⌡[ مجلس إستذكار مادة ' بـرامج الحاسب المكتبيـة ' ]⌠ ♥ / تمّ شرح جميع الدوال في برنامج الإكسل

[taghreed.Alotaibi]

-




تابع : شرح دوال الإكسل .

#شرح دالة المجموع .
#شرح دالة حساب المتوسط أو المعدل .

دالة العد او الحساب " COUNT " :
سهله جدًا ..
بنفس الخطوات كلها
و الفائده منها العد او الحساب من اسمها
لو عندي اسماء موظفين او طلاب وابي احسبهم !
او انا شاكه مثلاً اني ناسيه احط درجة واحد فيها و ابي اعد لأجل اتأكد ..
هذه الدالة تنفع كثير بالجداول الكبيره ..
مثلاً :



هذه سهله طبعاً تنحسب بالنظر بس كـ مثال ..
نروح لـ أي خانة و نضغط ايقونة ادارج دالة Fx و من ثم دالة العد " COUNT "
و نسوي زي ماسوينا بـ دالة المجموع و دالة المعدل ..
نكتب المدى :
انا ابي احسب من A2 إلى A4
يعني بأكتب كذا :


على طول بيطلع لي ناتج الصفوف يعني :



لو تلاحظون انها نفس الخطوات الفرق فقط بـ مسمى الدالة
و برضو لو ابي اكتبها انا راح تكون كذا :



-

بـ كذا انتهينا من دالة العد " COUNT " :)

[محمد الحذيفي]

الأخت تغريييييييييد لا أهظم حقك كتب الله أجرك واستفدنا كثييير من شرحك

أشكرك جزيييييييل الشكر بس العاااااالم مافيها حيييييل تحفظ وتدرس تبغى الزبده

والزبده اسئلة العااااااااااااااام واللي قبله وهي نفس بعض افهموها واحفظوهااااااااا ..

[taghreed.Alotaibi]

المشاركة الأصلية كتبت بواسطة ابونايف777

لك خالص الشكر والتقدير على هذا المجهود . ومقدرين تعبك وتخصيصك اغلب وقتك في هذا المنتدى .


لكن عندي سؤال . هل في الامتحان حنا مطالبين بهذي الخطوات الطويله لايجاد الحل . اكيد لافيه تطبيق عملي ولا شي . صيغة الاسئلة بتكون مباشرة وفيه 4 اختيارات . مثل ماشفنا في اسئلة الاعوام الماضية .

اتوقع المطلوب فهم الاشارات = : () ولا انا غلطان !!!!!!!!!!!

صحيح ..
لكن كذا ولا كذا انت مضطر تفهم ولو الشيء القليل ..
الشرح مطّول لأجل ماتتلخبطون ولا هي الفرق بينهم المسميات فقط لا أكثر ولا أقل ..
حبيت لما اشرح يكون الشرح وافي والا ماله لزوم شرحي .
اللي يستفيد دعواته تكفيني

[taghreed.Alotaibi]

المشاركة الأصلية كتبت بواسطة محمد الحذيفي

الأخت تغريييييييييد لا أهظم حقك كتب الله أجرك واستفدنا كثييير من شرحك

أشكرك جزيييييييل الشكر بس العاااااالم مافيها حيييييل تحفظ وتدرس تبغى الزبده

والزبده اسئلة العااااااااااااااام واللي قبله وهي نفس بعض افهموها واحفظوهااااااااا ..

اللهُم آمين ..

طيب قلتها انت تفهم وتحفظ
شلون بتفهمون بدون شرح ؟
كثير مستصعبين المادة لوجود مثل هالدوال فيها وهي ماتستاهل ..
اخوي محمد , مقدّره ظروف الكل وانا ماجبرت احد يتابع شرحي الا اللي طلبوه
اذا استفدت من شرحي فـ دعواتك و لك بالمثل ان شاء الله
و اذا ما استفدت فـ غيرك طلب الشرح و حاولت البي لهم و اساعدهم
فـ لا خير بكاتم العلم لنفسه
زيادة على كذا مشينا على : احفظ اسئلة العام وانت ماشي .
و ماجبنا الا العيد بالاحصاء

[hanona]

ربي يسعدكك ويوفقكك ويحقق لك مرادكك
مشكوره وماقصرتي فديت روحكك

موفقه حبيبتي

[taghreed.Alotaibi]

-




تابع : شرح دوال الإكسل .

