[ اسئلة اختبارات ] : انطباعكم عن اختبار قراءات و مطالعات ...

[هاله89]

خلاص انسوا هالماده شوي وركزوا فبكرة
ربي يفتح علينا وعليكم :)

[FTOM]

شرح الدكتور بسيط ومتواضع المفروض ما صعب الاسئلة الاختبار عموماً لا سهل ولا صعب ما نقول الا الله يسامحه

[huda ali 11]

اول مرة اجلس بختبار ساعتين كاملة
انا من شفت البرقراف وانا غسلت يدي
الاسئلة الي بلاخيرة كانت سهلة شويتين بس الي تبع البرقراف كلها ع الله
الله يعديهااا بسس

[عالي المرقاب]

الاختبار صعب ولا راح يحله الا واحد خواله من ربع ستيفن وجورج الدكتور مايدري ان اغلب الطلبه موظفين وكبار في السن و لا عندهم وقت كافي للمذاكره لابد ان يضع هذا في باله الاسئله فيها صعوبه ومتشابهه

[~دلـــعـ~]

الله يوفق الجميع بصراحه انا حملت الماده من مستوى 3

و خليتها بالاخير مع مرور السنوات يكون عندك مخزون كلمات

من المواد الثانيه ،، ذاكرت الكلمات اسبوع كامل وانا احفظ فيها ..

الي حفظ الكلمات و فهم الشغلات الثانيه مثل السفكس و البفكس ،،

بيحل زين ،،

ع العموم جاب قطعه عن الفوود اذكر واحد من البرقرافات كان يتكلم

عن الناس ينتقلون مدينه مااذكر وش اسمها للعمل و مايكون عندهم وقت للطبخ

لذلك يشترون الفاست فوود والاكل الجاهز وجاب ماين ابديا عليها ..

و برقراف تكلم عن المزارع و الحيونات .. وكمان ماين ايديا عليها.،

اتوقع ان القطعه كانت تتكلم عن الاكل في جميع انحاء العالم ،،

و كلمات و حلها كان موجود بالقطعه حتى اتوقع انه مغمقها ..

ماجاب توبيك ولا ضمير عائد بالقطعه جاب 3 اسئله ع جمل منفصله عن القطعه ..

جاب كمان 4 اسئله على وش نوع الكلمه صفه ولا ناون طبعا ع طول ناظرت نهايه الكلمات

و بكذا حلها يكون اسهل ،،

وكم سوال بفكس و سفكس ووش معنايها ..

كمان تعريف التوبيك والماين ايديا و الاسكنينق ،،

والباقي فكواب واستراتجيات ..


الزبده الماده كان يبي لها مذاكره من بدري يعني اسبوعين اقل شي ،،

الاختبار كان متوسط و كان يعتمد ع الفوكاب ،،

هذا الي اذكره ان شاء الله افيد الكل ..

بالتوفيق ,,

[صقـــر الزامل]

الله يصعبها عليه هذا به نقص بالشخصيه وجاء يطلعها علينا المفروض نقدم شكوى به بخصوص
1/قطع من خارج المنهج
2/تصوير القطعه مثل الزفت تقل نشحذه
3/الاسئله ملزقها تلزيق ببعض يعني نفسيه
اقسم بالله اني كرهت التخصص كلها منه يعني مازلنه في البدايه حبه حبه هذا اولا ترم بالتخصص حسبي الله عليك الله يصعب عليك عيشتك.....

المهم افتحو موضوع ونبي نجمع عدد كبير من الطلاب والطالبات علشان نشكي عليه
واذكركم اذا شكينه عليه راح يرفعون درجاتنه وننجح بالماده بالتوفيق .

