حواري مع الأستاذ الشعيبي بخصوص الصيفي , والنتائج

[سلمان اللحيدان]

المشاركة الأصلية كتبت بواسطة همس التميمي

اذا مالهم نيه يفتحون ترم صيفي

طيب يخلونا ناخذ ترم زائر باي جامعه
بشرط يدخلونه بالمعدل
لانهم اكتبو بالموقع الرسمي انه الترم الزائر ما يدخل بالمعدل

مرحبا أخت همس كيف يعني مايدخل الترم الزائر بالمعدل ؟؟؟؟؟؟؟؟؟؟؟؟؟؟

[هـمـس التميمي]

يعني لو درست ترم صيفي بجامعه ثانيه
ما يحسبونها لك جامعتنا بمعدلك

[آلمستشآر]

بصرآحه عذر آقبح من ذنب ،، لو فكر قليلأ لو جد آن 56 آلف مستحيل جميعهم رآح يآخذ ترم صيفي
آلنقطه آلثآنيه حكآية آلتصحيح لو كآن يدوووي كآن عذرنآهم بس آلكتروني ويمكن تغطية آلنقص بزيآدة آعدد آلموظفين آو حتي تعين موظفين آو متعآونين برآتب مقطوع لفتره آسبوعين ،،فتره آلآجآزآه آلصيفيه طويله لو حسبنآهآ من آخر آسبوع في شهر رجب لحد آلعآشر من رمضآن تقريبآ حوآلي شهر و17 يوم + اسبوع آختبآر يطلع 51 يوم تقريبآ تفي بآلغرض مع تحديد موآد درآسيه لآ تتجآزو 3 موآد لكل طآلب يبي يدرس ترم صيفي آو حتي مآدتين ع آقل تقدير

وآضح من كلآمه آنه آلمشآكل عنده
1- سو آلتخطيط في آلجآمعه مآ شيه بآلبركه وآحسهم متوهقين في آلآنتسآب
2- عدم قدرته ع فرض وآجبآر آلدكآتره بآلترم آلصيفي >> آجآزه رسميه لهم زيآدة دلع
3- تقليل آلمصآريف وتوفير آكبر مبالغ للجآمعه >> آلطآلب غير مهم آلآهم آنه يدفع ع آربع سنوآت ويمكن تزيد وبآلتآلي آذآ آقرو ترم صيفي رآح يدفعو للمرآقبين بدل دوآم آضآفي ودفع رسوم مرآكز آضآفيه لترم آلصيفي

آلموضوع وآضح آنه مآ فيه آمل يضيفوو ترم صيفي خلآل آلسنتين آلقآدمه ولآ هي من مخططآت الجآمعه آلمستقبليه

يعطيك آلعآآفيه آختي

[سلمان اللحيدان]

[quote=همس التميمي;6665945]يعني لو درست ترم صيفي بجامعه ثانيه
ما يحسبونها لك جامعتنا بمعدلك[/quote
أجل وش الفايده من الدراسه أما جامعة غريبة بجد!!!!!!!!!!!!!

[خمائل الورد]

أم ليالي الله يجزاك ألف خير ما قصرتي ياعسل

والدكتور صادق في كلامه يعني هم ما يخلصون نتائجنا إلا بعد شهر وزيادة ولا نشوفها إلا قد أستوينا على نار هادئة

فمن أين تجيهم شدة على الترم الصيفي عز الله راحوا فيها

ومن جد ترانا نقدر ما يبذلونه من جهد ومجهود كبيرين في سبيل تعليمنا وما يمرون به من صعوبات ومعوقات

ناهيك عن الكم الكبير للطلاب والطالبات والمراكز اللي مش بس في المملكة إلا بعد خارج المملكة

يسلموووووووووووووو يالغلاااا

[اميرة بدلعي]

عجبتني ردوده وتري واقعيه جد مايمدي اسبوعين
بالعقل حتي لو كان التصحيح الالي
مايمديهم
الله يعطيهم العافيه

[وله منثور]