#شرح دالة المجموع .
#شرح دالة حساب المتوسط أو المعدل .
#شرح دالة العد او الحساب .

دالة أعلى قيمة " MAX " :
تطلع لنا اعلى عدد او قيمة في المعدل او الدرجات ..
نشوف الطريقة كيف
الحين انا ابي احسب اعلى قيمة بالمعدل
بأشوف مين اخذ احسن معدل او احسن نسبة ..
طبعًا هنا المعدل :



الحين انا ماقدر اضيف الدالة من ايقونة ادراج دالة لانها مو موجودة ..
الحل اني اكتبها
بنفس طريقة الدوال السابقة :



نلاحظ هنا ماكتبنا A2:A4 لو كتبنا كذا
بيحسب لنا اعلى قيمة في المقرر 1
وانا ابي المعدل
فـ نشوف المعدل فوقه F
نكتب :
F2:F4
و يطلع لنا الناتج اللي هو اعلى معدل :



كذا انتهينا من دالة اعلى قيمة " MAX "


-


دالة أقل قيمة " MIN "

بنفس خطوات الدالة " MAX " بالضبط الفرق فقط بـ المسمى ..
إذاً نستبدل MAX بـ MIN و تظهر الدالة هكذا :



و من ثم الناتج :



و بـ كذا ايضاً انتهينا من دالة أقل قيمة " MIN " :)

[مانسيتك !]

الاخت تغريد .

انتي فهمتي قصدي انا والاخ غلط اكد لك ذلك .

اولا يعلم الله اني ادعو لك في ظهر الغيب فجزاك الله الف خير . بعد كذا انتي صاحبة الفضل بعد الله تعالى . انا ماقصدة لا تشرحين بالعكس حنا ضيوف عندك في ورشتك وودنا نستفيد منك ماهو ننقدك فهمتيني .

لو كانت المادة تطبيقيه على اجهزة الحاسب لكنت اكثر واحد بيطفشك بالاسئلة بس من رحمة الله علينا ان الاسئلة مباشرة واختيارت الي عنده المام 10 % راح يحل

شكر الله سعيك وبارك فيك اختي

[taghreed.Alotaibi]

المشاركة الأصلية كتبت بواسطة ابونايف777

الاخت تغريد .

انتي فهمتي قصدي انا والاخ غلط اكد لك ذلك .

اولا يعلم الله اني ادعو لك في ظهر الغيب فجزاك الله الف خير . بعد كذا انتي صاحبة الفضل بعد الله تعالى . انا ماقصدة لا تشرحين بالعكس حنا ضيوف عندك في ورشتك وودنا نستفيد منك ماهو ننقدك فهمتيني .

لو كانت المادة تطبيقيه على اجهزة الحاسب لكنت اكثر واحد بيطفشك بالاسئلة بس من رحمة الله علينا ان الاسئلة مباشرة واختيارت الي عنده المام 10 % راح يحل

شكر الله سعيك وبارك فيك اختي

شكرًا لك
و جزاك الله كل خير :)

[أبو يزيد 1]

يعطيك العافية تغريد
الدوال لازم نفهما لأنه لازم نفرق بين أي عمود وصف اللي المفروض تطبق عليه الدالة
دالة الجمع صفوفها وأعمدتها غير عن دالة المعدل
الله لا يضيع لك تعب وفالك البكالوريوس بامتياز إن شاء الله وجميع من قراء التعليق

[وليدالزامل]

يااخوان خلوها تكمل ، كملي اخت تغاريد وبالنسبه لطريقه الحل في الاختبار من الشرح راح نعرف اي داله وش خناتها
يعني count للاعداد
Sum لحساب المجموع
Min,max للاعلى والاقل
باقي الداله الشرطيه if