الصيفي تجربه لن اكررها

[جونـــآن]

المشاركة الأصلية كتبت بواسطة شرواك

الحمد لله اختبار مميز لقواعد البيانات

بالدمام وراح اكرر هالتجربه بكل سنه يكفي ارتاح مستقبلا

صحيح ماكنت اعرف مكان الجامعه وماكنت باوصل لها بالوقت المطلوب مع اني طالع بعد الفطور من الدمام

لكن تحويلات الحسا وحفريات تقلب الراس والعقل ولا انسى الزحمه حسيت بيوت اهل الحسا فاضيه
كلهم بالشارع اظن

الحمد لله على كل حال والله يعوضكم بالدرجات يارب

صادق لاعبين بشوارعنا مووووت عشان الكوبري..!!
الي يسووه..!
تحس نفسك بزحمه مصرر مو بسعوديه

مشوراك الي ربع ساعه بصر ساعه

[مـحــمـــد]

المشاركة الأصلية كتبت بواسطة الطموح ماله حد

اجل وش أقول انا اللي لازم كل اختبار اشد الرحال اللي اقرب مركز لي ويبعد300كيلو وإيجار أسبوعين وأكل وشرب من برا هذا اذا زوجي الله يحفظه وداني اما اذا بمختبر عند أهلي فحسبوا تذاكر الطيران راحي جاي والهدايا ومصروف اليد زوجي نفس الشي بيقعد لحاله ويبيله كل شي من برا
آه آه متى يفتحون لنا مركز ويفكونا من هم السفر مو كفاية هم الامتحانات

الله يكون في عوونك
وان شاء الله تنسين التعب لما تتخرجين

اعتقد محددين عدد معين من الطلاب عشان يفتحون مركز

[Thamerj]

انا قررت اتزوج مسيار في الهفوف وكل صيفي هناك

وكل ماده حقها اسبوع حساوي

[أم توتي]

الله يوفق الجميع

[المخمليه]

لاااااااااااااااااااااااااااا لاااااااااااااااااااااااااااااااااااااا لن تكرر ابدا ماحييت
تعب وبهدله وغلا اسعار 700 و800 ليه ايجار الاجنحه بالحسا .... حق ايه ... وين انا فيه .....
هذا غير النزله المعويه اللي جات .....آآآآه لا تذكروني بالبهدله اللي اتبهدلتها
ولن تتكرر ابد خلاااااااااااص

[مها الجميح !]

الله يعوضك يارب !
و بما انه تجربة أولى , ف كثير ناس بيحددون نكررها أولا :)
موفق

[حبروك]

حبيبي ابو غيداء تستاهل ساهر حقك وما جاك ' ما يوترني ويغثني مع الخط الا امثالك' داعس طبلون السيارة ومربك السير ومعرض نفسة وخلق الله للخطريات ' امش بركادة والتزم بقواعد المرور الله يصلحك هذاني دوبني وصلت للحسا بعد رحلة استمرت ٨ ساعات و١٤ دقيقة وسيارتي مو قرنبع مرة طبلونها ٢٦٠ وتجيبها لو بغيت لكن والله الحمد ما اتعد ١١٠ كم ماسك السيد اليمين ومروق ومريح اعصابي وضامن ساهر ما يقرب لي واي موقف مفاجئ راج اقدر اسيطر عليه '

تجربة الصيفي ممتعة وراح اكررها بأذن الله '

مع اني للان مو مذاكر ولا عرفت اسم المادة الا البارح يوم جيت اشتري المذكرة لكن متفائل جداً '

تمنياتي للجميع بالتوفيق

[ABO SOLAF]

اجل حمدلله مااخذت
كنت ناوي بس كل ماجيت اسجل احس فيه شي مايخليني اندفع ولكن الحمدلله فعلا
ماكنت اقدر الله فكني

يارب يفتحون بالغربيه
على الرغم اني اتمنى منذو فتره ازور الاحساء بس ان شاء الله ربي يسرها بدون اختبار تمشيه

[So0oT AlFgEd]

الحمدلله أهم شي سلامتك والفلوس تروح وتجي

معوض خير ان شاء الله


وان شاء الله تكون نتيجتك +a

موفقين جميعاً

[بدرالرياض]

موضوع شيق وتجارب ممتعه... احساس جديد على بعض الاخوان او الاخوات

اوما اللي تقول الشعب السعودي يحب الخطوط فمو جديد عليهم (مُستقبل كدادهـ)

انا عني افطرت في الرياض مع الاهل وصليت المغرب وشغلت الموتر وشطرطون ع اول رقمين ووينك ياخط الاحساء وفي النهايه ولا كاميرا صورت...!! وانا كل شوي اطلع يدي ومن كبري سعد يمين واحلى قمراء على رمال الدهنا الحمراء .. ووصلت قبل الاختبار بدقايق وكان اختبار ممتع ,, وعقبال اليوم وبكره..
طبعا البارح اخذت فرفره في حواري الاحساء والشعب هنا محتفلين بالقريقعان
طالعين البزران في الشارع ، والشباب مولعين لهم خشب عماير وطبل ودقي يامزيكا
بس روعه الاحساء بنظري .. يمدي الواحد يخت لقطر يومين ويتمشي في سوق واقف ويجرب صيامهم ويرجع سالم وغانم بأذن الله..