آلصبر: - مذآقہ "سيء" - لكن نٺإئجہ - جميلةة ♥

[اسمي توتي]

#

يسعد مساء الحب والشعر والشووق و يسعد مسائك يٱ منـور مسائي مخلوق ساكن دٱخل اعمـٱق مخلـوق هذٱ انت في قلبـي تدٱعـب جـرٱحي. ♥


#

[اسمي توتي]

انا من حقي اغير حولك العالم كثير

[اسمي توتي]

في ضلوعي لك مدينه شعبهاا ميّت حنين.

[اسمي توتي]

كل شوق مر فيني / قاصدك ..!

[اسمي توتي]

صباح الخير


اخباركم؟؟

وحشتني المدونه حيييل

شسموه من زماان مادخلتهاا كنت تعباانه
و مشغوله بالبيت ناس داخلين وناس طالعين
وتجهيز حق السفره

الحمدلله على كل حال

المهم الصباح ان شاء الله بنسافر دعواتكم لي

وسامحوني ان اخطيت بحقكم ولا سويت شي يضايقكم


بشتااق لكم

[اسمي توتي]

مساء الخير

وحشتوني حيييل وحشتني المدونه

الحمدلله رجعت من السفر يوم الخميس بس ما انبسطت ابدا بالسفر

تعبت وجاتني حراره وزكمه وكحه

وغير كذا جاء بالقصيم غبار الله لايوريكم >>جاء شغل البخار والربو
وصووتي رااح مايطع ابدا

لدرجه اذا بغيت شي اهز بنت خالتي وااشر على الشي الي ابيه
واهي تقول هذا واشر براسي والله ياماتوا على من الضحك

والعيال يتطنزون علي بس الحمدلله على كل حال

الحين خفيت شوي وصوتي طلع انا من النوع الي اقاوم التعب ما احب اتسدح وكذا

رجعت يوم الخميس الصباح ورتبت البيت ونمت لحد العصر وصحيت

وجات عندنا بنت اخوي العشاء وتقهوينا وعشتنا طلبنا عشاء بالبيت مافيني اطلع

وسوالف لحد الساعه 1 وماعاد اشوف طريقي سحبت عليها ونمت
اهي دايم تسحب علي وجاء اليوم الي اسحب عليهاا هع

صحيت 7 يوم الجمعه وسويت حلا غداء وحلا قهوه
وسويت الغداء وجو خواتي وعيال اختي واخوي وزوجته وتغدينا واخذت شور

وطلعنا رحنا كورنيش الدمام مسوين مهرجان وكان اخر يوم انبسطت مرره فيه

واهم شي ان امي انبسطت لانه شعبيات واشيياء قديمه مرره انبسطت هنا وبالقصيم

ورجعنا البيت على الساعه 9 ويوم جات الساعه 12 واقوم اسوي قهوه واجيب الحلا

ونفرش على الارض بالحوش ونجتمع خواتي وزوجة اخوي وامي وسوالف وضحك وناموا عندنا

جات الساعه 2 خلاص ما اشوف الي قدامي
قلت لبنت اخوي اذا ناموا ومافيك النوع تعالي صحيني >>العمه الحنونه
يويوم راحو وجات تصحيني سويت نفسي نايمه تقول توتي الله يخليك قومي معاي وش ماسولفتي لي
تكفين قومي ولا رديت علها وطلعت واهي تتحلطم تقول والله نامت وخلتني وتهاوش ههههه

انا صرت انام بدري واصحى بدري اخوي يسميني عجوز الصغيره

لان هناك امي وخالتي يصحون الصباح على الساعه 7 ونص ويتقهون وسوالف وانا اصحى معاهم واتقهوى وسوالف
ماتجي الساعه 12 بالليل الا انا ناايمه
وامس كان عشاء احنا واخواني لازم كل سبت نجتمع عشاء كل اسبوع على واحد كيفه يبي البيت مطعم الكورنيش الي يريحه

وامس كان على اختي العشاءصحينا الصباح انا واهي وامي وسوالف والظهر سويت غداء مكرونه باشميل

ويوم جاء العصر طلعنا نشتري حلا ورجعت البيت وصفينا بالصحون مع التمر وكذا وسوينا قهوه وشاهي
والمغرب طلعنا كان الجو خياااااااااااااااااال عاد احنا ماشاء الله كثير ومجتمعين اخواني وخواني وعيال اخواني وعيال خواتي مرره ونااسه وضحك اول مانزلنا كان قريب مننا نااس بس مو مرره المهم حريمهم بروحهم ورجالهم بروحهم نزلنا والرجال يقول بصوت عالي كل ماجينا مكان جاء احد جنبناا ياربي ويتحلطم
المهم عاد اخواني يحبون يتعرفون راحوا وسلموا عليه قالوا العذر والسموحه كان احنا مضايقينك ابدا الحين بنقوم نغير المكاان هههههههه يبونه يعيد الي قاله

قال لا والله المكان مكانكم ابدا والله ماتغيرون احنا الي نغير وخواني يحلفون واهو يحلف قالوا اخواني خلاص احنا بمكانا وانت بمكانك قال خلاص وطقوا صحبه معه يوم جاء العشاء راحوا اخواني عطوهم من العشاء ويوم جاء عشاهم عطونا منه وخذوا رقم بعض ههههه

المهم وحشتوني

[اسمي توتي]

شوف نفسك في عيوني
كان ماعندك مرايه !!
والله أنّك في حلاتك
يانظر عيني حكايه !!

[اسمي توتي]

[اسمي توتي]

الحكايه أنك #'
أجمل من تفاصيل الحكاية
وانكك أكبر
من كلامي وكل ما :
= تكتب يدي ‹$ !

[اسمي توتي]

- لآإ يزعلُك صَمتي : آبدُ مآِهو / عتب [ صَمتي تعبُ ؛ دنيَآ ] عجُز فيهَآ الكلام