‌ ‌ ‌ ‌ ‌ ‌ ‌‌ ‌ ‌‌‌‌‌ ‌ ‌‌‌‌‌ ‌ ‌‌‌‌‌ ‌ ‌ ‌‌‌‌‌ ‌ ‌‌ ،, فضفضـہ إلى "صديق"

[وينك يابوي]

هُمّ هنا ، في صدري .
و بطريقةٍ تجعلني أحبّ الحياة


http://im51.gulfup.com/cCqY02.jpg




ادري كلكم مبهورين ب التقاطتي المتميزه
ترى وكنت جوعااااانه فيني الخير صفيت اغراضي بشكل متوازي
لأن كان فيني جوووع تقولون كأن كان في بطني فيل ثم راح
عاد تخيلوا حجم فراغ الفيل بمقداره كنت جوعانه حتى طلبت مرتين وافل
انا من اساسيات الكوفي إلي بفطر فيه يكون الوافل يجيب راسي مكانة الوافل زي القهوه عندكم
هو وعصير ليمون ب النعناع وإذا كان معه كيوي بعد قلبي يتبعثر يتبعثر اصير شفّاطه
هني وعافيه عليّ بعد شبدي بطني




وعاد تدرون اليوم فيه زواج اقول لأمي ابغى اروح معك
قالت "لا ياحبيبتي لاتروحين معي ولا أروح معش"
جرحتي فؤادي يا الغاليه , لأ وش السبب قالت وش ينطنطني هناك
الناس من قبيلتنا لكن من فخذ مدري كتف ثاني قالت عيب
وانا اعرف البنت إلي خالها المعرس واقول لأمي ابغى اشوفها بخطبها لأخوي
قالت لأ روحي لها ببيتها , وفي الحقيقةِ و الواقع انا ابغى اروح عشان اطق اصبع

[وينك يابوي]

http://im45.gulfup.com/MRltCK.jpg


شكليّ وانا اشوف احتفالات دبي .


عاد تدرون السنه إلي راحت نفس وضيعة هالسنه كنت اشوفهم وماسكه الجوال
لكن هالسنه اختلف الموقع شفتهم بالمقلط العام إلي راح بالصاله
حتى نفسس الوجيه إلي معي بنفس المكان جعلها بخير وعافيه

بس مدري ألغيت الحجز انا والبنات لأن صراحة حسيت الألعاب الناريه مره قريبه
خفت علينا صراحه انو يشّب شعرنا او عباياتنا واحنا نبغى الستر صراحه إيه يعني ومنشان هيك
ألغيت الحجز وتمّينا نرسل فويس نوت بالقروب انو أحلى وانو مالت علينا



ودّعت سنة 2014 وانا امسح الفرن
واستقبلت 2015 وانا ادور على حمص ب الكبت حق الفصفص
عاد امي مسويه فيه متاهات ومغارات عشان توصل للهدف المنشود
تحط الأغراض اخخخخرررر شي وفوقها قرابيع وكراتين , لدرجة وانا ادور اشك
اقول معقوله بس السالفه حب وفصفص وحمص ولا فيه شي مدفون

عاد ادعوا لأختي تولد بالسلامه
الصراحه سخيف البيبي مررره سخيف قاهرني خل يطلع بس
ملييغ بتخلص التاسع وهو باقي البيبي ماخذ وضعية الأستقرار في بطن امه
مايحسب فيه دنيا برا وبيعيش فيها حتى الدكتوره تقول بعييييد عن الولاده اذا وضعه كذا لازم عمليه
عاد والله والمصاخه صح نبيك وننتظرك لكنك بثر يا بابا

وترى تخرجت أمس
ابد ما أركض وانا اكتب هالمشاركه مين يقول ؟

[وينك يابوي]

http://im83.gulfup.com/YADF5V.jpg


نسيت أنا إني نسيت.. طيفك خطر مرة وبكيت
سهّرني ودموعي جراح.. أبكي اللي جا وأبكي اللي راح
قاسيت شي ما يطاق
قبلت أنا ما أدري ليه
فيه شي خارج الاتفاق.. قلبي أنا مقدر عليه!








أنا طايحه بغرام هالكوبليه .. كلام كبير يا عبادي

~

لا تركتيني في حالي ولا خذيتيني معك
ويوم جاوبتي سؤالي اعترف بي مدمعك
ولو تروحي وين تروحي في عيوني أجمعك
وأن ضحكتي أو بكيتي أو شهقتي أسمعك
لا تركتيني

[وينك يابوي]

http://store1.up-00.com/2015-02/142490368825.jpg

غفوتك غفوة بطلّ , وكبوتك كبوَة جواد
يا هلال العزّ فِز شعبك الأزرق يبيك .. وقفتك هيبه و عز
قوم بسم الله عليك

[وينك يابوي]

الله يااللله 40 لايك و 3 تقاييم وجهي صار كذا
حسيت نفسي مشفوحه بس والله اعزكم يإلي قيمتوني ميرسي خالص
وكمان إلي عطوني لايك اي لوف يو ماي هني يو ار اي سوييرر < اوباما مات .

