السعودية تدرس إعفاء المرأة المتزوجة من راتب «حافز»

[ashoog]

أغلب المتزوجات يعانون ماديا أكثر من العانسات أو بمعنى اللي ما تزوجو

المشكلة انها ترتبط بإسم زوج وهذا الزوج الله لا حسد مديون - أو بخيل - او ينفق امواله ع اصدقائه ورحلاته وبعضهم محبي القراءة ينفق الالاف ع الكتب والسفريات ومادرى وين زوجته واولاده
واذا جت تطلبه لو 50 قام يحاسبها ويقول وايش وراك ما ناقصك شيء ترينك اكله وشاربه المهم عنده الاكل وبس

وبعض الزوجات وربي معلقات سنين تدرون ايش معناتها يعني بس اسم زوجة فلان الا زوجها مايصرف عليها ولا يبيت عندها ولا درى عنها وأغلبهم ع هذه الشاكلة اللي معدد

ولا اظلم بعض الرجال والله انهم ما يقصرو لا مع زوجاتهم ولا امهاتهم ولا اخواتهم ولا بناتهم بس ما بليد حيله مع رفع الاسعار وشجع التجار


آخر كلامي الملك كريـــــــــــــــــــــــــــــــــــــــم وابن كريم الله يحفظه يا رب
ونسأل الله ان يصلح البطالة اللي رواتبهم من 20 الى 40 الف ومستخسرين ع المتزوجات بحــآفز !!!

[رُزانـــا]

صايره مستجدات حافز توصل بالتدريج علشان ما ننصدم كل يوم عقبه جديده
وبعدين النظام للعاطلين سواءً متزوجين او غيره ومفروض الدراسات هذي يسوونها قبل لا المتزوجات يسجلون ويكلفون على نفسهم
والله لأني متزوجه ولاهم يحزنون بس متأكده ان فيه متزوجات محتاجات مثلنا مثلهم
وش ذا الذل !!!!
الله لا يحيجنا لحد .. *

[بحااااار]

اغلب البنات مقصدها تبي عمل تبي وظيفة تكسر حاجز الفراغ وبعدين يجي المقصد المادي

فيه بنات معها ماجستير والله ان ملفاتهم عند ادارة التعليم وغيرها مرمية


الله يعيين

[حلـ....ـم]

المشاركة الأصلية كتبت بواسطة نوره | ~

ليش ان شاء الله تتحسبون تكرم علينا الملك وزاد في اموال رجالنا

يعني ما تعرفون تشكرون انتم صدق اللي قال ما يملاء عين ابن ادم الا التراب

المتزوجات ماعليهم قاصر لهم حقوق على اموال رجالهم

المطلقات و الارامل انعم الله عليهم بالضمان الاجتماعي

و المتزوجات انعم الله عليهم بالازواج

و العانسات اللي مالهم شي ليش ما يفكرون فيهم !!!!!!!!!!!!

معذرتاً اخت نوره لاكن مو كل المتزوجات يصرفون عليهم أزواجهم فيه متزوجات ترثين لحالهم من اوضاعهم والله منعم على أزواجهم أصابعك ماهي سوى والرواتب هذي ماهي بصدقه يتصدقون بها علينا هذي من خيرات بلدنا الله يحفظه لنا من كيد الأعداء,تقبلي مروري.

[البريئة2]

المشاركة الأصلية كتبت بواسطة mask

عــــــــــاااادي يجي منهم أكثر
وأنتم مصدقينهم أن شالله من أول ما قالوا بيعطون رواتب للعاطلين
لحقوا الكذاب لباب الدار وشوفوا النهاااااية
االحمدلله أن الرزق بيد الله

مشكلة الشعب السعودي طيب ويحسن الظن
مو متصور مدى الفساد المستشري يحسب ان بمجرد الملك يقرر قراراته بتمشي

[حلـ....ـم]

المشاركة الأصلية كتبت بواسطة اية النور

متى اتخرج واروح قطر اتوظف ولا منة حافز علي
الله كريم

والله وجا اليوم اللي صرنا ندور رزقنا برا بلدنا دنيا عجيبه

إذالقيتي وظيفه عطيني خبر خلينا نتونس مع بعض نفس الجنسيه هههههه.

