[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

أنا
وجه الشبه بينك وبين الناس
أنا
اصحابك
وانا
أولى بك
وانا
اللي قبل انام !
اتخيّلك ..وآنام
واصحى بك

[فايزمحمد الروقي]

ويمضي بي جفاك اللي بلا معنى
وتبقى الذكريات آخر جزء مفقود

يطيح الغيم وتغنّي شوارعنا
على لحن المطر وأتخيّلك موجود

[فايزمحمد الروقي]

مهو كيفك

يطيح مْن الوله
قلبي على
طيفك
مهو كيفك
أجي ملهوف
وتصبّ الجفا
للخوف
ويبدأ الليل
وينام..
وتنام
وخاطري
ضيفك !

مهو كيفك

[فايزمحمد الروقي]

وإن صادفك هم وبكت منك الأيام
حاول على قد الوجع ما تدقق

الحب أجمل شيء يُهدى للأحلام
والأجمل ان أحلامنا ما تحقّق !

[فايزمحمد الروقي]

على قد الشعور الضايق المُنهك
كتبتك للقاء خذني من إيديني

أنا بوجه الوفاء والحب وبوجهك
إذا أحتجتك أمانه لا تخليني

[فايزمحمد الروقي]

يا كثر ماني في غيابك توجّعت
لين الوجع سوّاني انسان ثاني

وأحتجت لك لكن أبد ما توقّعت
ان الزمن ياخذك مّني عشاني

[فايزمحمد الروقي]

حنين وذكريات وهم
وقلبك ما رحم ضعفي

متى تستوعب وتهتم
وصلت لمرحلة !...يكفففي

[فايزمحمد الروقي]

كان الشعور أغبى من التفكير
وكان الهوى كذبه ورى كذبه

وفي كل مرّه أشعر بتغيير
ياخذني التغيير للغُربه !

[فايزمحمد الروقي]

حبيبي والسهر من بعدك أولى بي
خذا مني عمر وش عاد ابقّيلك

وش أقسى منك يالباقي من أحبابي
وش أوجع من جفاك الا سهر ليلك

[فايزمحمد الروقي]

من يخاف الجرح ويخاف الغياب
منهو أكثرنا رضا.. وأكبر محبه !

والله اني بين خوفي والعذاب
هات كلك ، لا تجيني حبه حبه