|
إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
|
أدوات الموضوع |
2012- 12- 5 | #91 |
أكـاديـمـي ألـمـاسـي
|
رد: بعد دروس الاستااذه للاقتصاد!!!
نجي لدرس مهم جدا وهو المنعه الكليه والحديه> ومتاكده ان كلمة حديه هبلت فيكم
اولا نعرف وش معنى منفعه .. هي مقدار الاشباع من استهلاك سلعه يعني تستهلك انت يالمستهلك سلعه لين تطلع من عيونك بكيفك .. طيب الاستهلاك هذا له حد توصل بعدها تقول خلاص مابي هالسلعه مليت منها شبعت طلعت من عيوني مثلا.. لما تكون عطشان ومسوي تمارين بعز الحر وش اول شي يجي بين عيونك ؟ الموويه صح طيب تشرب موويه اول علبه يمكن ثاني علبه وثالث .. بعدين تشبع صح ! مافيك تكمل اهااا هنا نقول انك وصلت لمرحله الاشبااااع طيب هالنقطه هذي الي هي نقطه الاشباع هي النقطه الي ابلشونا عليها علماء الاقتصاد مثل تفاحه نيوتن يقولك النقطه هذي تفيدك بشئئين اولا.1- تسمي المرحله باقصي اشباع هي المنفعه الكليه هنا تكوون اعلى شي يعني استفدت انت وشبعت للااخررر ونفس هالنقطه تبدا عندها شي اخر او مسمى ينقال له المنفعه الحديه وهي النقطه التي تكون عندها المنفعه الكليه اقصي شي والمنفعه الحديه تساووي صفررررر > جاء عليها سؤال انتبهو > وتكون ع المنحى بالقمه اعلى شي منها يبدا المنحنى بالنزوول الى تحت اي الى ارقام سالبه اكيد لان ماقل من الصفر الا السااااب > فيها سؤال انتبهو > ..س سؤال بالاختبار ..وفقا لقانون تتنقاص المنفعه الحديه...... كلما زادت الكميه المستهلكه من سلعة ماا فان المنفعه الحديه لتلك السلعه 1- تاخذ في التزايد 2- تاخذ في التناقص هاه شرايكم اكيد تاخذ في التناقص ليه ؟؟ علشان تفهمون اكثر ارجعو للجدول الجدول مررره مهم ويسهل لكم الشرح لو اعرف ارسمه كان سويته لكم والله لكن ارجعو له وبشرح لكم هنا وحاولو تطبقون عليه الشرح زين؟ اوكيه عندكم بالجدول اولا خانه الوحدات بعدين خانة المنفعه الكليه وثالث خانه المنفعه الحديه عند الوحده الاولى المنفعه الكليه 10 والحديه 10 نروح للوحده الثانيه يبين عندكم المنفعه الكليه 18 صح والحديه 8> طيب من وين 8 اقولكم تطرح 18 من 10 يعني نطرح المنفعه الكليه الاولى من المنفعه الكليه الثانيه يعطينا ناتج الحديه لو تتذكرون تعريف الحديه هي التغير في المنفعه الكليه وهكذا .. س- عندما تكون المنفعه الحديه = صفر فان المنفعه الكليه تكون 1- اقصئ مايمكن 2- اقل مايمكن الجواب طبعا مثل ماقلنا اقصئ مايمكن فهمتو؟ نجي الحين لدرس الانتتاج تعريفه... ايش يعني انتاج يعني خلق منفعه عن طريق انتاج سلعه او خدمه يعني حتى الخدمات تسمى انتاج انواعه 1- انتااج متووسط .. ايش يعني متووسط ؟رمزة ...ap.