P e o n y ~

[حيـاة]

يقولون لي لا تناظرين للي أفضل منك شوفي اللي أقل منك وأحمدي ربك على اللي عندك ..

الحمدلله دائماً على ماسر من أمري أو ساء ..

لكن إذا ماطالعت فوق ماراح أصير أفضل ووضعي ماراح يتغير.. كيف وضعي يتحسن أذا ظليت أناظر للي أقل مني!



ناظر للي أفضل منك لكن بالمستوى اللي يناسبك ومايفوق قدرتك ..

[حيـاة]

بعد مرور سنة ونصف على تخرجي ومازالت الأسئلة عن الاختبارات والنظام الأكاديمي واسئلة دراسية توصلني حتى هذي اللحظة

المفروض أطالب ببدل وتكليف بالعمل بعد التخرج
بالنسبة للي لازالوا يدرسون نصيحة استمتعوا وتعلموا بكل لحظة مهما كانت الصعوبات اللي تواجهونها ف كل شي تواجهونه هو خبره سواء فشلتوا أو نجحتوا ما أخفي اني أتمنى أرجع اللحظات اللي واجهت فيها صعوبات لأني الآن عرفت قيمتها وكمية الأشياء اللي تعلمتها منها..


حقيقة رحلة البحث ممتعة جداً ..

[حيـاة]

اليوم الاثنين هو السايبر مونداي Cyper Monday (يوم الاثنين يوم الشراء الالكتروني)<< (ترجمتي الخاصة) اللي التخفيضات في المتاجر العالمية على الانترنت فقط وتخفيضاتهم فضيييييعة وصلت لل ٧٠٪ والتخفيضات حقيقية تخفيضات هاليوم غطت على البلاك فرايداي black Friday أو الجمعة السوداء اللي كان قبل كم يوم اللي أكثر تركيزه يكون على محلات التجزئة ومتاجر الانترنت أيضاً < هذا رأيي أنه غطى ع البلاك فرايداي.. للمعلومية: البلاك فرايداي والسايبر مونداي تعتبر هي بداية موسم التسوق لأعياد الميلاد وهذا هو الموسم بالنسبة للغرب.


ودي آتكلم عن هذين اليومين بشكل مفصل لكن مو هنا المساحة المناسبة لسرد ماهو البلاك فرايداي والسايبر مونداي ..




ليش هنا مايصير عندنا مثل البلاك فرايداي والسايبر مونداي في وقت المواسم مثل رمضان والأعياد و أوقات الإجازات بدل موسم تدبيل الأسعار اللي نشتريه دائماً ب ١٠٠ يصير بقدرة قادر ب ٥٠٠


المهم لحقوا على السايبر مونداي لايخلص وانتو ماخلصتو الكردت حقتكم

[حيـاة]

أسماء عبدالعزيز

كلماتك الرائعة كانت بداية ليومي شكراً وليتها تكفي


كلمة فقط أو مجرد ابتسامة ليست بداية ليومك بل قد تكون بداية حياة جديدة لأحدهم فلا تبخل

[حيـاة]

مساء / صباح الخير

زماااان عن المدونة وعن الأصدقاء *لا أخفيكم سراً بأني اشتقت لكم*

حالياً أعاني من قحط يحتاج إلى سقي الأفكار حتى تنبت الخواطر
أو يمكن أعاني من تجمد في الأصابع والذي بدوره أدى إلى تجمد الأفكار ..


ما أحب فصل الشتاء "ويبدو أني الوحيدة اللي ماتحب الشتاء"
بشكل عام ما أحب البرد سواء برد التكييف أو برد الجو
ما أحب الخمول اللي يكون في الشتاء لأن الجو بارد ويجيب النوم
ولا أحب ألبس عشرين طبقة من الملابس ولما أطلع من البيت ألقى الجو أدفى من جوا البيت << دايم تصير
ولا أحب أقضي أشغالي في الليل لأني أحب و تعودت أخلص أشغالي في النهار عشان في الليل أرتاح "مع العلم أن وراي عشرين ألف شغله لازم أخلصها ولا أنجزت منها شي لسى"
وأهم شغله أنو في الشتاء لازم أتعشى مرتين لأن الليل طويل و مستحيل أقاوم الحنيني والفتيت و القشد والمرقوق والمراصيع وأي شي فيه فلفل أسود وسمن وقرفة فما يمديني آكل إلا جعت وإذا جعت جوعي ممكن يكون على شكل حنيني قبل أنام ولا يخلص الشتاء إلا وزني زايد كم كيلو