امس دخلت مدونتي اشوف مشاركاتي القديمه ,
سنه عن سنه تقل مشاركاتي مو ملل من هالمكان لا حشى
بس وانا اشوف كلامي ب 2012 اتوقع اتوقع اني ما اقدر ارجع اعبر كذا
ياخي عمر والله انا معكم حبوني على راسي اشوف < خانها التعبير
لا بس جد التدوين جمييل جدا جدا تكتب لنفسك وبعد سنين تشوف وتتذكر
ولعلمكم انا من سويت مدونتي ما اقراها اكتب المشاركه وانزلها على طول ما احب اقرا كلامي
بس امس جاتني بركه جعلتني اتواضع واقرا 10 صفحات من كلامي لأ وما اكمله بعد

http://www.ckfu.org/vb/7241866-post924.html
الله يذكره بالخير راح الهندي بس برضوا يقهرني م احبه واتذكر هالموقف

http://www.ckfu.org/vb/7194475-post921.html
هنا بعد اتذكر كنت اسهر على المدونه اقعد بالساعات
ياليت اقدر ارجع اسوي كذا اللحين ..
واتذكر هالموقف سويته بخواتي ايام ما كانوا عازبات

http://www.ckfu.org/vb/7302653-post933.html
احب هالمشاركه

http://www.ckfu.org/vb/7431814-post955.html
كان بوقتها الملتقى تهكر من واحد عتيبي مو كبير حتى مراهق
وكان كاتب كلام مضمونه انه " سمعنا عنكم وحبينا نزوركم ومدري ايش ورقم البن وصورته "
وكاتب لينك حق منتدى حقهم الهكر وقسم بكبره وعرضه عشان كل واحد يدخل يقول وش هكّر
وخلفية هالكلام اغنيه كلماتها :

أنآ ويآج لو نتفآرق نموت
آلغرقآن لمّن يأخذَه آلمآي يوّن حييل بس آلونّه بسكوت
ومنّ آلفرآق أنآ أشتآق , انتّ قلبهآا شلون تبعد عنهآ

ف مستحيل انسى هالأغنيه اتذكرها واتذكر لحنها حتى وجه إلي هكر الملتقى اتذكره

+
تصبحون على خير احباب قلبي المشرق

[وينك يابوي]

اهلاً وسهلاً ..

ولله الحمد وَ المنّه اخوي الكبير بيتزوج وبصير اخت المعرس للمره الأولى .
بس جهاز المعرس مره مو حلو كله بمحل الأثاث وتشم ريحة صبغ ومحلات الزلّ ومع الباكستانيه
بعكس جهاز العروسه يازينه كله مواعيد بالعيادات الجلديه والسوق وصرف فلوس
اصلاً مجرد ما يكون ب بوك اختي فلوس زرقاء لاإراديا ننتعش مع ان مالي دخل
بس مدري تحسين انك فاحشة الثراء ومتزوجه ثري خليجي
اما الولد تفلس حقيقةً تفلللس لان امك فلست واخوك فلس فتحس بالفقر ونتعشى فطاير جبن
بعكس جهاز اختي نتعشى من مهرها وانواع الكرم الحاتمي والعزايم


انا من النوع إلي ماا احب ماااا احب اشتري قماش واروح ادور ب الخياطين يفصلونه
ف الحل اروح لمصممه تجيب لي القماش وتخيطه وتفهم الخياطه ب الموديل .. عكسك ياريم
وامي تكررررههم ماتحبهم تقول يقصون عليكم وانواع الضغط النفسي لما امي راحت معنا
كلنا مرتبكين تمشي امي وتكش بالأقمشه ولا جات المصممه صارت ذربه
ومن تحت الطاوله شغاله وانا اهاب من امي عاد هي خارتها وقامت تتفق على السعر قدام امي
تعالوا دوروني بغيت اشق الأقمشه وابلع المقص وادخل كل الدبابيس فيني
كان ودي اتحول إلى طاولة من جذع خشبه وياكلون علي الناس
أرجوك اسكتي ستوب توكنق يكفي ما جرى
لكن عدينا ولله الحمد صح إني ماخرجت إلا وفيني تصلب ب الشرايين والأورده بس كنت اتنفس


بس والله يابنات روحوا لها شغلها نظيييف ومرتب وغالي بعد وين تلقون مثل هالمميزات
تبدا الخياطه ب 2000 حتى لو القماش انتي جايبته
اما إذا من عندها يبدا من 3000 وطالع واطلعي وتطلعي للأفضل اختي المسلمه
اسمها لطيفه عبدالقادر محلها ب شارع الببسي عند مودا مودا
إذا طلع فستاني نهاية الشهر بوريكم ياه إذا ماهونت






عاد اليوم تسدحنا عندها طووووولنااا قمت اصور عشان اوريكم يمكن افيدكم
وادري التصوير بو تفله لكن حست الدنيا عشان تتصغر وقلت غصب انزلها عشاني تعبت
وإن شاء الله يطلع فستاني يرقص وانا واقفه كان هذا البند من اهم شروطي قلت لها انا اخت المعرس
وابغى فستاني يرقص يرقص وانا واقفه بالأستقبال حتى لو مارقصت يرقص

[وينك يابوي]

عُدنا ..

