[ جميع التخصصات ] : نِداء عاجل لمسؤولي الجامعة , " أعراضنا في خَطَر "

[أم عمر!]

المشاركة الأصلية كتبت بواسطة اسلامي سر نجاتي

ما به مبآلغة

البنت صدقت الله يجزآهآ خير

و أي وحدة ينكسر جوالها تستآهل

و الله يستر الجميع . .

و يآ ليت الامن يكثفن جهودهن في الادآب خصوصًا . .

المشاركة الأصلية كتبت بواسطة شموخ ملكة

والله ثم والله لو اصير عميدة هالكلية اني لااوريكم انتوا من جدكم تقووولون للبنت انها مبالغة؟!!

لالا انا متاكدة انكم تمزحون !!

ياناس كثير يجيبون جوالاتهم بس مايصورون ونيتهم بيضاء معكم حق بس المصيبه كيف تعرفين وش بنيتها فااحسن اننا نقطع الحية من راسها ونرتاح يمنعون الجوالات الكام كلها

وغيرهااا والادهى والامر ان الوحده تجي للكلية تقولين جالسه بغرفتها والبلايز الشفافه مدري وش تحسووون فيه والله انها مو كشخه بالعكس قرف اشكالهم مقززة تسبب لي لوووعه مالت عليهم


المفروض البنت الي تجي للدوام بملابس كذا تجلس برا الكلية خليها تعرف ان الله حق وتروح تستر نفسها

صدقتِ, أسأل الله الهداية لنا جميعاً و الحفظ من كل شر .

[مبسمها عسل]

المشاركة الأصلية كتبت بواسطة رِسَالَة خَيْر !

اللي يقولون إني أبالغ في كلامي , أو فهموا من اللي كتبته إني أتَّهم الكُل :

يا بنت الحلال , و الله لو قريتوا كلامي زين , و بنية سليمة , و مخ مفتوح .
راح تفهمون إني ما اتهمت كل وحدة معها جوال كاميرا , أو كُل وحدة تسايلها غريب .

أنا قاعدة أتكلم عن بنت وحدة, عن فئة معينة : لا أعمم, عن تصرف صار قدام عيني ..
عن تصرف يفهمه حتى الحيوان مع احترامي .

ما قلت إن الكلية بجميع طالباتها مثل هـ البنت اللي تكلمت عنها
ولا قلت إن كل طالبة تطلع جوالها معناه إنها متعدِّية على أعراض البنات

وقفوا شوي يا خلق الله و فكروا , أنا ما أعرف بالنوايا ولا يجيني وحي يقولي لي
إذا كانت هـ اللي معها الكاميرا عديمة ضمير أو لا .

في ديننا الحنيف شي اسمه " باب سد الذرائع " !
هناك قاعدة تقول : درء المفاسد مقدَّم على جلب المصالح .

إن كان حاملة الجوال هذه عديمة ضمير , ما راح نساويها بـ أخرى نيتها سليمة .
لكن يبقى اللي بيدهم " شي واحد ", أنا ما أعرف مين فيهم راح تكون سيئة خُلُقاً .
لذا وجه القانون إن : جوال الكاميرا ممنوع على الجميع .

لأن لو الإنسان بمقدوره الإطِّلاع على نوايا القلوب , كان هـ الموضوع بكبره بالردود اللي فيه .
" ما انكتب أبداً " !

بس دامنا ما نعرف نوايا الخلق , ولا ندري بالنية السليمة عن النية السيئة .
اش المفروض نتصرف فيه, مو المفروض نمنع هـ الشي من أساسه ؟!

ترى كُل بنت و طريقة تفكيرها , و فهمها للأمور .
فـ ياليت اللي تفكيرها دايم متِّجه لـ : الظن السوء , و المبالغة .
تركد شوي , و تفكِّر بـ الكلام المكتوب بـ نية طيبة , عشان لا تظلم .

لأن محد أفهم من اللي كتبته : مني أنا شخصياً .
و الشي اللي تواترنا عليه , و على تصديقه , و على رؤيتنا له .
لا تجي وحدة ولا ثنتين مقفلين النور, و يبدون يتهمونا بالمبالغة , بدون وجه حق .
لأني عارفة و متيقنة , إن ذا الكلية مثل ما فيها سيئات , فيها طيبات بعد و يا كثرهم .
بس موضوعنا عن " شي محدد ", ما أظن حكمكم هذا : عادل بحقه .

الله يهدينا وياكم , و يحفظنا جميعاً .

لافظفوك
كلامك دُرر
بعض البنات الحمدلله والششكر ما يفهمون المقصد من الموضوع
يدرعمون و كأنهم بس يبحثون عن المششاكل ،
البنت جزاهاا الله خير ما قالت إلا اللي شافتهه و حبت تنبهه بنات الكلية من اللي يصير . .
وين المشكلة باللي قالته !!

عجيب أمركم ، ترفعون ضغط الواحد

[رميساء]

جزاكم الله خير على هالموضوع بس ليته يوصل للمعيدة افضل و اتمنى يحطون اجهزة تكشف الجوالات الله يستر علينا والله ما أحلل اللي تصورني ي ليتهم يتشددون اكثر نبغى نرتاح

[اسلامي سر نجاتي]

البآرحة كنت اتوضـآ بـ حمآمآت اللوآكر - الله يكرمكن -. .

ألا أشوف بنتين مع وحدة منهن جآلكسي اس 3

شكيت فيهآ صرآآحة . . لأنها مطلعة هالجوال و وجهته للمرآيا كأنها تصور نفسها

مير نزلته بسرعة . .


لو تأكدت أن فيه وحدة تصور قدآمي ما راآح يردني الا الامن . .

وجع . . و حسبي الله على كل وحدة تلعب بـ اعراض اخخوآتهآ . .

و جعل ربي يجآزيها و لا يريّح ضميرهآ طول عمرها

[ي رب اتخرج]

بنات كلامكم صحيح لكن المنتدى مايدخلونه الموظفات او الامن فالكلام هنا بيكون بس فضفضه روحوا لمكتب الامن او شيخه الشريف هي الي مسؤله عن الامن وقدموا الكلام هذا لها لانهم مايدخلون هنا الا الطالبات فقط والله يستر عليكم يارب

[دوقة هيا]

جزاك الله خير أختي رسالة خير وأتمنى يجيبوا الكشاف ونرتاح من ها الهم ،طبعا ها الحل أحسن مليون مرة من التفتيش المفاجئ .