ما أهتز نبضي يوم تمشين عنّي ............ كان الــ وداع ان مرني ما تكلمت لوّحت ب إيدي مو عشانك لأنّي ............ ذكرت فيه أجمل مابصدري وتبسّمت !
صبحّكم الله بَ الخيـر < حتى لوّ ظهر دآم ماليّ صآحيه يصير صبآح أخبآركم وآحشينيّ وقسمّ :( أنا بخير جعلكمّ بخير < إلا سمعت أحد قال شخبآرك أنتي بروح أسجل موآدي .. ولي بآك إن شاء الله بسوآلف وهذرآت كثيرآت
ابغى اتكلم هينآ واكتب رد طويييييل وابغى اضحك على سالفه وابتسم على تقييم ابغى اقعد ع اللاب زي أول مو أفتحه وأصحى ألقاه طايح وانا نايمه , أشتقت والله أشتقت شوق حقيقي يشق قلبي .. حزينه أنا مآيسوى عليّ أختي بتتزوج وعندنا عرس فرحانه وبنفس الوقت حزينه بفقدهاا
تدرون اللحين لما يصير لي موقف ودي اكتبه بنوت عشان أتذكره واكتبه بمدونتي بس والله شكلي بسويها أن شاء الله فكره سديده أنار الله دررربي الأخضر المخطط ب أبيض تدرون ايضاً إني لسه ماسجلت موادي صفقولي هيييه شآطره والسبت أخر يوم واليوم عندي مشاوير من السااعه ست وانا اللحين مواصله بنروح داوم أختي عشان توقع على أجازتها بعدين بنروح عيادة كلينك ع التسعه بعدين بنمر مجمع الراشد بعدين ع الساعه وحده بنروح مستشفى ثاني في الدمام بعدين بتطلع أختي الثانيه من الدوام وبيمرها أخوي ويجيب اختي الثالثه من البيت بعدين نجيب فستان العروسه نستلمه بعدين بنرجع مجمع الظهران بعدين بنروح الخبر السويكت عشان شريط الزفه وبنسمعه عند المصريه إلي معجبه فيني وقالت دمي شربات وعلمت زوجها عنيّ وعلمته اسمي صجوا رأسي بس حليلهم طيبين برغم انهم سبوا أختي قالوا عروسه بخيله أي دا وين وصلت والله إني ضيعت لحظه ارجع اقرأ ايهه بعد مانطلع من عند المصريه بنروح لوحده تبع التقديمات إلي بالعرس يمال العافيه جبنا لهم أكل بعشرة آلآف هذا غير العشاء خلوني أسمع وحده تقول جوعانه والله أدخل يدي بمعدتها واغسلها بتايد بعدين أنشفها ولما تجف معدتها بكتب عباره ب المعده " أنا جوعانه ماشبعت " واقطعها جزئين واعلقها بأذنها أخليها حلق عشااااااااااان تعرف أن الله حق شرايكم فيني العنف إلي ب أحشائي ماتتخيلونه أحسه مضاعف هذي الفتره
#أعتذر للي يرسلون تنبيه .. وإلي أرد عليهم خاص متأخرر
طبعا صآرت أحدث كثيره منها المفرح ومنها المحزن ومنها المبهج ومنها الكئيب <زيادة مفردات سلّكواْ كمآ أنتم عارفين مسبقاً شغاله بحّ مآفيه راحت ولا رجعت جعلها العافيه بيومنا هذا وهاك ياكرف غير الفناجيل والكنس والمسح صار حدث مازال راسخ في مخيلتي ذاكرتي أبَت أن تنسى بيوم الملكه جدارنا وما أدراك ماحدث لجدارنا توصخ ومسحته بكلوركس جدار طول بعرض قاعده امسحه وأفرك فيه كدت أجن كاد مخي ينفلق آهٍ وآهٍ ماذا عسآي اقول وأُعبرّ هذيك الأيام من كثر ماصار الكلوركس يمون علي أحس لو شربته ماكان موتني تعمق فيني دخل أحشائي ادري انتم اللحين تقرون وتقولون وش أبيّ بس ياخي اقروآ وبس ماعندنا