~ ضيف أعضاء تحت الأضواء .. لهذا الأسبوع ..الأستاذة ( l a v e n d e r ) ~

[صــدى الـأمـل]

اسئلتي أنا

1/ ماهو اكثر شيئ تكرهينه في حياتك وماهو اكثر شيئ تحبينه في حياتك

2/ ماهو اصعب موقف مر عليك في حياتك واجمل موقف ايضا

3/ ماهي اسمى امانيك في الحياة وماذا عملت لتحقيقها

4/ اكتر موضوع تحبين أن تتناقشين فيه وتبدين رايك فيه بجراة

5/ماهي مشاريعك المستقبلية ؟؟

[مــطــنــوخ]

المشاركة الأصلية كتبت بواسطة l a v e n d e r

بااااااااك ..
المعذرة للمرة الـ 2 خمول ونوم بسبب المسكن يمكن

معلش استحملوني بأه ..


يلا بسم الله

حياك الله اخوي ..
غيرته من باب التجديد بعد التخرج ..
وحرصت م اغيرة وقت الدراسه علشان لو حد احتاجني يعرف يوصلي ..
معروف لأن مو الكل يكون متواجد طول الفصل الدراسي ..
البعض يجي أيام الاختبارات فقط ..
بعد التخرج خلاص كل دفعة تكون مرتبطة بمشرفها ربي يوفق الجميع ..


نورت ..

النور نور طلتك
أرجعي بوسي كات

[l a v e n d e r]

المشاركة الأصلية كتبت بواسطة حنان سليمان

..

اويلي بوسي هنا .. عدلي الجلسه وتكي تحتاجين التكيةة الشعب يحمي


ماشاء الله الموضوع مايوقف دامك هنا ..


لي عود ع اخر الليل لاجل الاستقعاد ..

:hahahahaha h:

ارحب بهالاستقعاد وكلي شرف

المشاركة الأصلية كتبت بواسطة ريمنقو

-


-سبب اختيارك للكيمياء ودراستك مره ثانيه لاداره الاعمال؟
انقبلت رياضيات كانت الدرجة الأعلى لكن الخجل الي ماله سنع ( اني اكون لحالي يعني ) + إصرار صديقتي ع التحويل معها للكيمياء ..
خلاني اقدم عليه وعلشان م اندم ع القرار المصيري هذا ( استخرت ) وربي يسر الكيمياء ..
لعله خير ..
- اكثر فعل يغضبك داخل الملتقى ؟
التناحة ..

- تعرفين تطبخين!
ع خفيف م دخلت بالجامد ..

- موقف او كلمه غيرت نظرتك في حاجه معينه
مممممممممممممممممم .. < تفكير عميق ..
لاحظت بهالدنيا ان الناس إلا من رحم ربي ..
تمشي ورا مصلحتها فقط ..
بالتالي النفاق صار ماسك عالمي ..
فصرت احط هالشيء في اعتباري علشان أمنع الصدمات بس ..
أو أقلل وقعها ع نفسي ..

- يضايقك أذا فصلت عليك مثل الفصلات الفجريه

لا طبعا
- وش سر الحتسي المنعوج
اونس يختي ..

- كلمه او نصيحه لي
كوني كما انتي ..


وبرجع لك

حياج ..

[l a v e n d e r]

المشاركة الأصلية كتبت بواسطة aeysha**

حي الله بوسي الغاليه ويعطيك العافيه عبد الله
♡♡
لي عوده بإذن الله مع اسالتي _^

هلا وغلا ..
تنورين ي قلبي أكيد ..

المشاركة الأصلية كتبت بواسطة Reem.93

ععععع الطلاق لافصفصك اسئلة وشكرا.

هههههههههههههههههههـ
لا اهجدي ماكو طلاق

فصفصي بس بشويش

المشاركة الأصلية كتبت بواسطة مـ ع ـاند جروحه

- مادة انغبنتي منها ؟ ( الشرح كان فوادي والأسئلة فوادي )
ههههههههههههههههههـ
الاقتصاد الجزئي تذكرة .. ؟

- تذكرين الزملاء في الدفعه لما يمر عليك سؤال فيه لف ودران ؟
ممم م فهمتش من أي ناحيه ي وليدي .. ؟


- أفضل مستوى مر عليك خلال الدراسة الجامعية ؟ الخامس ؟ او ترم غيره
مممممممممممم ....
الصراحة م أتذكر لكن كل مستوى له مميزات ومساوئ ..



- أيهما تفضل لافندر
الشتاء * الصيف .. البحر * البر
مشروبات ساخنة ام باردة
بطبيعتي أكرة الروتين ..
أعشق البحر بالدرجة الأولى لكن البر بالشتاء وشبة النار روعه بعد ..
المشروبات كنت ثلثين عمري بارد فقط وثلج ..
الحار من قريب ( سنتين يمكن )
صرت ساخن بشكل أساسي والبارد نادر ..