اختي الكريمة بيض الله وجهك بياض يدخلك الجنه لكن الجامعه تقدر
تعمل الترم الصيفي بكل يسر وسهوله ولنا في اعادة اختبار المحاسبة
والانجليزي عبره في اقل من اسبوعين تم الاعلان عن الاختبار و تجهيز
الاسئلة من قبل الدكتور وارسالها الى مراكز الاخبارات ... اتمنى انهم
يفتحون الترم الصيفي عشان نخلص ونرتاح

[mansor 25]

بالنسبه للي يقول انه عدم اخد ترم صيفي يقلل مصاريف الجامعه !! انت من جدك ؟

تدري بلمستوى الواحد الجامعه كم تطلع ؟

118 مليون ريال في كل مستوى !! هذه اقل احصائيه

اضرب 2000 ريال في 59 الف !!

حسبي الله ونعم الوكيل بس

[سلمان اللحيدان]

في البداية حبذا لو نتفق على أنه من شبه المستحيل بأن الجامعة سوف توافق على الترم الصيفي وعليه فلا أقل من الإصرار على المطالبة بزيادة عدد الساعات شريطة أن تمدد فترة الإختبارات حتى ولو كانت لثلاثة أسابيع !!!!!
ويكون الحد الأعلى 24 ساعة مثلاً ولن نختلف على العدد لكن من الضروري اتفاقنا على الزيادة وكذلك تمديد فترة الاختبارات حتى وإن ترتب على التمديد أعباء مالية على الجامعة فحسبنا أنها مؤسسة ماليه وليست شركة مدرجة بسوق المال لا هم لها |إلا الربحية دون اعتبارات أخرى
وهاكم النقاط :



المطلب الاول:
ضرورة فتح أيقونة للأستعلام عن المشاركات والواجبات وتنزيل المحاضرات ليتسنى لنا التأكد من النواقص ويكون ذلك الى مابعد الاختبارات بأسبوع مثلا.
المطلب الثاني :
عمل لقاء مباشر ودوري مع الدكتور النجار أو أي مسئول عن نظام الانتساب المطور وتكون 3 لقاءات مثلا مجدولة مسبقا لاستقبال ملاحظاتنا للمسئول بشكل مباشر.
المطلب الثالث:
السماح لمن لا يستطيع سداد المبلغ خلال الفترة الحددة من قبل الجامعه بأن يجعلوها مفتوحة الى ماقبل ظهور النتائج ( يعني لن تتمكن من معرفة نتيجتك الا بسداد المتبقي من المبلغ ) وهذه النقطة بالذات فيها جوانب محمودة فالبعض لا يستطيع السداد دفعة واحدة .
المطلب الرابع:
التنبيه على مسئولي مراكز الاختبارات بضرورة التقيد بزمن الاختبار وفصل وقت التظليل عن وقت الاختبار.
المطلب الخامس:
التنبيه على الدكاتره بعدم التأخر بالواجبات والمناقشات والقاءات المباشرة وهذا المطلب ضروري جدا.
المطلب السادس:
تفعيل أيقونة بالخدمات الطلابية تكون خاصة بمراجع وكتب الكترونية لكافة المستويات ولا ضير من أخذ رسوم رمزية لمن يحملها وتكون الرسوم محسوبة مع رسوم الدراسة.
المطلب السابع :
تفعيل أخبار الجامعة أولا بأول درءا للأشاعات وكثرة اللغط
المطلب الثامن:
تكريم المتفوقين بنهاية سمسترين متتابعين شريطة الا يقل المعدل الفصلي عن 4 والمعدل التراكمي عن 3,80 مثلا,, ولا يشترط التكريم حضوريا لا بأس من نشر أسمه بموقع الجامعة وأرسال درع أو شهادة بالبريد ( أزعجونا بالدوافع خل نشوف تطبيق عملي لذلك )
المطلب التاسع:
أصدار بطاقة جامعية ( أريد أن أشعر بأني منتسب لشئ ما )
المطلب العاشر:
فتح تخصصات أكثر أو تطبيق مرونة أكثر بالتحويل مابين التخصصات

[C E T 6 6 6]

كويس رد عليك بالواتس اب ،،

يعطيك العاافيه ،،