[ محتوى مقرر ] : ترتيب الجدول لمستوى 6 ارجو الدخول وابداء الرأي

[keezan]

انا بأذن الله ناويه اظيف ماده الاحصاء في الاداره 3 ساعات
اتمنى ان الدكتور تغير ....

[كاتمة الضيم]

المشاركة الأصلية كتبت بواسطة AL RABIE

اذا ماعندك مواد متأخرة من الاترام السابقه اقصد خلصتي كل المواد من مستوى 1 الى خامس وماشا الله الصيفي خلصتيه .. اذن فهي فرصه عندك 6 ساعات يعني مادتين من مستوى سابع او ثامن حسب الجدول اللي بينزل واذا كان فيه تعارض بالجدول.. لا حولا ولا قوة سجلي ماده ..
بالتوفيق

ممتاز عليك انا كنت افكر اخذ مادتين بس ابي احد يأكد لي انو صح مو مجازفه

بالذات انو ولله الحمد ماحملت ولا ماده،،

[QUOTE=Aseel Hamad;10270785]أإنا بأخذ إدارة استراتيجية من مستوى سابع وإدارة مشاريع مستوى ثامن بإذن الله
انا مخلصة المواد اللي راحت كلها وأخذت هالترم إدارة معرفة تراها ساعتين مو ثلاث
وأخذت صيفي أخلاق إسلامية وفقه السيرة
ان شاء الله بأخذ صيفي قضايا ويارب ينزلون مادة زيادة ماخذتها

أخيرر طلع احد مثلي ماشاء الله انا مخلصه كل المواد الحمد لله واخذت عليهم الصيفي

وادارى معرفه من مستوى السادس وكنت ابي اخذ نفس جدولك بس احترت بالماده الثانيه

وانتي فتحتي علي باب اختار إدارة استراتيجيه بس مدري عن طبيعة الماده اذا سهله او لا،

[شعاع الأمل]

المشاركة الأصلية كتبت بواسطة al rabie

السلوك ماده نظريه دقيقه ويدخل فيها الجانب العملي اقصد الحياة العمليه والجانب السلوكي النفسي وتتكلم عن سلوك الفرد والجماعه بالمنظمه واسئلتها كانت هالترم لف ودوران بطريقه قويه .. لكن الحمدلله على كل حال
النقود والبنوك الدكتور جديد راعانا بحذف 3 فصول من الكتاب والعملي ماجاب منه غير سؤال من واقع المحتوى فقط مقارنه بالترم الماضي كان اختبار النقود والبنوك صعب جدا بسبب اسئلة الدكتور السابق .. بالنسبه للترم هذا كان جيد الاختبار ولو انه فيه اشوي اسئلة يبي لها تركيز ..
يتحدد اختيارك مع الجدول اذا نزل ..
كلا المادتين يبي لها تركيز وفهم .. والنصيحه لا احد يأجل مواد تفاديا للتعارض اللي عنده مواد يحاول يخلصها وبعدين يسجل من مواد مستويات متقدمه ..

شكرا لك اخوي عالتوضيح وان شاء الله راح يكون الاختيار على ترتيب الايام والتاريخ بالجدول كما تفضلت

والله يعين من الأن شلت هم مادة بنوك ونقود

[أبوالحسن الشريف]

يعطيكم العافيه جميعا
ابي شوركم
بالنسبة لسادس سبق واخذت التوريد
وباقي علي من المستويات السابقة
بحث وتفكير و فقه السيره
ابي جدول 18 ساعة
بس اهم شي
فيه مجال بين كل الاختبارات
يعني مابه مقررات ورئ بعض

[orginal]

باذن الله بعد ماتطلع النتيجه ويثبتون على الجدول ارتب وضعي
بس مبدئياً ان شاءالله باخذ السلوك لاني اخذت بداله رياضيات2
و باقي لي ماده حاملتها من ثالث اساسيات محاسبة التكاليف ساده نفسي قسم بالله هالماده مدري اي مستوى اخذها والله
اللي عنده راي بخصوص هالماده العله يعلمني..

[Richou x]

انا خذت قضايا ثقافيه هالترم

والاختبار سهل والماده سهله بعد

[طالب عيوني]

اما تنزل لنا الجامعة جدول ثابت للثلاث مستويات القادمة ع الأقل وبالتالي نتخرج ان شاء الله خلال ثلاث سنوات
أو راح يكون لكل مستوى تغييراته المعتادة وبالتالي لابد من اضافة مستوى تاسع اضافي

حرام أضيع تعب أربع سنوات عشان شهرين !!
وبالنسبة للتخرج ماني مستعجل عليه .. يعني ترم اضافي ما راح يفرق معي كثير

عموماً .. يبقى كل شيء معلقاً حتى نزول الجدول


قفلة //
اذا قدرتوا تسألون الفريدان عن الجدول اذا كان ثابت ولا بيتغير بيكون أحسن وأحسن
مع اني ما عدت أثق في أي شيء منهم للأسف :[

..

[أمير الكلمة]

المشاركة الأصلية كتبت بواسطة al rabie

الله يعطيك العافيه وشكرا على مرورك .. اخوي خليف مافي صعب مع المتابعة اول باول والشي المهم انك مع دفعه متميزة كل الصعاب معها تهون ..
ومثل كل ترم يد بيد انشا الله نتخطى الصعب .. يعني مهما كان الترم السادس مابيكون مثل رياضيات 1 و2 والاقتصاد الجزئي والمحاسبه 1 و 2 والاساليب والاحصاء والتحليل الاحصائي ونظم المعلومات الاداريه الخ .. من المواد الدسمه الصعبه .. تتوقع مستوى سادس بيكون اصعب؟؟
الهدف ماتضيع الوقت اذا فيه مجال ل 3 ساعات بالجدول وتكمل ال 18 حرام تفوتها عليك تساعدك بوقت التخرج ..