او...axضروري تعرفون الرموز علشان المسائل هو الانتاج الكلي تقسسسيم عدد العماال يعني qتقسيم l.. 2- النوع الثاني هو الانتاج الحدي> كلمة حدي بنتشب لنا هنا كثييير رمزها mx ,وهي التغير في الانتاج الكلي طيب عندنا شي مهم وهو الكفاءءءءه الانتاجيه ايش يعني من اسمها يعني الانتاج تبعي لازم يكون كفوء ويبيض الوجههه كيف احكم ع انتاجي انه كفوء؟ عن طريق حاجتين 1- الكفاءه الفنيه .. يعني نحصل ع اقصي انتاج مممكن باستخدام قدر معين ومحدود من الموارد > اقصى انتاج وموارد محدوده> يعني شطاااار واذكياء في الاستغلال الامثل للموارد ماهدرنا شين ابد كلها حللناها ههههه 2- الكفاءه الاقتصاديه تحقيق قدر معين من الانتاج باقدر تكلفه ممكنه .. يعني شغل مش حالك اهم شي لاتصرف قرووش ودراهم .. مو زي الاول هذا الدرس يوضح اكثر بجدول جاء بالاختبار وعليه يمكن اربع اسئله سؤال 44 في اسئله الدكتور بلغرسه طيب الانتاج لايتم الا بموارد او عناصر استخدمها علشان تعطيني سلع او خدممات مثل 1- العمال 2- راس المال يعطيني الالات ومعدات 3- موارد طبيعيه مثل مواد الخاام 4- الارض ابنى عليها مشروعي نجي الحين لشي مهم جداا هو نوعين للانتاج 1- انتتاج قصير الاجل وانتاج طويل الاجل وش معنى قصير وطويل اكيد راح يجي ببالكم وقت طويل ووقت قصير صح؟؟ لالا هم ماراح ياخذونها من منطلق الوقت قاسوها ع منطلق ومفهوم اخر وهو عناصر الانتاج ايه العمال والارض ومواد الخام وغيرها طيب قبل نجيهم لازم تعرفون شي اسمه عناصر انتاج ثابته وعناصر انتاج متغيره .. وش يعني ثابته يعني هي العناصر الي يستتخدمونها للانتاج بس تكون ثابته ماتتغير مثل الارض الي عليها المشروع او الايجار اذا كانو ماجرين هذي عناصر انتاج ماتتغير حتى لو غيرو انتاجهم وبضاعتهم والمتغيره هي العكس تتغير مثل مواد الخام اذا غيرت نوع البضاعه او السلعه الي بنتجها لازم اغير موادها مثل الخشب الورق ناخذ كل واحد ع جنب ونتفاهم معاه انتاج قصي الاجل ..تغير جميع عناصر الانتاج المتغيره ولكن عناصر الانتاج الثابته لااتغير انتاج طويل الاجل يعني تغيرت عندي كل العناصر ثابته ومتغيره يعني غيرو حتى موقع المشروع والانتاج وكل ابو حاااقه فهمتو.؟ جاء عليه سوعااال في الاختبار س- الانتاج في المدى القصير يتم عن طريق 1- تغير جميع عناصر الانتاج 2- تغير عناصر الانتاج المتغيره بما انه قصير اجل بس المتغيره تتغير اوكيه ؟ الدنيا بسيطه وسهله خاا اااااالصه انتاج قصير الاجل .. |
2012- 12- 5 | #92 |
متميزه بقسم الصور والتصوير
|
رد: بعد دروس الاستااذه للاقتصاد!!!
>>انا اخر شيء صوب النافذه
|
2012- 12- 6 | #93 |
أكـاديـمـي ألـمـاسـي
|
رد: بعد دروس الاستااذه للاقتصاد!!!
