[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[2COOL]

يآ حـياتي ممـكـن من وقـتك .. ثـوآنـي
أبغيك تشوف قلبي وش مكتوب دآخله

أكـيد بتـلقى حـرفك اللي مفـجّـر كيآني
ولاّ قـلبي مـآهـو من تحـرّش به رآح له

[2COOL]

ماغير أهوجس وأدير الفكر في كل ليل
أخـاف من كـلمةٍ ماهي علـى أصـولهـا

الصّـدر يزداد ضـيق وحمل قلبي ثقيـل
والله حـسـيب اللّيـالِ العـوج وحـمولهـا

ما زال عندي على اللّوعات قدره وحيل
لو زاد نزف الجـروح اللّي مضى حـولها

[Mit3b]

~,



.

غابت وانا نصفين من حب مقتُول
نصفٍ رحل " معها " ونصفٍ يبيها،

مافي يديني شي غير إني أقول ؟
اللّه يوفقها / و يستر عليها ♡

[بيآض]

_

تعال ااطلق سرااح
اللي عجزت احكيه
علاامك صرت مثل
البوح تخشااني ؟
و جِب لي دمعَ
لا عَزّ الكلام اابكيه
اذا مَ هَو على شانك !
على شاني ؟

.

[أسير نجد]

اكتفي بك حلم واحسك شعور
دام مالي بالوصل حظ ونصيب

[✶ جُمان ✶]

.
.

إذا ما كنت ذا قلب قنوع
فأنت ومالك الدنيا سواء

[خوله تركي]

يالخطا الاجمل ويالذنب المباح سعد حظ اللي زهى في ناظرك .."

[الــغـــدراء]

،،


الخاطر الطربان والمسفهلي ... ما ضايقه بنت ٍسواليفها ليل
يضيق من مفارق الجادل اللي ... وقفاتها وياه وقفة " رياجيل "




.

[✶ جُمان ✶]

الجار لابده مقفي عن الجار=وكلٍ بجيرانه يعد الوصيفه
نبغي ليا من بدّل الدار بديار=وعقب البطا كلٍ تذكر وليفه
كلٍ تذكر ما جراله وما صار=وكلٍ تذكر ما جراله من عريفه
لابدها ترجع تواريخ وأذكار=وتبقى لدسمين الشوارب وظيفه
أحدٍ على جاره بختري ونوّار=وأحدٍ على جاره صفاةٍ محيفه

[Dr ʀeнαв]

؛





شآعر واعآني منك فـ البوح والسرد .. !
............................................. ودرب الدفآ يا بنت قآسي ووآعر .. !


لا تحسبين الرجف من سبّة البرد .. !
........................................... الرجف والله من : برود المشآعر ..