شغاله كفايه قمع اسري وتجاره في البشر , أخر اسبوعين قبل الزواج جبنا اربع شغالات وكلهم يتهاوشون في بيتنا مع معزبتهم ويسوون المسرحيه عندنا دموع وقلب شغاله مافيه قلب أنسان والله حرام ؟!! وأحنا من باب السلآمه الأمنيه نسلك ونقوم نشتغل والله ما أنساها أنا أكنس وهي جالسه تشرب حليب وتقولي " شيل وصخ كبير بعدين أُكنس وصخ صغير" كنسوآ راسك بدلة زنجبيل يا يا يا الليبراليه بس جد جد سوّد الله وجهيهم وسوّد الله وجه كالسيوم إلي كانت تحط عليه فيرأندلفلي
بعد مآخلصنا من الملكه وقرفهآ وفناجيلها جات ليلة الحناء امي متمسكه بالعادات والتقاليد بزياده كانت قبل العرس بيومين أمي عزمت جاراتها الصبح وخالتي وعمتي وبنات خالتي وبنات عمي وبزرانهم وأقعدوا يردحون يرقصون الساعه عشر الصباح اش هالرواقه مدرري من أيش مصنوعين مدري وش الجينات إلي فيهم مدري لو أنهم خوات مايكل جاسكون كان ماجاهم حيل أتذكره ذاك اليوم صحيت الساعه سبع الصبح وجهي كان كذا كل شي ممطوط ب العرض -_____- طبعاً سوينا غداء وكما هو معروف غداء الحريم غير عن الرجاجيل مايبون بس رز ولحم لأ لآزم الكرشه تتدلع وتتنغنغ بكذا صنف سلطات حلآ مقليات مقبلات سمّ هاري مشوي سم هاري مقلي سم هاري مقلقل ولوسمحتي لاتجيبينه من برا بيتقرفون يمال الجرب الأخضر , طبعاً أمي فيها طبع وقت الزحمه والعزايم تعصب وتقففل أخلاقها يعني مررره تتنرفز , بغينا نجيب بوفيه ونخلص بغت تطبخنيي انا واختي لما قلنا كذا أيييه طبعاً المعازيم ذاك اليوم ماراحوآ إلآ بعد صلاة العصر من الصبح وبعضهم رجع بيته وبدلوآ لبسهم ولبسوا مترتر وفيه وردات ويبرق ويرعد وجاوّ يكملون نهارهم الجميل وعطتهم أمي حنى وزغرطوآ ورقصوآ وراحوا بيتهم وترى كل هذي السالفه عشان كيس الحناء إلي تبي تعطيه جارتها طيب يختي قطيه عليهم من عند الباب خساير وزحمه وقرف بس كان يوم جميل
جاء يوم العرس اليوم الموعود جيت أسوي فطور لأختي العروسه وياي مدلعتها سلطة فواكه وعصير طبيعي ومدري أيش واخرتها التوست معففن منتهيه صلآحيته اخرتها فطرت لوزين جبن وكعادتنا بأي مشوار وصلنا متأخر الساعه 3وربع وخوات العروسه ماسوو ولاشي وجهينا كما خلقتني ربي بس هي كانت شاطره سريعه وماحطينا كثير خلصتنا بسرعه بس تأخرت ع العروسه أختي مابدت فيهآ إلا تسع شوي وتبكي طبعاً في هذآ الوقت جات مسكة الورد حقتها وجابها المصري غلط جاب ورد أحمر وأدق عليه أنا :ايوه يابو أحمد مسكة الورد غلط حمراء واحنا طلبنا بيج أبوأحمد : أنتي مين العروسه ولآ فلانه < طبعاً من كثر ماكنا ناقعين بمحلهم أنا : لأ أنا فلآنه أبوأحمد : أزيك أنا : بخير حمدالله أبوأحمد: مبروك ألف مبروك , وعقبالك يارب أنا : الله يبارك فيك , وأن شاء الله ياررب ركزوا على إلي بعد الفاصله أجل أن شاء الله يارب !!!!! المهم جاب المسكه ورجع عادها من جديد لأن مسكة أختي خونفشاريه مو زي الأوادم خلصت أختي وجات