الي معي بثانويه الرواد كيف حلت والكهرب طافي :"(((

[النوووور]

المشاركة الأصلية كتبت بواسطة سلطانه العتيبي

مو خلل واحد مليون خلل الاناره رجعت يوم بصمت وانا عند الباب اسلم ورقتي وانسدت نفسي اساسا وطلبت حاسبه والمراقبه تناظرني بنص عين يهبن

سلطانه الله يهديك استعجلتي والله .. كان روقتي وتأكدتي من اجاباتك والوقت معك لان اساسا مابدينا الا متأخر بالحل ..

بعدين هالمراقبات ترا الجامعه حاطينهم لخدمتنا يعني موب من حقها تسوي هالحركات ..
كان وريتيهم العين الحمراء وينضبطون ...

موفقه يابعدي

[سلطانه العتيبي]

المشاركة الأصلية كتبت بواسطة النوووور

سلطانه الله يهديك استعجلتي والله .. كان روقتي وتأكدتي من اجاباتك والوقت معك لان اساسا مابدينا الا متأخر بالحل ..

بعدين هالمراقبات ترا الجامعه حاطينهم لخدمتنا يعني موب من حقها تسوي هالحركات ..
كان وريتيهم العين الحمراء وينضبطون ...

موفقه يابعدي

انا اخطيت يوم استعجلت بس طفشت من الحر والجو الكئيب متوتره وحالتي حاله انا ماحب اتلفظ على احد بس انقهرت من تصرفاتها ودي اتكلم وخفت اسبب مشكله قلت اسكت ابرك لي

تسلمين يالغلا وياااااك

[ماريا2]

كان اللة في عونكم
بالصراحة هالمراقبات لاعندهم احساس ولا ضمير وبسرعة يريدون يخلصوا ويطلعوا
المفروض بما ان الكهرباء طافية يمددوا ساعات الأختبار
اختبار وتظليل دوائر صغيرة وانتوا في الظلام كيف هذه ماصارت
بس ان شاء اللة من الناجحين

[سلطانه العتيبي]

المشاركة الأصلية كتبت بواسطة ماريا2

كان اللة في عونكم
بالصراحة هالمراقبات لاعندهم احساس ولا ضمير وبسرعة يريدون يخلصوا ويطلعوا
المفروض بما ان الكهرباء طافية يمددوا ساعات الأختبار
اختبار وتظليل دوائر صغيرة وانتوا في الظلام كيف هذه ماصارت
بس ان شاء اللة من الناجحين

شفتي معاناتنا المفروض ختامها مسك بس حاس جونا هالكهرب والله مدري كيف ضللت حتى البنات يقولن تضليلنا خرابيط نبي نسكت المراقبات الي مايحسن حنى نفوسهن خايسه كل وحده تتكلم من طرف خشمها نفسيات الله لايبتلينا

الله يوفقنا بس وربي خايفه اني احملها

[طالب مسالم]

~

’’


لا حول ولا قوة إلا بالله !
يعني إحنا شايلين هم الاختبار وخايفين فوق هذا تختبرون بمكان مظلم أشبه بالكهف !
فعلاً شر البلية ما يضحك أجل نختبرون بشموع ؟ لا يكون مسوين حفلة عيد ميلاد بالغلط وإحنا ما ندري : (
حظكم كان وحِشْ أوي

ما لومك بإستعجالك .. أنا يمكن لو كنت مكانك مابتحمل هالجو الكئيب ..
لكن قولي الحمد لله على كل حال .. لعلها خيره وربي بيعوضك


\
/

[تهاني 2013]

معليش مستحيل اوافق على إعادة الاختبار انا كمان في الرواد بس كان سهل الحمدلله
وقالو عندكم وقت الكل خلص 8ونص
والكل بداء يسلم الاوراق
وبعدها اشتغل النور
بس للاسف الكثير كانو معتمدين ع الغش
والبعض فزع لهم الجوال

[خلود الشهري]

والله شي يقهر ومن جد مالومك على استعجالك اساسا الحر يجيب لك الطفش والتوتر وكل شي سيء

وكمان المفروض المراقبات يكنون عون لكم الله يهديهم

وان شاء الله انكم اديتو الاختبار بأحسن شي

الله يوفقكم يارب

[NAlrshede]

الحمدالله جاوبت على الاسئله من اضاءة الجوال وعدينا هالاختبار ع خير ولاكان بيتاجل بس مددو الوقت

[العسجديه]

انا في المتوسطه 205 وطفى الكهرب علينا ونفس حالتكم
الاسئله يالله اشوفها عل نور جوالي ودع راسي والاختيارات
اختارها بدون تركيز اللي اذكر اني قريته ااشر عليه
والله خايفه اكون مخربطه بس
مع الاسئله واضح انها سهله
وفيه وحده ابثرتنا والبنات مزعجات بس يضحكون ويقولون غششونا
الله يعين بس
ليت يعيدون الامتحان لنا ولكم

[S D N]

جو كئيب وحر وازعاج والله حليت بدون اي تركيز ونور الجوال ضعيف ان دخلت ع صفحه عشان ترتفع الاضاءه جت وقفت على راسي الله يعين بس