قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

[الطالب الموهوب]

غريبة اخذت اقتصادي وسياسي ولا اخذت ثقافة !!!

[فضيل]

المشاركة الأصلية كتبت بواسطة المعالي غالية

الله يعينك ولعله خير أختاره الله لك .. والجامعه المفروض تنبه يعني كل ما تغيرت خطتهم مو من صالح الدارسين ابد واذا بيغيرون لابد يعلنون مو يفرح الواحد بتخرجه وبعدين تصير نص فرحه

الله يوفقك
ترى القضايا حلو اذا بيتغير الدكتور بدران ويستبدلونه با الدكتور الثويقب

شكراً،

فعلاً مفروض ينبهون ((( والى الحين شوفي الخطط الدراسية مكتوب أو )) يعني اختياري حسبي الله على هذا النظام

ومثلي كثير شفتهم في الجامعة يشتكون

وفعلاً المادة حلوة وخصوصاً مثلي معدله فوق اربعة يزيد شوي

[فضيل]

المشاركة الأصلية كتبت بواسطة الطالب الموهوب

غريبة اخذت اقتصادي وسياسي ولا اخذت ثقافة !!!

إللا درستها وتقديري فيها ج+

لكن ماعطوني وانا أصلاً ماكان عندي السجل القديم والا كان انتبهت

لكن الأحد وانا مصبح لهم

[فضيل]

المشاركة الأصلية كتبت بواسطة الطالب الموهوب

اعتقد قديمة . انت روح خذ توصيف المقرر من سعود وقدم الترانسكربت للفيصل وشوف وش يقولو .

وهذا اللي ابسويه ، والله يعين على روحه للأحساء ورجعة في نفس اليوم يعني مثل اللي مسافر الطايف

[المعالي غالية]

المشاركة الأصلية كتبت بواسطة فضيل

شكراً،

فعلاً مفروض ينبهون ((( والى الحين شوفي الخطط الدراسية مكتوب أو )) يعني اختياري حسبي الله على هذا النظام

ومثلي كثير شفتهم في الجامعة يشتكون

وفعلاً المادة حلوة وخصوصاً مثلي معدله فوق اربعة يزيد شوي

الله يعينكم يارب اتوقع ما يبون الناس تتخرج وبيجددون الخطه حتى اذا باقي ماده ودفعو فلوس

الحمدلله حلو يعني في صالحك يرتفع معدلك الله يوفقك ويسهل أمر من هم يمرون بنفس ظرفك في ذهي الجامعه

[فضيل]

المشاركة الأصلية كتبت بواسطة المعالي غالية

الله يعينكم يارب اتوقع ما يبون الناس تتخرج وبيجددون الخطه حتى اذا باقي ماده ودفعو فلوس

الحمدلله حلو يعني في صالحك يرتفع معدلك الله يوفقك ويسهل أمر من هم يمرون بنفس ظرفك في ذهي الجامعه

آمين، وفعلاً يبون فلوس بأي طريقة
أنا ماهمني الدراسة، انا همني التأخير لأني ابغى اواصل

وبيأخروني بنتيجتهم اللي ماتطلع الا بعد سنة

[المعالي غالية]

الله يعينك ويجعل لك مخرجا من هذي الماده راجعهم

[فضيل]

حتى قابلت د. الفريدان وقالي حتى لو عادلناها لازم اجتماع مجلس الكلية. قلت أكيد قال نعم.

هو صراحة ماقصر لكن النظام غريب

[فضيل]

المهم قلت له، راح اجيبها من ج الملك سعود قال روح وحتى د. مصلح قال جيبها

وقلت يمكن ما اجي إلا الاسبوع الجاي قال الفريدان مافيه مشكلة جزاه الله خير!

[♥ βąỵℓįşǻʼn ♥]

الله يعينك ياأخوي فضيل وإن شاء الله يعادلونها لك وترتاح ،،

والله خفت من لما قريت موضوعك لأني أنا معادله لغه إنجليزية في مستوى أول على النظام القديم قبل يجئ قرار معادله المواد من المستوى الثاني ويكون المستوى الأول إجباري دراسه ،،


ومعادله ماده العقيدة الإسلاميه بس بمسمى الثقافه الإسلاميه ،،


بصراحه سرت أخاف لأنهم مؤ كاتبين لي مواد تحويل في أيقونة كم باقي وأتخرج الأيقونة الصغيرة إلي في أخر الصفحه كاتبين المواد على أساس إني دراستها وكاتبين لي لان تتخرج باقي لي التربية العملي ،،


الله يستر ويعدي هذا الترم على خير لأني من جد طفشت وماعاد فيني حيل أدرس تعبت من لما دخلت الجامعه ،،


الله يساعدك ياأخوي فضيل ويعادلون لك الماده وتأخذ وثيقتك وربي يفرح قلبك الله يطمن قلبك ،،