[البريئة2]

المشاركة الأصلية كتبت بواسطة mask

عــــــــــاااادي يجي منهم أكثر
وأنتم مصدقينهم أن شالله من أول ما قالوا بيعطون رواتب للعاطلين
لحقوا الكذاب لباب الدار وشوفوا النهاااااية
االحمدلله أن الرزق بيد الله

الحين احنا بنقعد نتناقش من اولى ومن مش اولى ونعطيهم حلول ؟ دام الملك قرر وفرح ابناء شعبة المفروض قراراته تمشي ولا يتم التملص عنها المتزوجةايضا لم تاخذ الشهادة لتجلس في بيتها ايضا ومن حق الدولة عليها توظيفها مثل دول العالم الاخرى
يا اخوان حنا مو بلد افريقي احنا بلد نفط

[البريئة2]

المشاركة الأصلية كتبت بواسطة حلم وتحقق

والله وجا اليوم اللي صرنا ندور رزقنا برا بلدنا دنيا عجيبه

إذالقيتي وظيفه عطيني خبر خلينا نتونس مع بعض نفس الجنسيه هههههه.

هههههههههههههههههههههههههههههههههههههه

[حلـ....ـم]

المشاركة الأصلية كتبت بواسطة تشافي هارنانديز

الكويت تعطي العاطل مايقارب 4000 ريال ويدوروا له وظيفه وبعد يتشرط ويقولوا له ابشر

يصرفوا عليه من يتخرج من الثانوي اذا ماكمل دراسته الى ان يوصل عمره 27 سنه مو سنه او سنتين

وانت الصادق أخوي تشافي يعطونهم رواتب من عمر الواحد يوم لي أقارب هناك يستلم الفرد الواحد حوالي سبعميه من غير الجمعيه اللي يصرفون لهم مقاضي البيت بأسعار رمزيه وعلى قولتك عادهم يتشرطون ,مانقول إلاحسبنا الله ونعم الوكيل على البطانه الفاسد ولآملكنا ماقصر.

[Misoo]

اوكي قلنا المتزوجات عندهم رجالهم

طيب هل كل الرجال نفس الدخل ؟!

فيه ناس تعيش على ال 2000 و ال 3000
بالله هذا شي معقول ع الاقل حافز يكون لها مصرروف
كفاايه الحين الدنيا كلهااا نااار بناااار
ولاتقولون الملك قال السعودي مايستلم اقل من 3
اوك انا معاكم هو قال والله يخليه لنا
لكن التجار و اصحاب الشركات الخااصه مح حوووولك اذن من طين واذن من عجين

واحد صاحب حلال يوم نزل قرار الملك انو كل سعودي راتبه مايقل عن 3000 ريال
تدرون شنو قال ؟!
قال اللي تبي 3 تطلع من الدوام وتجلس ببيت ابوها معززه مكرمه وتاخذ 3000 << هذا الموقف صار حق اختي

نرررجع لموضوعناا
وبعدين موب كل الرجال يشتغلون بقطاع حكوومي
الاغلبيه بقطاع خاص
لا بنتحسب وراح نتحسب الملك قال حق كل عاطل وعاطله عن العمل
ماقال البنت ايه و المتزوجه لا

طيب طيب
الحين الرجال له مجالات عمل اكثر من المرأه ليه مايعفونهم من راتب حافز الووهمي ؟!
هو يقدر يفرر بالشركات و الموؤسسات ويقدم اوراقه في اي مكان
موب زينا احنا يا روضه يامدرسه والاتجلسين
وان قدمتي بمستشفى قامت عليج القيامه

يرتااحون بس