طيب الحين اخترعو لنا انتاج بمدى قصير وبعيد وبيشغلونا عليه كل شوي درس شكل وانواع التحشيش ع روسنا ..!1 طيب الحين كلامهم كله نظريات وش درنان ان هالنظريات الي اقلقونا عليها صح ؟ مثل تفاحه نيوتن ميه سنه ا درسنها واخر شي يوم طبح فيلكس مدري وش اسمه خربط ابو نظرياتهم كلها ههههه
معالينا الشكوى لله ندرسها دالة الانتاج القصير .. يقولك القانون تبعها يزيد الانتاج بمعدل متزايد ثم يزيد بمعدل متناقص ثم ياخذ بالتناقص .. ادري مافهمتو شي بشرح لكم اصبرو الحين دالة مدى قصير يعني تغير احد العوامل الثابته وناخذ مثال هنا العمال يعني كانني زدت عامل طيب لما اوظف لي عامل جديد جايبته من الهند او سريلنكا وذابحه الفقر مسكين وشادن حيله اول مايجي يزيد انتاججي لانه متحمس للعمل لكن مع مرور الوقت يتعود ويشبع من خيرنا يوبدا عاد يتعود ع الكسل وشغله يصير مو زي اول لكنه يشتغل ينتج لكن اقل من اول هنا معنى يزيد بمعدل متناقص انتاجه يزيد لكمن موزي اول اقل ومع مرور الوقت يتكسل مرره وماينتج او ينحاش > هالمره نظريتهم صح دبحونا نخسر قريشات ونجيهم ويهجون ويخلونا ههههه > يمديكم ع ربط الاقتصاد ونظرياتهم الخياليه بالواقع المرير عندنا ههههههه طيب نجي للشرح التفصيلي لمراحل الانتتاج 1- يبدا الانتاج من الصفر حتى يصل النتاج المتووسط الى مرحلته العظمىىى تخيلو معاي المنحى بادي من الصفر الي القمه يقابله منحنى اخر اسمه الانتاج الكلي تذكرونه قبل شويه قلنا عليه 2- من مستوى الانتاج المقابل للنهايه العظمى للنتاج المتوسط حتى يصل للنهايه العظمى للنتاج الكلي .. ادري مافهمتو شي مالومكم كله تحشيش بشرح لكم اصبرو الحين مو قلنا الانتاج المتوسط يبدا من الصفر لين يوصل للنقطه العظمى اقصى انتاج طيب يقولك هناااا ع هالنقطه يقابله منحنى اخر للانتاج الكلي من ذيك النقطه يمشي لين يوصل بعد للنهايه العظمى للناتج الكلي يعني من نقطه عظمى لانتاج متوسط الى نقطه عظمى لانتاج كلي فهمتو؟ وش قصتهم مع النقاط ابلشونا ... 3- اخر مرحله من النهايه العظمى عاد يدحدر المنحى لمابعدها ع تحت يبدا ينزل تذكرون عاملنا الي انحاش وخلانا هههه هذي هي ع المنحنى هج شكل منحنيات الانتااج مقعره الى نقطة الاصل . |
2012- 12- 6 | #94 |
أكـاديـمـي ألـمـاسـي
|
رد: بعد دروس الاستااذه للاقتصاد!!!
العلاقه بين الانتاج الحدي والانتاج المتوووسط
1- يتسااوي الانتاج الحدي مع الانتاج المتووسط عندما يكون الانتاج المتووسط في اعلى قيمه يعني يتسااون لما يتقااطعوون في اعلى نقطه لللانتاج المتوسط > مثلا النقطه m يتقاطع عندها المنحنى المتوسط والكلي هي دي النقطه التي يتساوون عندها اعلى نقطه للمتوووسط فهمتو؟ 2- اذا كان الانتاج الحدي اكبر من الانتاج المتوووسط فان الانتاج المتوسط يتزااايد > كانهم في سباااق يغارون من بعض >> 3- اذا كان الانتاج الحدي اقل من الانتاج المتووسط فان الانتاج المتوووسط يتنااقص > غيره شكل حريم هههه افهموها اكثر بعد كذا .. اذا قل عدد العمال > انتاج حدي وش يصير ع الانتاج يقل صح واذا زاد عدد العمال > زاد الانتاج الحدي> يزيد الانتاج فهمتوووووو؟ مافيه اكثر من كذا عاد تبسيط > تاخذ نفس عميييق |
2012- 12- 6 | #95 |
أكـاديـمـي ألـمـاسـي
|
رد: بعد دروس الاستااذه للاقتصاد!!!