[{تهاويل}]

المادة مربكة للكثيرين لان دكتور جديد عليهم وعلى المادة بالنسبة للانتساب
كما انها مادة جديدة علينا في اول مستوى لنا في التخصص
وتعودنا على مواد الاعداد العام والتي كانت تعطى لتخصصات مختلفة مثل القراءة في المستوى الثاني
والتي يحدد يها الدكتور بعض القطع واسئلة واضحه من القطعه بسبب ان اغلب المختبرين ليس لهم علاقه
بالتخصص الانجليزي
للاسف البعض يعتقد انه مازال في مرحلة الاعداد العام ، رغم انه دخل عمق التخصص وهي مثل ما عبر عنها
الدكتور/ عبدالله الفريدان ، انها المستوى المتوسط في اللغة الانجليزية
اسهل دكتور ، حيث اكد وقال في اثناء المحاضرات وفي المباشرات
ان الي بحل معه التمارين في المحاضرات بكون الاختبار سهل جداً عليه
وبغض النظر عن القطعه ، كل شيء جاء من تمارين التي حلها بالمحاضرات بالنص
حتى اني وضعت بعض الكويزات من الي حلهم الدكتور على هيئة كويزات ، والحمدلله جاءات في الاختبار بالنص
لا يوجد اسهل من كذه
اما بالنسبة لك كطالب دخلت في المستوى المتوسط من اللغة الانجليزية انت مطالب ان ترفع من مستواك الى مستوى الكتب التي تدرسها وتدعم كلماتك ومصطلحاتك بكلمات اقوى من الي تعرفها وهذا هو هدف المقرر في الحقيقه ، زيادة حصيلة الطالب من الكلمات والمصطلحات الانجليزية حتى يكون قادر على مواجهة ما هو قادم. والتعود على القراءة من اجل ان يزيد من حصيلته في الكلمات والثقافة والادب.
الاسئلة كانت قويه للتفريق بين من تابع المحاضرات ومن لم يتابع
كان الدكتور حريص على ان ياكد على الطلاب في المباشرات ان يتابعوا المحاضرات وكان يسالهم من تابع المحاضرات.
وكان يلوم الي ما تابعها ويقول له عليك متابعتها اذا كنت تبي تشوف الاختبار سهل.
(فيه وضوح اكثر من كذه؟)
لا تنتظر ان تنزل المناهج القادمة الى مستواك ، لكن حاول ان ترفع من مستواك حتى تتفوق عليها .
شكراً لك د.عبدالعزيز التركي
كانت اسئلة ممتعه جداً
والحمدلله انها ما كانت مركزة على القطعه
وانما على المهارات التي تعلمناها منكم
والتمارين التي مارسناها معكم في المحاضرات

ولا تزعلوا ماهي فلسفه ولا شيء انما هي تهاويل تائهه اذا ما عجبت ارميها على جنب
وان شاءالله فالكم النجاح ، انتوا حليتوا صح بس تحسبوا نفسكم حالين خطأ
اكثركم قدر يحل بس مو واثق من نفسه لا غير

[مناهل]

بصراحة الامتحان كان صدمة

[البندري11]

فعلا الدكتور غلطان المفروض أعطانا اﻷمتحان محلول ولا كتب لنا معه ترجمة بالعربي
من جدكم عاد
كلام تهاويل صحيح 100%
انا فعلا انصدمت لما دخلت اﻷمتحان لكن من سهولة اﻷسئلة والله انه ماقصر وانه جاب أسهل أسئلة ممكن تكون
مع اني أهملت في المذاكرة وايضا الوقت ضيق بالنسبة للقطعة وأسئلتها
يعني اللي ماحليته من أسئلة كان بسبب أهمالي ثم ضيق الوقت ولا الدكتور ماقصر
جاب اسهل واتفه أسئلة وش نبي اسهل من كذا
عموما
شكرا دكتور عبدالعزيز التركي بحجم السماء
والشي الثاني أخواني وأخواتي ان شاء الله كلنا نعدي هذي المادة بتوفيق الله
الشي الثاني انتهينا ماعاد ينفعنا الكلام لكن نشد حيلنا في الجاية واذا ربي احيانا المستوى القادم نفتح لكل مادة موضوع ومذاكرة جماعية محاضرة بمحاضرة من أولها
ونعدل وضعنا بدل مايروح علينا المعدل ونجلس نأخذ ذنب كل دكتور ونسبه وندعي عليه
اعتذر لكل من لا تروق له كلماتي

[شيهانة القحطانى]

الحمد لله انى حذفتها هالترم