-حكمه دايم فبالك ؟
ما دايم إلا وجهه ..


-ليش دايم تحطين هالفيسين *
هههههههههههههههههههههههههـ
هذول اذا كسلت استورد فيسات من برى

وهل تضحكين من جد ولا تحبين تسلكين واجد ؟
هههههههههههههههههههههههههههههـ
لا أضحك فعلا ..



- شعورك يوم ذاك اليوم عضو فتح موضوع شكوى ما أذكر ايش اللي كان بالضبط بس كان يقول ان الاشراف
يتحملون المسؤولية بالنسبة للأخطاء اللي في الكويزات
ناسية صراحة اي واحد تقصد لان مر علي هالجو كذا مرة ..
واذا تذكر الموضوع بيكون شعوري هو الي بالرد الي رديته عليه




- موقف تذكرينه زعلتك عليه ؟ ادري مافي
هههههههههههههههههههههـ
كيوته حد يزعل من اخوة النتفة


- نصيحة لي ..
هالسؤال جوابه راح يكون فالتقييم مو هني

حسنن

[l a v e n d e r]

المشاركة الأصلية كتبت بواسطة نـآوي أعـقـل

سلامووووو عليكوووو
اذا طاح الجمل كثرت الستشاشين << بالتشويتي يبه
ههههههههههههههههههـ


حيألله LV << اكشخك بعد
:hahahahaha h:
الله يحييك ..


طيب اسئلتي دائم خفيفه على القلب
م أضمنش


استعيني بالله وحلي / ضللي الاجابه الصحيحه بالقلم الرصاص ههههههههههههههه



1 - لو سنحت لك الفرصه ترجعين بالعمر لاي عمر ترجعين ؟ ولماذا ؟
لا يبة ..
برجع ريوس أصلي ..
أرضكم م جازت لي

2 - هوايه كنتي تجبرين نفسك عليها بالغصب وما ضبطت معك ؟ يعني من باب التكشيخ على الناس ؟؟
مثال لتوضيح " واحد يقول انا احب الرسم << وهو دجه بس علشان الناس تقول ياخي رومنصي
هههههههههههههههههههههههـ
من وانا بزر كان ودي أدخل جو القراءة واشتريت قصص بس ما شدتني ..
يعني جو البنات وقتها بالروايات ما دخلت فيه ولا 1% ..
وودي أعطي نفسي فرصة واجرب كتب 2 يمكن ادخل الجو اللي ابية
يمكن كتب علم النفس والشخصيات وهالأجواء أكثر متعه ..
وفي كم كتاب عن إدارة أعمال حابة أفضى واقراهم برضوا يمكن ألقى نفسي فيهم ..

3 - كم مره سويتي رجيم بحياتك ؟ وهل تصملين ولا كل يوم اوبن دي
هههههههههههههههههههـ
حلوة كل يوم اوبن دي ..
حاليا يعنني أحاول أحترم نفسي واخفف
لان المشكله بنوعية الأكل مو الكمية ..
+ الطفش والملل ومحاولة كسر الروتين فيهم السبب الرعيسي لهذه الكارثة يا سيدي الدوق ..

4 - اكثر مره انجلتدي جلد من احد افراد العائله الكريمه عمرك ماتنسيه بعمر كم ؟
ضرب يعني ..؟
وش هالسوعال الولادي ما يمشي عند البنات


5 - اغنيه اذا سمعتيها يجيك غثيان والعالم هابين فيها ؟
والله منزمان عن الإجتماعات بالتالي مدري عن الجو ( العاهه ) السائد ..


6 - كم عدد اصابعك ؟ << لاحد يضحك يمكن تطلع مثل الاحدعشري
وخر مع هالسوعال


ولي بآك جامد

يا منجي من المهالك ..
روح ماما تناديك ..

المشاركة الأصلية كتبت بواسطة عطرالحروف

هلا هلا مساء الكرز...

عندي سؤال صوغير اد كده هوت !! حلم تتمنين انه يتحقق ؟؟

هلز وغلز ..
شهيتيني بكرز وفراوله ..
مشروع خاص بالأيتام على أعلى مستوى ..
مدينة تكون كل احتياجاتهم فيها من المدرسة الى الجامعه والتوظيف بعدها ..
والمستشفى والنوادي ووو ..

أنا وَكافِلُ اليتيمِ في الجنَّةِ هَكذا . وقالَ بإصبعيهِ السَّبَّابةِ والوُسطَى .

أنَّ رجلًا شكا إلى رسولِ اللهِ صلَّى اللهُ عليه وسلَّم قسوةَ قلبِه فقال امسَحْ رأسَ اليتيمِ وأطعِمِ المسكينَ

.