وقت الزفه أش صار ؟! من كثر ما أختي خايفه كانت ترمش بشكل عنييف لدرجة طاحت رموشها وتوصخ الفستان ب المسكرا وياسلآم عليكم ياا السعوديه ياديار الشيم يادار الأبطال ونروح ندور على صابون وننظف فستانها وننشفه ب الأستشوار وزحمه وعفسه تعرفون الأفلآم إلي كل شي ركض , شوي أكون فوق مع المعازيم شوي انزل تحت عند غرفة العروسه فجأه أكون لابسه عباتي برا عند المدخل في الشارع انتظر المسكه , اصلاً حيلي مهدود من الملكه وسوق وشغل بيت وحنى وجاء يوم العرس وانا مدري كيف كنت واقفه بس كان يوم جميل بس الأعصاب كانت مشدوده نتهاوش انا وخواتي وتهاوشنا العروسه هذي صوره للقاعه مبدئياً لسه ماخلص أبواحمد وربعه الشغل الطاولات لسه فاضيه والإضاءه لسه مو كلها شغاله تخيلوآ فيه من كل طاوله نور من تحت طالع واصلا في كل طاوله فيه لمبه من تحت يعني الطاوله نفسها مضويه مو طاوله عاديه عرفتوا يعني جايه لمبه صفرا بشكل طاوله < تكفون قولوآ فهمتوا
تحسبون خلص الكرف لأ ماخلصنا جاء من بكره في الليل عشاء في استراحه فيه من احداث العرس بس بشكل مصغّر , من بكره الصباح عزومه حريم كبيرررررره في بيتنا فتحنا المجلس والمقلط والمقلط الثاني والصاله وعبّوه حتى خروف كامل ماكفاهم وفوق هذا كله بس معنا خدامتين حذفت الثالثه لأنها لآتهش ولآتنش حتى الذبان ماتهشه والله حتى هاوشوها إلي معها قالوا ماتشتغلين وماراحوآ إلآ الساعه أربع ونص تخيلوآ كان يوم جمعه من زود الحماس إلي فيهم جاو يصلون في بيتنا قايله انا جاراتنا مو صاحين فيهم بلأ مسكونين مو فايتك الرقص صلي وغدي بيتكم وتعالي يحبون هم يحضرون العرض من بدايته قمت الصبح وهم فيه تخيلوآ مأسااه
بنفس هذاك اليوم كان فيه عزومه بس عشاء في بيت خوات الولد طبعاً اش عليهم هم ماكان عندهم الصبح زينا كرنفال ورحنا وحاطين أغاني تدرون اني جلست لمده اسبوع امشي والأغاني براسي أصحى انام اطلع ادخل وصوت الطقاقه براسي لما تقول ونيت ونيت ونيت < جالسه تطق رقبه عاد أغنية طني ورو وقانقم ستايل كانوا أكتسسسسساح طني طني ورور طني أحجيلك ماعندي وهيلَا هيه هيلّ يالله ون تو ثري فور فايف سكس سفن إيت ناين تن ولد ولد ولد ولد ولد ولد عاشوا الصبايا < ياخي تجنن خلاص تعبت أكتب بس يإنها وحشتني اختي كل يوم أبكي عليها جليلة الحياء*بصوت خالد النفيسي* من الساعه1:15 إلى 4:34 وانا أكتب أنصحكم تقرون هالمشاركه على دفعات والمعذره لو عورت راسكم بطول المشاركه بس انا احب أدوّن احداث حياتي بمدونتي الحبيبه
ياااااالله .. لحظه , لحظه شوي , مسّتحية صدق والله
داخله اتبوسم وقلبي من كثر ماهو يرقع أحسه انسدح على ورى
يعني طلع من قفصي الصدري إلي قدام ورجع على ورى .. فهمتوا ؟
يعني قلبي أحسه يطق بظهري مو بصدري
شعور ما أدري كيف ينوصف .. أحس إني داخله على الملك عبدالله شوفة شرعيه
2013- 1- 16
وأنا نااطر حبيبي ترجعلي يآحبيبي وأنا نااطر
25-3-1434
