شكوى ضد جامعة الملك فيصل

[حمد الدووسري]

تم تفعيل الهاشتااق

لكن نبي تكاتف وعزم

[ملاذ ksa]

ياخوفي بعدها يقلبون علينا القوانين كذا ناكلها عدل خلونا على مجنونا لا يجينا اجن

[الاسم ابوناصر]

اطلق لها السيف لا خوف ولا وجل = اطلق لها السيف وليشهد لها زحل
اطلق لها السيف قد جاش العدو لها = فليس يثنيه الا العاقل البطل
اسرج لها الخيل ولتطلق اعنتها = كما تشاء ففي اعرافها الامل
دع الصواعق تدوي في الدجى حمما = حتى يبان الهدى والظلم ينخذل
واشرق بوجه الدياجي كلما عتمت = مشاعلا حيث يعشى الخائر الخطل
واقدح زنادك وابق النار لاهبة = يخافها الخاسئ المستعبد النذل
اطلق لها السيف جرده وباركه = ما فاز بالحق الا الحازم الرجل
واعدد لها علما في كل سارية = وادع الى الله ان الجرح يندمل

[احلام انجح]

الله يعين يفرجه الله على الجميع بنسبه لي اصعب ترم هذا الترم الدكاتره مهم متعوين معنى لايوجد وسائل اتصال لايوجد رد على لايميلات محد يرد واليعلم الجميع ان اغلب الطلاب والطالبات مدخلوا الجامعه الى من الظروف الى هم فيه الاسئله صعبه جدامع هذا حتى مدرسات الخصوصيه ميدرسن اتصلت على كذا مدرسه من اقوله جامعه الملك فيصل تقول لى اعذرين ان مدرس واحد ادرس مجموعه ياربي منين اجيبله مجموعه بنات يعنى زود على هم الليل قارده

[عاشق ثراها]

مع كل احترامي وتقديري للجميع ورغم اني هالترم

مع الادارة الاستراتيجيه شفت اسئلة لاتنتمي للماده بصله واسئله معقده
وفيها اخطاء املائيه بس ماتوصل اننا نرفع شكوى بهالمستوى


واذكر كل المواد اللي عانت منها دفعتي سابقاً ورفعنا فيها شكوى عدلت لنا الدرجات
ورصدت لنا درجات اكثر مما نستحق والكثير يشهد بهالشي

انا ماني مطبل للجامعه ابد واعرف ان الجامعه فيها اخطاء كثير ولن تصل لمستوى الاحترافيه اللي
عند جامعة الامام لكن اعترف وكلكم تعرفون ان عدد كبير من طلاب الجامعه الله يهداهم يذاكر اسئلة
العام الماضي ثم اذا ماتكررت زعل وقال نرفع شكوى !!

ما اكذب الاخوه اللي قالوا الادارة الماليه / والمحاسبه الاداريه وغيرها من المواد اللي
صارت اسئلتها معقده ، ولكن انتظروا رد الجامعه وصدقوني دام معكم حق راح ينظر
لشكواكم وتاخذون حقكم وهذا من تجربه بكذا ماده


احترمكم زملائي الطلبه جميعاً ، وارجوا ان تتقبلوا وجهة نظر اخوكم

وشكراً واتمنى لكم التوفيق

[KHALID-ALXY]

انا معكم ،، لعدة اسباب

اهمها ان الجامعة يبدو لي انها غيرت سياستها وهذا الامر اصبح واضح بعد اقفال نظام الانتساب وحصره فقط على الجامعة السعودية الالكترونية .

اسلوب ايصال المعلومة لا يتوافق لا جزئياً ولا كلياً مع التحدي الذي نواجهة كل مساء في يوم الاختبار

الوقت والمسموح به لتنفيذ الاختبار ..!!

نظام الجامعة الالكتروني والمحاضرات المسجلة والمباشرة ، لا تتوافق نهائياً مع العدد الكبير للطلاب ولا يوجد اي تطوير او تحسن في المستوى الالكتروني وفق ما يتناسب مع المبالغ الهائلة التي يقوم بدفعها الطلاب وهي كفيلة ببناء صرح تعليمي جبار فما بالك بتحسين الخدمات الطلابية فقط لا غير ..!!

ختاماً

أنا موظف حكومي حاصل على دبلوم من معهد الادارة العامة تخصص شبكات وانظمة تشغيل .. لك ان تتخيل عزيزي الطالب قبل 5 سنوات من الآن ،، أغلب الاختبارات التي قمت بأداها كانت open book صدق او لا تصدق
يختبر الطالب والكتاب مفتوح قدامه ..!!

ياعالم التعليم تطور وهذولي هدفهم فلان يحمل الماده ولا فلان لازم ما يغش واذا غش يكون حرمان ..!!

التركيز على نقطة مهمة وهي ان الطالب يؤدي الاختبار بهدف التأكد من ان الماده التعليمية وصلت للطالب وان الدكتور نجح في حصد ثماره بالتعاون مع طلابه

أما مسئلة تحدي و راسمالية واضحة فهذا الامر مرفوض تماماً ..


نقطة اخيرة لكل من هو ضد الشكوى احب اقوله ،، ولا تزعل المشوار قدامك طويل وسكوتك يدل على ان السياسة لن تتغير ،، وراح اذكرك بالخير ولا تستعجل

موعدنا بعد اختبار ادارة التسويق ،، وسلمني على النجاح بعدها .

والله الموفق

[استاذ جامعي]

والله تعبنا من الدكاتره هالترم مررره سيئ للغايه وش غريب في
الاسئله وطروحاتها الوضع مايطمئن مرره الله يستر

نجتهد ونذاكر ونعمل وفي الاخر يطلع دكتور الماده ويفتي في طرح
الاسئله الغريبه عكس الاترام السابقه

والله يوفق الجميع

[خاين - ألعهـد]

وأنا معك

[hwawy]

توكلنا على الله عطونا الطريقه بس

[فهد الظهران]

اليوم تضررنا من المحاسبة الادارية

بالرغم كنت ابي ادخل الاختبار بدون الة حاسبه
قلت احل المسائل يدوي

داخل ومذاكر

وطلعت مادل وين مكان السيارة ههههههههههه



معكم قلب وقالب