كل مايخص ماده المحاسبه "

[((شهد))]

المشاركة الأصلية كتبت بواسطة سيدة الأسئلهـ

الحساب على الآجل من اسمها على الاجل يعني مؤجلة يعني بيصير دين
فشي أكيد بتكون دائنة دايما ومستحيل تكون مدين بأي حال من الأحوال
جيبي المثال اللي مافهمتي عليه واشرح لك

يعطيك العاااافيه ياااارب

بس عندي مشكلة فحل مسائل دفتر الاستاذ

اذا جينا نرحل القيود من دفتر اليومية لدفتر الاستاذ
يكون الحساب على جزئين مدين ودائن
متى تكون الأصول مدينة ومتى تكون دائنة ونفس الشي للخصوم
ياليت يكون فيه شرح لحساب من الاصول وحساب من الخصوم

شرح مفصل عشااااااان افهم صح

اذا جيت أحل لازم يطلع لي خطأ

[سيدة الأسئلهـ]

اهاآآ والله يالغالية مابعد وصلت للقيود

بس اصبري علي شوي لين اشوفها او اذا في احد ثاني بيشرح لك

[((شهد))]

ماتقصرين سيدة الأسئلة الله يوفقك
واللي فاهم لايبخل علينا بالشرررح الله يعافيكم

[wa7at]

الحين ابو موزة هذا منهو طالب في السنه الماضيه او استاذ...؟؟؟

الله يجزاه خير يارب

[...ابوخالد...]

ابو موزه
الظاهر انه طالب جزاه الله خير
مجتهد الله يوفقه

[وردة الجوووري]

المشاركة الأصلية كتبت بواسطة ((شهد))

يعطيك العاااافيه ياااارب

بس عندي مشكلة فحل مسائل دفتر الاستاذ

اذا جينا نرحل القيود من دفتر اليومية لدفتر الاستاذ
يكون الحساب على جزئين مدين ودائن
متى تكون الأصول مدينة ومتى تكون دائنة ونفس الشي للخصوم
ياليت يكون فيه شرح لحساب من الاصول وحساب من الخصوم

شرح مفصل عشااااااان افهم صح

اذا جيت أحل لازم يطلع لي خطأ

شوفي ياشهوده ابحاول اشرح ابختبر مهاراتي في الشرح بس ترى شرحي ميح من الحين لا لاتصدقين

شوفي بالنسبة لمن ترحلين من دفتر اليومية لدفتر الاستاذ(تقريبا ماراح تفرق في الطريقه بين الاصول والخصوم)
طبعا على اساس انك فاهمه دفتر اليومية ومافي اشكال عندك
فانتي شوفي من دفتر اليومية مثلا ناخذ اصل اللي هو الصندوق
بشرح على مثال منشأة فاضل نفسها اللي بالمحتوى واللي شرحها الدكتور في المحاضره السادسه

عندنا الصندوق اول شي في دفتر اليومية في العملية الخامسه عند رقم القيد 5
اوكي ؟

من حـ / الصندوق
إلى حـ / البنك
حساب الصندوق مكانه هنا وشو ؟

طبعا بما انه من حساب الصندوق فيعتبر مدين الى حساب البنك (وحساب البنك هنا دائن)
اذن نقول الصندوق مدين الى حساب البنك بمبلغ 100,000
فاذن وش نسجل بدفتر الاستاذ تحت حساب الصندوق ؟؟
نكتب (ح/البنك) تحت جهة مدين ... ليش؟ لان بهالقيد الصندوق يعتبر مدين لحساب البنك
اذن في دفتر الاستاذ نكتبه تحت المدين وبمبلغ 100,000 (طبعا تشوفين المبلغ اللي مقابل الصندوق نفسه بدفتر اليوميه)..
فنسجل تحت جهة المدين
100,000 إلى حـ/البنك

----------

مثل الصوره بدفتر الاستاذ (هالصوره بسميها صورة دفتر الاستاذ عشان اذا ذكرتها بعدين تعرفينها)

---------

طيب نرجع من دفتر اليومية غير القيد رقم 5 وين موجود فيه حـ/الصندوق ؟؟

شوفي القيد رقم 6 في العملية السادسة

بما اني اعتبرك فاهمه دفتر اليومية
سجلنا الصندوق هنا على انه دائن .. ومقابل اي مدين؟؟ مقابل الاثاث والتجهيزات اللي هي المدين
اذن نسجل في دفتر الاستاذ حـ/الاثاث والتجهيزات تحت جهة الدائن لان الصندوق هنا دائن فنسجلها بجهة
الدائن وبالمبلغ اللي مقابل الصندوق اللي هو 40,000
فنكتب جهة الدائن
40,000 حـ/الأثاث والتجهيزات

شوفي صورة دفتر الاستاذ اللي فوق

ان شاءالله فهمتي علي ....

