حـوار بـيـن البـنـات والشـبـاب هـــااام للمشــاركـه ..

[فزاع]

با النسبه لسؤال الخت هايدي

نعم لازم ابي اشوفها النظر الشرعيه .......اجل هاا

لو ما اشوفها يمكن بعدين اظلمها معي

واقول لها قصو علي اهلي وقالو لي انها ملكة جمال وبعدين طلع عكس الحشي

اييييييي لاتبحلقون اعيونكم


تحياتي فزاااااااااع

[أدمنت حبك]

وخررررررررررررررووووا - داخل عرض - ,, أول مرة أشارك بهالموضوع , بس كسر خاطري كاتم نشفتوا ريقه يابنات ..

المهم بالنسبة حق سؤال كاتم ( وش دخلك ؟؟ ) , يقولك مرة وحدة اتصلت على واحد من ربعي في نص الليل و الرجال نايم , رد عليها عرف انها غريبة عليه و سكر في وجهها , عاد اتصلت في اليوم الثاني , صاحبنا عطى الجوال حق واحد من الشباب قال له رد عليها , رد , قالت له وين اللي كلمني أمس , قا لها وش تبين فيه , قالت له بس لأن صوته حلووووووووو ( شفتوا النفسية ) :t3:

و بالنسبة حق سؤال هايدي ..

هل تشترط على الفتاه التى ترتبط بها النظره الشرعيه؟؟؟؟؟؟

ففيه ثلاثة احتمالات ..

أولاً : انها تكون من العائلة , فأكيد أني بكون عارف شكلها من أيام ما كنا صغيرات و نلعب مع بعض , فما راح تكون النظرة الشرعية مهمة بالنسبة لي ( بس إذا وافقت حياها الله ) .

ثانياً : أنها ما تكون من العائلة , لكنها من اختياري و آنا أعرفها شخصياً و أعرف أخلاقها ( عاد كيييف ما دخلكم :D ) فأيضاً في هالحاله ما أحتاج نظرة شرعية علشان أتزوجها ..

ثالثاً : أنها تكون من اختيار الأهل و ما هي من العائلة , فأكيد أني بشترط النظرة الشرعية و بقووة .. و أنصح الشباب اللي يطلبون من أهل البنت النظرة الشرعية و ما يوافقون أنهم يتركون لهم بنتهم و يدورون غيرها أحسن لهم ,,


بس المشكلة أني ألاحظ كثير من العوائل لما يجيهم عريس يرفضون أنه يشوف بنتهم , ليش ؟؟ ما أدري مع أن بعضهم تكون بنتهم حلوه حيييل و إذا شافها العريس أكيد أنه ما راح يتركها ,



طيب ,, سؤالي للبنات ( و ما أدري إذا كان مكرر أو لا , فسمحوا لنا ) :

كثير أسمع أن المرأة تنسى أو تتناسى حسنات الرجل و مواقفه الإيجابية , لكنها مستحيل تنسى سيئاته و أخطائه و تبقى دايماً لما تزعل تذكره بهذي الأخطاء ,,

فهل هذا الكلام صحيح يا سيدات و يا آنسات ؟؟؟؟؟؟؟؟؟ :mh19:


تحياتي : أدمنت حبكـ ..

[هايدي]

ادمنت حبك
ههههههههههههههههه....( شفتوا النفسية )..انا اعترف ان البنات نفسيه:003::011:
عاد هذي ازيد من الي يتكلم عنها كاتم.......والله البنات مسخره:D


بس المشكلة أني ألاحظ كثير من العوائل لما يجيهم عريس يرفضون أنه يشوف بنتهم , ليش ؟؟ ما أدري مع أن بعضهم تكون بنتهم حلوه حيييل و إذا شافها العريس أكيد أنه ما راح يتركها انا اجاوبك
انا عن نفسي ......مااقبل بالنظره الشرعيه واذا ماقبل يضف وجه يجي غيره......شنو الي يضمن لي انه مايترك مو نقص فيني انا واثقه من نفسي بس احتمال يكون هو لعاب او مايصير نصيب ....عاد انا اصير ماضل واحد ماشافني :ذيك الحزه......وين اودي وجهي من الناس

اما بنسبه لسؤالك
كثير أسمع أن المرأة تنسى أو تتناسى حسنات الرجل و مواقفه الإيجابية , لكنها مستحيل تنسى سيئاته و أخطائه و تبقى دايماً لما تزعل تذكره بهذي الأخطاء ,,

فهل هذا الكلام صحيح يا سيدات و يا آنسات ؟؟؟؟؟؟؟؟؟

نعم صحيح هذا الكلام الحريم ماينسوووون الي سوا له الرجال ودائما تعاير واذا غلط عليها تطلع كل شي سوااا لها من 80 سنه ........طبعا مو كل الحريم هيك بس هالصفه سائده
وهذا الصفه ايضا موجوده فيكم يالرجال بس انتو على غير اشوي تجمعوون على المره بعدين تنفجرووووووون
تذكرين ذاك اليوم في ذيك السنه قبل 90 سنه ومن هالكلام

اتمنى اني جاوبت على السؤال

[كاتم العبرات]

:cunning::cunning::cunning:


مشكورة هايدي ع السؤال الرائع

وما ودي أزيد على كلام أخوي أدمنت حبك في هالنقطتين لأنه كلامه صحيح 100 في 100

أولاً : انها تكون من العائلة , فأكيد أني بكون عارف شكلها من أيام ما كنا صغيرات و نلعب مع بعض , فما راح تكون النظرة الشرعية مهمة بالنسبة لي ( بس إذا وافقت حياها الله ) .