[abo yazed]

نصيحة توجيهيها لطلاب الجامعة انتساب بواقع خبرتك في الجامعة

[l a v e n d e r]

المشاركة الأصلية كتبت بواسطة 2COOL

مسـاء الخير جميعاً

l a v e n d e r
إختيار رائـع


أولاً يـاهلا ومرحبا فيكِ
منوره عزيزتي، لكِ



ولي عودة بسـؤال

مشكـور على التنبيه أخوي عبد الله

مساك شهد ..
هلا وغلا بالنتفة القريبة ع النفس للجميع ..

تنورين ي جميلتي ..

المشاركة الأصلية كتبت بواسطة حواء ال المدينة

بوسي ضيفه

>>> ناوي لك على نية هع هع

ههههههههههههههههـ
بشويش علي

و شسمه ..

أول سؤال / استفتاحية ترا بس


كم مرة ركبتي السيكل وانتي صغيرة .. ؟
كان عندي سياكل فترة من العمر يعني ركبته وادد نوعا ما
انتي وش دراك ع السياكل ..
هالفترة ودي اجيب لي سيكل اغير جو فيه

شخص اساء لك عزيز على قلبك وتكررت اساءته ..
اسمحيلي م اجاوب ..


أمامك خيارين أختاري أي منهما ..


الصفح والتسامح


الرحيل


الثنين اسويهم ..
حسب الموقف ..



هل أنتي من الاشخاص الذين ينتقون اصدقاءهم بدقة ولماذا .. ؟
جدا ..
الصديق شي كبير ..
لأنه أخ من أب وأم غير بس ..
يا أعطية حقه ويعطيني حقي يا لا يدخل حياتي أساسا ..


هل تعتقدين أن الحب واقصد الحب الحقيقي الذي لايتبدل ولايتغير موجود بزمننا هذا .. ؟

لاء ..
وإذا فيه بيكون نادر ونادر ونادر ونادر جدا ..



مممممم بدور على اسئلة تانية وبرجع

هههههههههههههههههههـ
طحنا بيد المختصصين ..
بشويش علينا ي الاجتماعيين


تنورين قلبي ..

[ريمنقو]

سؤالي بطريقه غير البقيه ههههههههههههههههههههههه
عاد لاتقلبين فجأه اجنبيه ولاتفهمين



ابنشدك يابنت وانتي تعرفين
لاجاك علم موكد(ن) في مقصده

الله عطاك القلب والعقل الرزين
ولسان طيّب والذكر يردده

ابسألك يابنت ولانتي تجهلين
حرّ الفعول اللي تدّك الافئده

لامن نصيتي من تحسبينه عوين
وأخلف لك الهقوات واخلف بوعده

كنتي تعدينّه من اقرب لقربين
وحبه في قلبك كل ناسن تشهده

في ضيقته انتي بعد ربي مُعين
واليوم ينكر مافعلتي يجحده

من اولن من باب حبن تدخلين
واليوم من دونك يصّك ويوصده

وش حيلتك لافارقك وانتي تبين
قربه ولكن سيف غدره حددّه ؟؟؟



متعوب عليها

[l a v e n d e r]

المشاركة الأصلية كتبت بواسطة ﹎ нαįαя ♪

.


يا لبى قليبك

لبى انتي ..


س1/ لونك المفضل؟

أبيض - ألوان النيون ونفسها بدرجات هادئة - بنفسجي
تقريبا هذي الأهم والأبرز بالاختيارات ..


س2/ هل تؤمنين بمقولة الاقارب عقارب؟
نوعا ما مع الأسف ...


س3/ حلم تتمنين يتحقق بيوم؟

بالإضافة للجواب الي أجبت عليه بأحد الردود السابقة ..
" لو رزقني الله طفل .. أتمنى من الله أن ادخله تحفيظ القران .. "


س4/ تقرأين كتب؟ اذا ايه، افضل كتاب قراتيه؟
منزمان واتمنى العودة ..
كتب تحليل الشخصيات وعلم النفس اميل لها اكثر من الروايات والقصص ..


س5/ عصبية؟
نوعا ما ..


س6/ اذا عصبتي من شخص وهاوشتيه بعدها حسيتي بتأنيب الضمير ايش تسوين له؟
متصالحة مع نفسي م عندي مانع اروح وانهي الموضوع ..
م احب ياخذ الزعل وقت طويل ع الفاضي ..


.

..

المشاركة الأصلية كتبت بواسطة صَعب

ضيفه تحمل من إسمها المُستعار الكثير, لحضورها روعه وجمال وفي غيابها بذل وعطاء لا يُعد ولا يُحصى ,,
من يعرفها عن قُرب يُدرك حجم محبتها لمن هم حولها, ومن يراها عن بُعد يستطيع أن يستشف نقاء ذلك القلب وطُهره ..


ف أهلاً وسهلاً ب لافندر هذا الملتقى ..

أخجلتني ..
.
.

صعب الرد ع الكلام اللطيف ي جماعة الخير ..


قلم باذخ تصعب مجاراته ..
شاكرة لك طلتك الأنيقة ..

[l a v e n d e r]

.
.

برب مستعجل ولنا عودة بعد العشاء وحولها بإذن الله ..

.
.