امتحنت ايتلس صراحه حسيت اني ماني خريجه هالترم

[موفق]

اولا المفروض تستعدين للاختبار وتقرين عنه زين وعن طريقته واضح ماعندك فكرة عنه


ثانيا من قال انه لازم على شان دراسات عليا

ثالثا يبيلك دورات في المعد البريطاني البرتش كنسل وتنحل مشكلتك دوراتهم حلوة وانا واحد من الزملاء اختبرماجاب المستوى المطلوب ودرس دورات وتحسنت لغة من جميع النواحي واختبر وجاب 6.5 وعدى

المهم مافيه شي اسمه مستحيل فيه محاولات وباذن الله تتوفقين

[طموح2011]

مايلزم بطاقه جامعيه فقط سجلي البيانات بموقع قياس اما بالنسبه وين امتحنت ايتلس بالبريتش كاونسل بالرياض لكن عند الامتحان يختارون فندق او قاعه للامتحان يخبرونك عنها

[Rozee]

المشاركة الأصلية كتبت بواسطة موفق

اولا المفروض تستعدين للاختبار وتقرين عنه زين وعن طريقته واضح ماعندك فكرة عنه


ثانيا من قال انه لازم على شان دراسات عليا

ثالثا يبيلك دورات في المعد البريطاني البرتش كنسل وتنحل مشكلتك دوراتهم حلوة وانا واحد من الزملاء اختبرماجاب المستوى المطلوب ودرس دورات وتحسنت لغة من جميع النواحي واختبر وجاب 6.5 وعدى

المهم مافيه شي اسمه مستحيل فيه محاولات وباذن الله تتوفقين

موفق .. ليه هذا مش تبع الدراسات العليا

ولا الدراسات العليا نحتاجين توفل وامتحان تاني للانجليزي نسيت اسمه صح؟؟؟

[3bdullah99]

المشاركة الأصلية كتبت بواسطة طموح2011

انا فعلا متحطمه نفسيا بعد الامتحان كنت متوقعه احل زين بما اني متخصصه لغه لكن للاسف ماحليت بالاستماع شي ولا بالمحادثه لدرجة اني جلست اطالع بالممتحنه مادري ايش اقولها طبعا امريكيه الممتحنه والله نفسيتي زفت وكرهت اللغه كلها رغم اني حاولت سابقا اتكلم زي الناس لكن دائما افشل من يريحني ويعطيني حل المشكله كنت اطمح ماستر لكن للاسف مااتوقع 6 ونص بالايتلس صعبه اجيبها:Cry 111::Cry11 1:

يا اختي الكريمه اي ماستر برى , لازم تدخلين معهد قبل الدراسه , معهد خاص بالجامعه يحددون مستواك بعدين يعطونك كورس مكثف , بعدها تختبرين ايلس او توفل ولهم درجه معينه اذا جبتيها تنقبلين , انا اتكلم عن امريكا وبريطانيا , بعدين في اختبار يسمونه grm اخواننا العرب يسمونه جيمات .

المهم مطلوب الاختبار هذا , وكل السوالف هاذي الي تحسينها تخوف , تراهي جدا بسيطه وتمشينها خطوه بخطوه وتصلين للماستر انشاء الله بكل سهوله


فالك التوفيق

[Heart story]

ينقل للقسم المناسب

[هـمـس التميمي]

للماستر اللي بجامعات السعوديه
لازم كفايه الانجليزي اللي هو الستيب .. والنسبه المطلوبه ع حسب التخصص
وبنفس الوقت يطلعون درجتك بالستيب و قيمتها بالتوفل
وقدرات الجامعيين اقل شئ 70

بخصوص الماستر برا.. ما يعقدونها مجرد نسبه معينه باللغه

[روح طاهره]

السلام عليكم

أختي أكلمك من واقع تجربه ,, انا اختبرت الايلتس 3 مرات ,, بين كل مره ومره 4 شهور

علما بأن تخصصي ( خدمه اجتماعيه ) اللي هو تخصص أدبي بحت ليس له علاقه بالانجلش لا من بعيد ولا من قريب

اول مره اختبرت فيها الايلتس جبت 4.5 ,, وتحطططمت مره ,, واشتغلت على نفسسي وقريت كثير طبعاا دخلت

معهد انجلش ,, وصرت أقرأ اكثر , اكتب قطع كثيره علشان الرايتنق ,, واسمع كثير

لحد ما اختبرت الاختبار الثاني وجبت 5.0 ,, وبعد هالدرجه ما تأهلك للماجستير بالنسبه للجامعات الامريكيه والبريطانيه

وبعدهاا شديت على نفسي اكثثر ,, وبالاختبار الاخير , جبت 6.0 ,, وكان اخر اختبار دخلته

والمطلوب بالجامعات اللي برا ,, 6.5 او 7.0 أو اكثر بالنسبه للماستر بس انا خلاص كنسلت الدراسه برا

لكن اللي ابغى اوصله لك ,, لا تتحطمين وواصلي وشدي على نفسك وصددقيني بتعدينه بس اهم شي توكلي على الله وثقي ثقه تامه فيه ثم افعلي الاسباب من مذاكره وتسجيل في المعهد البريطاني له الافضليه
والاستماع لمقاطع عالنت ,, ومحاولة الكتابه في مواضيع متعدده كقطعه لا تقل عن 250 كلمه في نصف ساعه

حاولي اكثر واكثر وانا واثقه بإذن الله انك بتعدينه

وبالنسبه للماجستير هنا بالسعوديه ,, درجة 4.5 تعتبر جيده ويقبلون المتقدمين فيهااا


*******

تعليق بسيط على رد الاخ عبدالله 99 ان فيها اختبار يكون متطلب للمتقدمين على قسم الاداره بأنواعها بالجامعات ويسميه العرب ,, (جيمات ) ,,, حبيت اوضح له ,, ان اسم الاختبار من الاساس في الدول الغربيه هو جيمات وليس بمسمى العرب

ويكتب بإختصار GMAT

وبدون اختصار Graduate Management Admission Test

******


بالتوفيق اختي وشدي حيلك واهم شي لا تيأسين , مافيه احد جاء للدنيا عالم وفاهم بكل شي

لازم من الصعوبات والعثرات وبالاخير ينال مراده بتوفيق من الله وحسن التوكل عليه ثم فعل الاسباب


الله يوفقك وييسر امرك ويفرج همك

[مدام كوري]

كيف اقدم على امتحان اليتلس

[منيره 1989]

عادي جدا وضعك لاتتوترين في ناس كثيره عادته كم مره
وتخصص انقلش ادب انجليزي غيير عن اللغه اللي متداولة او اللي تخص التوفل
والاهم من كذا
خذي لك كورس انه كيف تستعدين لتوفل علي ماعتقد ان معهد بيرلتز عندهم اتصلي عليهم
شوفي الفوكاب اللي تستخدم لتوفل وكيف طريقة الاختبار
الاستماع بعد موسهل لازم تقوين حاسة السمع بكثره الاستماع لين تتعودين ع الكلام السريع

وبالتوفيق

[ليه؟]

الدمام وين وكيف نذاكر