ثانياً : أنها ما تكون من العائلة , لكنها من اختياري و آنا أعرفها شخصياً و أعرف أخلاقها ( عاد كيييف ما دخلكم ) فأيضاً في هالحاله ما أحتاج نظرة شرعية علشان أتزوجها ..

بس أخالفه في النقطة الأخيرة مع إنها شرعا صحيحه

ومن وجهت نظري أفضل أني أخطب وحدة تشوفها وحدة من محارمي وتوصفها لي

ولأني أشوف البنت و بعدين ما يصير نصيب لأن البنت في ذي الحالة بتتحطم

وبعض الشباب ما يعرفون يسكتون على هذي سمراء أو هذي قصيرة إلخ.......

حتى لو يخطبها واحد ثاني بيبطل و لا سمح الله يمكون البنت تصير عانس بها السبب

ع العموم النظرة الشرعية حلال ولها إيجابيات بس من وجهت نظري سلبياتها أكثر

يعني الجمال ما هو كل شيء ولا لازم تشوفها إذا أهلك مدحوها بأخلاقها والبنت بنت بيت ممتازة

و أهلها رجال ماراح أتحسف ولو كانت عبدة زي العباة في النهاية حنا نشتري رجال

و أخيرا أحمد الله إن عندنا في البلد ما فيه هالكلام

و أتمنى إن جاوبت ع سؤالك

[ba7rainia]

طبعا انتو تتكلمون عن المجتمع السعودي

احنا من أساسيات الزواج عندنا في البحرين شي نسميه المقابلة

وهذي المقابلة تصير لما يكون الوالد راضي عن الرجّال وعاطنه موافقة شبه مبدئية

في هالحالة تصير المقابلة عشان راي البنت وراي الولد ولا ينصدمون في بعض

أهداف المقابلة: تتعرف البنت على طريقة تفكير الشخص وشروطه وطلباته وطبيعته..ومثلها الولد يشوف رغبات البنت وطموحاتها ويتفاهمون عليها

كيفية المقابلة: إذا كانوا الأسر كلللش كللش منغلقين => وهذولا قليلن.. يقعد الولد والبنت وأحد من محارمها أو صديقاتها أو أمها.. معاهم .. ولكنها تظل ساكته على طوول لأن البنت والولد هم اللي يتفاهمون

المقابلة العادية: الولد والبنت في مكان.. صالة أو ديوانية البيت مثلا.. ويقعدون يسألون بعض أسئلة تتعلق بحياتهم ومستقبلهم.. وبناء عليها ياخذون فرصة التفكير ويقررون

عن نفسي شخصيا رفضت شخص بسبب المقابلة لأنه كان وده ماأكمل دراستي ولاحظت ان تفكيره منغلق شوي

بالنسبة لولد عمي فهو حطم الرقم القياسي في المقابلات.. مره البنت ماتعجبه.. ومره مايعجب البنت وأكثر المرااااات يعجبون في بعض ويروحون يسوون فحص قبل الزواج ويطلع مايصلح لها لأنه مسكين "مصاب بسكلر حاد.. ويمشي بعكاز"

وهذي المقابلة عندنا تقابل النظرة الشرعية عندكم.. احنا شبه إلزامية عندنا وانتو النظرة الشرعية يتحفظ البعض عليها

بالنسبة لي المقابلة أمر مهم جدا جدا جدا جدا... لأن هذا ارتباط بيدوم طوول العمر.. وماهو لعبة والسلام

ولازم أعرف شنو هالمخلوق اللي راح أتزوجه

طيب أسأل سؤال للشباب:

هل تعتقدون ان البنت اللي تشتغل بمجالات الإعلام والشركات والمحاماة والقضاء.. تصلح لكي تكون زوجه؟؟

[كاتم العبرات]

:066::066::066:

هل تعتقدون ان البنت اللي تشتغل بمجالات الإعلام والشركات والمحاماة والقضاء.. تصلح لكي تكون زوجه؟؟

بأجاوب على سؤالك مريوووم من وجهت نظري ومن وجهت نظري

أنا و الحمدلله راتبي يكفيني وزيادة وأقدر أفتح بدل البيت بيتين و مايحتاج زوجتي تشتغل
يعني الحالة مستورة والحمد لله

بس لوكانت تبي تشتغل هواية و عن تطفش فأفضل إنها تشتغل في مكان ما فيه إختلاط مع الرجال

كا مدرسة مثلا

أما أنتو في البحرين فلازم الحرمة تساعد الزوج لأن الرواتب ضعيفة والمعيشة غالية
وأنتو عندكم حرية شوي يعني المحامة والأعلام ممكن تكون فيه الحرمة أحسن من الرجال

أتمنى إني جاوبت ع سؤالك مريووووووووم

[ba7rainia]

كووووووووووووووول كاتم

أحد عنده راي ثااني

[أدمنت حبك]

لي عودة ..

[ba7rainia]

بالانتظار

[الحور]

السلام عليكم .....

الحين السؤال من بحرينيه الرجااء من الاعضاااء ان لا يضعووو اي سؤاال

الا حين الانتهاااء من استوفاء الاجابات

يعني لما تقرر بحرينيه ان الاجابات استوفت

نحط سؤاال والسؤال لشباب يكون

حتي نفتح لهم الفرصه يعني مره شباب ومره بنات

ارجوو ان كل من يشارك يأخذ كلامي بعيين الاعتبار لا تمرون عليه مرور الكرام


ولا يحتااج اني ارجع واكتب مره ثانيه الضوابط

الحيين اتمني الاجابه ع سؤال بحرينيه

واشكركم ع الحمااس الي انتو فيه بس نبي شوية نظاام مثل ما قلنا بالبدايه

تقبلووو مروريــــ