المهم العذر على التأخير ورح أحاول أدفي مخي وأصابعي عسى تنبت خواطر صالحة للاستهلاك

[حيـاة]

أصعب شعور ينتابني هو اللاشعور في الوقت اللي أكون في أمس الحاجة للشعور

مثلا قابلت صديقة جداً مشتااقة لها وزماان عنها لكن استقبالي كان بارد بدون شعور والأصعب منه صدمتها من برود استقبالي

بعدما ينتهي الموقف يجي شعور تأنيب الضمير ..


مريت بهذا الموقف من فترة وإلى الآن أحس بتأنيب الضمير وودي أقول لها انك قابلتيني بوقت ماكنت بمزاج جيد.. بس خلاص انتهى الموقف وانصدمت و أتوقع ماعاد تصدقني إذا قلت لها اشتقت لك

[حيـاة]

أمدحني وقد أنساك

شجعني ولن أنساك


فعلاً التشجيع حتى لو بكلمة له أثر يمتد طول العمر .. مثل مدرس يشجع طلابه ويدعمهم بكلام محفز ونابع من القلب .. لأن مايخرج من القلب يصل مباشرة إلى القلب .. رح يظلون طلابه يذكرونه بالخير وماينسونه من دعائهم الصادق بظهر الغيب .. ونفس الشيء في مجال العمل وفي أي مجال في الحياة العادية وهنا مجرد تقييم يحفز لتقديم المزيد ف أتمنى تكون فرصة التقييم مفتوحة وما نشوف رسالة انو مايمدي نقيم عضو إلا بعد إضافة سمعات لأن الأعضاء هنا ماشاء الله متميزين جداً بدون مجاملة والمتميز يحتاج للتشجيع حتى يقدم أفضل الأفضل وبرضو اللي بدأت نجومهم تسطع يحتاجون دعم حتى يكونوا مثل نجم الثريا

[حيـاة]

peace تنبيهك بخصوص معلومة "الكيمياء" جا في وقته بالضبط لأني جد كنت أدور على هذي المعلومة وأحاول أتذكر وين قريتها !! لدرجة اني رحت أدور في حسابي في تويتر قلت أكيد تغريدة سويت لها لايك وريتويت لكن طلعت أنت المصدر فـ شكراً شكراً

فهد الشريف تقييمك وكلامك وسام أحمله أشكر لك تشجيعك
^ هذا اللي تكلمت عنه في تدوينتي السابقة نوع من التشجيع الذي يدفع للأفضل




عبدالله .. أبشرك بدأت استعيد علاقتي مع القراءة بعد انقطاع وفعلاً بدأت أستشعر الفرق شكراً لك




ردود لبعض التقييمات الجميلة اللي ماقدرت أدخل لتقييم أصحابها لحاجة بعض الأعضاء لسمعات




#شطحة
ما أعرف كيف أنسخ رد من موضوع آخر اللي تعرفون لا تبخلون علي بالمعرفة << لحد يضحك علي

[حيـاة]

عبدالله الشلاحي مبروك الإشراف تستاهل الخير

هاجر و بيس لتميزكم تميزت مدوناتكم مبرووك التميز الدائم

[حيـاة]

التضحيات اللي تقدمها لغيرك على حساب مشاعرك مافي أحد رح يوقف ويصفق لك عليها .. على قتلك لذاتك .. يمكن يشكروك لكنهم رح ينسوك ويكملوا مشوارهم .. بعدين رح تكتشف أنك أعطيت غيرك الكثييييير لكن ما حصلت منهم إلا القليل مع الكثير من ظلمك لنفسك ..


سوي خير وارميه بحر .. لكن لا تظلم نفسك "ولنفسك عليك حقاً"..