---------------

نشوف القيد اللي بعده اللي موجود فيه حـ الصندوق وهو القيد رقم 8

حساب الصندوق هنا وش يكون ؟؟ طبعا مدين .. مقابل ايش مقابل الدائن اللي هو
مذكورين (حـ/البضاعة , حـ/الأرباح)(طبعا نختصرهم ونقول مذكورين فقط)
اذن نسجل في دفتر الاستاذ مذكورين تحت جهة المدين لان الصندوق هنا مدين وبمبلغ 70000
نسجل تحت جهة المدين
70000 الى مذكورين

شوفي صورة دفتر الاستاذ اللي فوق

-------

وبعده القيد الاخير في دفتر اليومية اللي فيه حـ الصندوق هو القيد رقم 11

ونفس اللي قبل الصندوق في هالقيد يعتبر مدين إلى حـ/المدينين بمبلغ 20000
اذن نسجل في دفتر الاستاذ تحت جهة المدين (لان الصندوق هنا مدين) نسجل المبلغ اللي للصندوق
في دفتر اليومية وهو 20000 مدين لمين ؟ مدين لحساب المدينين(شركة النصر)
فنسجل تحت جهة المدين
20,000 إلى حـ/المدينين

شوفي صورة دفتر الاستاذ اللي فوق
.......

يعني المسأله كلها انك شوفي احنا نشتغل بدفتر الاستاذ على اي حساب مثلنا الحين
على حساب الصندوق .. فكل ماتيجي ترحلي من قيد بدفتر اليومية الى دفتر الاستاذ
شوفي الصندوق بهالقيد ايش يعتبر مدين ولا دائن ؟...
اذا مدين سجلتي تحت جهة المدين
الحساب المقابل(اللي يعتبر دائن في نفس القيد) مع المبلغ اللي للصندوق المدين (الصندوق اللي هو نفس الحساب اللي نشتغل عليه) في نفس القيد

والعكس اذا كان الصندوق دائن...نسجل تحت جهة الدائن
الحساب المقابل(اللي يعتبر مدين في نفس القيد) مع المبلغ اللي للصندوق الدائن في نفس القيد

----------------------------
الترحيل وخلصناه

نيجي الحين للترصيد

نجمع الجانبين لحساب الصندوق

جانب المدين اللي هي سجلنا فيها
100,000 إلى حـ/البنك
70000 الى مذكورين
20,000 إلى حـ/المدينين
المجموع هنا لجهة المدين يطلع 190,000

وجانب الدائن اللي سجلنا فيها
40,000 حـ/الأثاث والتجهيزات
ومجموعها 40,000

وش الجانب الأكبر اللي هو طبعا المدين 190000
(اذن هنا نقول رصيد الحساب مدين) لانه مجموعه اكبر الدائن
فنسجل هالمجموع الاكبر بالجانبين المدين والدائن

وعشان يصير جانب الدائن فعلا يساوي 190000
حيظهر المتمم الحسابي ..كم حيساوي ؟ حيساوي الفرق بين مجموع المدين والدائن
190,000 - 40,000 = 150,000
فنسجل بجانب الدائن
150,000 رصيد مرحل(مدين)
ولمن نفتح حساب جديد لصندوق بالفتره القادمه
حيصير هالرصيد المرحل عباره عن رصيد منقول بجهة المدين نبدا فيه من جديد
فيسجل تحت جهة المدين
150,000 رصيد منقول

--------

وبس نفس الشي مايفرق لوطبقنا مثال عالخصوم
مثلا راس المال هو اساسا خصم لو جيتي ترحلي من دفتر اليومية الى دفتر الاستاذ
شوفي موقع راس المال بالقيد اللي تشتغلي عليه وتبي ترحليه لدفترالاستاذ
راس المال بهالقيد وش يكون اذا مدين سجلتي تحت جهة المدين بمبلغ راس المال بهالقيد
والعكس اذا كان دائن

اذا في نقطه موفاهمتها قوليلي
واذا تبيني اشرح اكثر على احد الخصوم انا حاضره
بس اذا فهمتي اول الاصل اللي فوق .. لاني اشك بشرحي اذا راح تفهميه ولا لا
يعني عادي اذا مافهمتي شي لاتستحين قولي

واذا غلطت بشي صححولي ياسيوده وغيرها من الاعضاء
طبعا انا شرحت حسب مافهمت وان شاءالله يكون فهمي سليم

[((شهد))]

فدييييييييييتك وربي وردة الجوووووري
شرررررررررررررحك واااااضح ومفهوووووووووم
تسلميييين حبيبتي ان شاءالله فميزان حسناتك يااااااااااااارب
اشكرك مررره ثانيه اختي
الله يوفقك يارب

[...ابوخالد...]

يعطيكم العافيه
جزاكم الله خـــــــــــــير
والله يوفق جميع...

[...ابوخالد...]

كتاب اسس المحاسبه مهم
والا المحتوى مع ملخصات ابوموزه تكفي...
ارجو الافاده...
تحياتي...

[وردة الجوووري]

^^^
على كلام مشرفتنا دفدوووفه الله يسعدها

المحتوى بس يكفي للمحاسبه والرياضيات والاداره
طبعا كتاب المحاسبه بس عشان تشوف اسئلة التمارين اللي يطلبها الدكتور في المحتوى