سلمّكم الله قبل كم يوم رحنا نشتري العوده ل الزواج
امي قالت نجرب السويكت قلنا طيب فريناه مافيه ريحة عوده انا اشم خشب محترق
وامي إلا انه حلو وإني اتدلع وهي جعلني قبلها اصلا مزكمه
اقولهم ابغاها تفوووح تفوووح ويعطوني عوده ادخل جيوبي الأنفيه ب المبخره ما اشم شي
واطلع برا المحل ابغى اشووف الريحه توصلني يفشلون بالأختبار
احس لما اسوي هالحركه حال وجه راعي المحل يكون كذا
وعند امي مكاسر عجيب عجيب عجيب تدخل محلات إلي سعرهم ثابت
تقول له رخص يقول ما اقدر ترد اصلا بضاعتك نفس بوريالين
او تبغاه يرخص من 160 ل 50 فجأه كذا ومن غير مقدمات ترخص الرقم من إلى
وتقولها بكل ثقه لدرجة راعي المحل يشك انه ممكن يكون غلطان وسعر امي صح
عاد لما رحنا عبدالصمد قالها ب 800 تبيه ينزلها ل 500 وبكل صمود تقترح عليه هالسعر
ولاحظت شغله ب امي لما اخوي يسألها بكم شريتي هالشي تعطيه السعر قبل التخفيضات
بعدين ان عجبها الشي بس مارخصه نطلع من المحل بعدين تعطيني انا اروح اشتريه
هذي الحركه اتعبت كل تجار الشرقيه والشرق الأوسط
احب سوقها كله مراكض وتطلع برا المحل وانا اعطيهم وضعيه بندور ونرجع لكم بينا تواصل
جعلني فدوتها

[وينك يابوي]

رسالة للحيارى:" تأكدوا بأن الهجر اعفّ لصدوركم من القرب البارد
وعلى ذالك قالوا :"أصعب من فراقه أعيش في قربه غريب "

-
ننام يا أحباب قلبي إلي لازم يصير مشرق

[وينك يابوي]

هلا هلا
الجو عندنا جميييل جميييل غصبا عنك تحسين اسمك جاكلين حتى لو اسم جدتك مسفره

عاد اليوم وانا ب جرير إلا اشوف هالكتاب للجميله أحلام *قلوب كثيره*
رحت للفهرس اشوف وش إلي بيشدني واقراه
فيه نصوص جدا جميله ورقيقه وتحس الكلام مو من حروف لأ من قطن كذا عرفتوا ناعم مره
وفيه نصوص مو انها مو حلوه بس مو جوي وهي السبب إلي ما خلاني اشتريه
ادري احلام كانت واقفه عند باب جرير وعلى ركبتها تترجاني اخذه لكن قلت لها لأ معليش
يختي وشو استجوب جواربك وحذائك وش هالرومنسيه إلي برعاية محل نوره حق الجزم
لأ جد ما احب كذا ابدا ابدا فماشريته لاني ما احب عرفتوا سببي مقنع
من النصوص المجنونه إلي لسه ببالي لاني على السرررريع اقرا وانا عند الكاونتر

اكبر الخيانات النسيان

منذُ افترقنا
مَا عَاد الأمرٌ يعّنينيّ
سِيان عِنديّ ان غَدرت اوّ وَفيّت
يَكفينّي يا سَيد الحَرائَق
إنّك خُنت الّلهَفة
واطفَأتْ جَمر الدقَائّق
..
مَاخُنتّك
فَقطّ نَسِيت انّ اَعيشّ بتَوقيِتّك
مَاعُدتّ اذًكر
كَمّ مِنّ الّمطَارات حطّ بِهَا قلبّي
دُونّ علمكّ
..
والله مًاخنّتكّ
ولاَ ظَنّنت قلّبِي سَيقّوىَ الحَياَه بَعدكّ
لكِنهُ الخِذلانّ
عَلمّني ان استغنِي عنك
اَصبحتُ انسَى انّ أسّهرَك
أأبَى انّ اَذرفِك
أكَثر انّشِغالاً مِن اّذكرك
وَأكبّر الخِياَناَت .. النِسيّان !

...

وبس اذن وانا ماشربت موي كله من عليك اللهفه
يمال اللفه إلي تلف شيلتي < ؟

[وينك يابوي]

السلاموا عليكوا ..

قرب عرس اخوي يوم الجمعه الجاي الله يتممه على خير ربي يسعده
صراحه عرس اخوي هذا يعني صارت فيه حالتين وفاه من الجماعه الله يرحمهم
واخرررتهاا حرب حرب حرب ياوجة البؤس انت و زوجتك فييه إيه
ولد عمي يقول لزوجته الدنيا حرب وانتوا بفساتينكم وهي تقوله السحاب مو زين بغيره







اسمعوا :
اكره احساس قلبي .. ومنطق عقلي .
جداً اكرهه , الحل ؟ هُرمناااا احس إني بِ ورطه