خطتي كالتالي ...

انا انهيت فقه السيره 2 بالصيفي
اخذت بدالها ادارة المشاريع من مستوى 8 اللي هي 3 ساعات
المستوى السادس 15 ساعه !! بسحب من المستوى السابع او الثامن ماده الو 3 ساعات حسب الجدول اللي الجامعه بتسويه
اوصل المستوى السابع ماعندي الا 15
اوصل المستوى السابع 15 واسحب من الثامن مادة ابو 3 ساعات حسب الجدول
بعد المستوى السابع فيه صيفي !! خطتي اخذ الصيفي قضايا ثقافيه معاصرة والاخلاق الاسلاميه واداب المهنه والمادتين 4 ساعات
لما اوصل المستوى الثامن ( وطار منه 3 ساعات ادارة مشاريع و4 ساعات المادتين قضايا ... والاخلاق والماده اللي سجلتها بالمستوى السابع 3 ساعات = 10 ساعات )
يعني المستوى الثامن بيكون 9 ساعات فقط ومجموع المواد 3 مواد احلى من التخرج ياكذا يامافيه ..

اخوي الربيع
مساء الخير
انا متطابق معاك بالجدول خلصت فقه السيره والترم هذا اخذت ادارة المشاريع
لذلك باسجل المستوى السادس وباخذ معه 3 ساعات
القضايا والاخلاق باتركها على امل اسجلها صيفي ان شاء الله ومحتار بين اني اخذ مادة من الثامن بحيث ارتاح بالثامن على 9 ساعات او اخذ من السابع بحيث يصير عندي السابع 15 والصيفي 4 والثامن 12 وفي اسواء الحالات لو ما تيسر الصيفي يصير الثامن 16
اعتز برايك ياغالي واذا قررت شي عطني خبر لا هنت

[AL RABIE]

المشاركة الأصلية كتبت بواسطة امير الكلمه

اخوي الربيع
مساء الخير
انا متطابق معاك بالجدول خلصت فقه السيره والترم هذا اخذت ادارة المشاريع
لذلك باسجل المستوى السادس وباخذ معه 3 ساعات
القضايا والاخلاق باتركها على امل اسجلها صيفي ان شاء الله ومحتار بين اني اخذ مادة من الثامن بحيث ارتاح بالثامن على 9 ساعات او اخذ من السابع بحيث يصير عندي السابع 15 والصيفي 4 والثامن 12 وفي اسواء الحالات لو ما تيسر الصيفي يصير الثامن 16
اعتز برايك ياغالي واذا قررت شي عطني خبر لا هنت

تسلم اخوي امير الكلمه وانا يشرفني اني اقدم اي خدمه لاحد من زملائي الطلاب وزميلاتي الطالبات ,
بالنسبه للاضافه بتعتمد على نزول الجدول .. تقدر تسحب ماده من مستوى سابع لانه 18 ساعه وتقدر تسحب ماده من متسوى ثامن وكله يتحدد مع نزول الجدول يعني :

لو سحبت هالترم من سابع ماده 3 ساعات اصبح السابع 15 ساعه ولما توصله بتسحب من الثامن 3 ساعات واكتمل عند نصاب ال 18 وصار الثامن -3 مشاريع -3 ماده محتمله =6 ساعات - 19 = 13 ساعه
في حالة الصيفي انك اخذت قضايا ثقافيه واداب المهنه 4 ساعات ممتاز 4 ناقص 13 = 9 ساعات !!
مااستطعت تسجل لظروف !! مافي مشكله استمر بتسجيل المواد ابو 3 ساعات وهي الافضل .. واجل المادتين الغير علميه حتى وصولك للترم الثامن باذن الله .. وبيكون الترم الاخير خفيف !!وبيصير ترم المعدل ..
الله يوفقك واي سؤال تفضل ..

[AL RABIE]

المشاركة الأصلية كتبت بواسطة أبوالحسن الشريف

يعطيكم العافيه جميعا
ابي شوركم
بالنسبة لسادس سبق واخذت التوريد
وباقي علي من المستويات السابقة
بحث وتفكير و فقه السيره
ابي جدول 18 ساعة
بس اهم شي
فيه مجال بين كل الاختبارات
يعني مابه مقررات ورئ بعض

هلا اخوي ابو الحسن .. طبعا حسب نزول الجدول : اذا ناسب انك تخلص من اي ماده متخلفه عندك من الجدول لا تردد
والجأ للصيفي بفقه السيره اذا تقدر!!!
تأجيل المواد ياثر في تعارض الجدول .. يعني مثل العثرة بالطريق .. لو اضطريت تضغط نفسك ..
انا مثلا بالترم الثالث اخذا الصحة واللياقه بعد ادارة ماليه 1 مباشره يعني الماليه كان بيوم السبت والاحد صحة ولياقه وارتحت فقط الاثنين والثلاثاء نظم معلومات اداريه !! فعلا كان ضغط لا انساه ابدا ..
الهدف : انك ماتترك شي من قبل حتى تقدر تسجل من المستويات المتقدمه .. وانت ماشاء الله خلصت 3 ساعات مبادىء التوريد وعندك 3 ساعات اضافيه بسبب ان الترم السادس 15 ساعه يعني فرصتك كبيرة جدا ل 6 ساعات..

بالتوفيق ..