخت ا
لمعلومه مع التطبيق
ويكون هذا الشئ من الساعه 12 مثلا بالليل نبداء
بكمل الحين مذاكره

[السامرB22]

سؤال مختلف فيه
ياليت اللي يعرف الحل و(متأكد يفيدنا )



في حالة تساوي عوائد المشروعات فان افضل اداة المفاضلة بين المشروعات الاستثمارية على
اساس المخاطر هي :
ا المدين -
ب المتوسط -
ج معامل الاختلاف -
د الأنحراف المعياري

[الفلاح]

المشاركة الأصلية كتبت بواسطة طلال بدر

الاخ الفلاح . ممكن تشرح التباين والانحراف المعياري ..كيف ايجادها
محاضره 4 .. شاكر لك ..

اخ طلا ل تجيب ورقه وطبق نسوي جدول من كذا عمود

العمود الاول اسجل العائد الموجوده في السؤال ( طبعا هو يقول السنه الاول 12% السنه الثانيه 15% مثلا
هذه النسبه اسجلها في العمود الاول تحت بعض

بعدين اسوي جنبه عمود ثاني اسميه المتوسط هو اعطاني 16% و15% و 12% و 5% اجمعها
16. + 15. + 12. + 05. = 0.48 كم عددها هذا النسب 4 يعني اقسمها على 4 يطلع 0.12 هذا ناتج المتوسط هذا الناتج احطه في العمود الثاني تحت بعض مقابل ارقام العوائد

اسوي عمود ثالث واسمه العائد - المتوسط

يعني الصف الاول من العمود الثالث 0.16-0.12 =0.04
الصف اللي تحته في نفس العمود 0.15 - 0.12 = 0.03
الصف اللي تحته في نفس العمود 0.12-0.12 = صفر
الصف اللي تحته في نفس العمود 0.05 - 0.12 = -0.07
عشان فيه نواتج تطلع بالسالب
نسوي عمود رابع ونسميه مربع العائد - المتوسط
يعني كل ناتج من هذه النواتج نربعها
الصف الاول من العمود الرابع = 0.0016
الثاني = 0.0009
الثالث= مربع الصفر صفر
الرابع = 0.0049
ملاحظه احيانا يطلع الناتج رقم اس سالب مثلا للعد د الاخير طلع 4.9 سالب اس 3 يعني ان الفاصله نزيحها الى اليسار 3 ارقام عشان فيه اربعه قبل الفاصله نزيح 4 الى اليمين ونحط 00 اصبحت الازاحه 3 ارقام

التباين الارقام في العمود الرابع نجمعها ثم نقسمها على عدد السنوات -1 كانت عندنا في المثال 4 سنوات المجموع هو 0.0074 ÷ 3 = 0.0025 هذا التباين

الانحراف المعياري هو الجذر التربيع لــ للتباين يعني 0.0025 تحت الجذر وبعدين يساوي يطلع الناتج 0.05

معامل الاختلاف = الانحراف المعياري ÷ المتوسط
= 0.05 ÷ 0.12 ( هذا الرقم حق العمود الثاني ) = 0.42 او 42%

[iAFD]

بسالكم
فيه بعض الاسئلة بنموذج الاختبار يعطيك من كل خيار قانون والحل معه

طيب هل هالقانون ثابت؟ يعني احفظه واشيل من راسي طريقة الحل؟ يعني بالعربي اعرف انه هالقانون اذا جاني من ضمن الخيارات فهذي الاجابه الصحيحة؟

[سنيوره ♥]

في نموذج d

اول سؤال ((من المعلومات الحاله العلميه رقم 3 فان
ا- الارباح الموزعه للسهم =الارباح الموزعه/عدد الاسهم العاديه
400/107800
.................................................. .....................................


من فين جبنا 400 و107800
مافهتها الحالات العلميه ذي

[jno0o0n]

السامر عند تساوي العوائد فان افضل اداه هو الانحراف المعياري

اما إذا إختلفت العوائد من إسمممه ناخذ معامل الاختلاف

[Brlent]

السامر الدكتور قال بالمحاضره المسجله انه عند التساوي نختار التباين او الانحراف المعياري كلهم صح ولا اتوقع بيجيب الاثنين مع بعض بالسؤال

ولكن عند الاختلاف القياس الافضل والادق هو معامل الاختلاف

[ماجد سعد]

كرهت الحالات العملية وانا للحين ما أطلعت عليها :(

[الفلاح]

المشاركة الأصلية كتبت بواسطة السامرb22

سؤال مختلف فيه
ياليت اللي يعرف الحل و(متأكد يفيدنا )



في حالة تساوي عوائد المشروعات فان افضل اداة المفاضلة بين المشروعات الاستثمارية على
اساس المخاطر هي :
ا المدين -
ب المتوسط -
ج معامل الاختلاف -
د الأنحراف المعياري

ادق معيار لقياس الخطوره هو معامل الاختلاف

ولكن اذا قال في حالة تساوي عوائد المشروعات يكون الاختيار على إما الانحراف المعياري او التباين او الاثنين اذا مذكوره بالسؤال والانحراف ادق من التباين المحاضره الخامسه اخر شريحه