عوائد الانتتاج على الحجم
يعني علاقه المدخلات > الموواد الخاام او اي شي ادخله بالمصنع حقي علشان انتج منه >مع المخرجات > السلعه الي انتجتها تكون لها ثلاث حالات 1- عوائد الحجم الثابت.. >عوائد يعني الفايده او السلعه التي تعود على بالنفع يعني المخرجات >.. تودي الزياده في المدخلات الى زياده بالمخرجات زيادة تتناسب مع المخرجات .. يعني لو زودت المدخلات عندي مواد الخام 5 بالميه يطلع لي المخرجات 5 ببالميه نسسبه متاسويه نفس الي حطييته طلع لي 2- عوائد الحجم المتزايده ... يعني تودي الزياده في المدخلات الى زياده اكببببر في المخرجاات .. يعنني زودت المدخلات عندي الي هي مواد الخام وغيرها بنسبه 10 بالميه عن اول راح يطلع النسبه بالمخرجات 20 بالميه 3- عوائد الحجم المتناقصه .. اكيد الحين فهمتوها تودي الزياده في المدخلات الى زيادة اقل من المخرجات يعني زودت 30 بالميه لككن اعطاني مخرجات 15 بالميه بس نلااحظ كلها زياده في المدخلات بس مره يعطيني زياده اكبر > متزايد > ومره يعطيني زياده بنفس النسبه > ثابته > ومره اقل من المدخلات متناقص فهمتوووووووووووو؟ باقي تكاليف الانتاج الي هي عباره عن تكاليف ثابته ومتغيره > تذكرونها اخذنها بالرياضيات مع اسامه ربي يحفظه الي هي التكاليق الكليه تساوي المتغيره زائد الثابته بكرا ماراح ادخل الا متاخر ويمكن ماادخل اعذروني مررره بزززي اشوفكم ع خيير ادعو لي |
2012- 12- 6 | #96 |
أكـاديـمـي فـضـي
|
رد: بعد دروس الاستااذه للاقتصاد!!!
ماقصرتي ي بعدي
وربي يسهل عليك بالتوفيق للجميع |
2012- 12- 6 | #97 |
متميزه بمسابقة الملتقى الرمضانية
|
رد: بعد دروس الاستااذه للاقتصاد!!!
ماقصرتي ي الوايليه
الله يعطيك العافيه .. |
2012- 12- 6 | #98 |
متميز بالمستوى الثاني– إدارة أعمال.
|
رد: بعد دروس الاستااذه للاقتصاد!!!
الله يعافيك يارب
جهد مميزز فالك النجاح يارب موفقة |
2012- 12- 6 | #99 |
أكـاديـمـي
|
رد: بعد دروس الاستااذه للاقتصاد!!!
يا سلام على هالشرح ... الله يحفظك
|
2012- 12- 6 | #100 |
أكـاديـمـي فـضـي
|
رد: بعد دروس الاستااذه للاقتصاد!!!
ياليت تشوفين لنا موضوع نظرية التكاليف مره لحست مخي هالمحاضرة بالذات لما شفت اسئلة الفصل اخر الكتاب
المشكلة كلها شرح جدول ومنحنيات ولخبطه |
مواقع النشر (المفضلة) |
الذين يشاهدون محتوى الموضوع الآن : 5 ( الأعضاء 0 والزوار 5) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
][乂النصر乂][ رابطة الملكي][乂النصر乂][ | ₪ƦάЂƳ ДĽ7εƧ₪ | ملتقى الرياضة | 3666 | 2013- 10- 7 10:07 AM |
رابطة مشجعي ومشجعات نادي الهلال { الـزعـيـم } | إنسان أكثر !! | ملتقى الرياضة | 3413 | 2013- 5- 31 12:15 AM |
[ جميع الأقسام ] مبــحوح صوت الوطن ,, مات نبض الخير بمطلع السبت | نـــادية | منتدى كلية الآداب بالأحساء | 18 | 2011- 10- 26 06:59 PM |
الديوان الملكي: الأمير سلطان بن عبد العزيز في الرفيق الأعلى | @دانه@ | منتدى كلية العلوم و الآداب بالخفجي | 10 | 2011- 10- 25 05:31 PM |