|
E5 English Literature Students Level Five Forum |
![]() |
|
أدوات الموضوع |
![]() |
#101 | |
متميزة بقسم اللغة الانجليزية المستوى الخامس
![]() |
رد: (( مجــلس مذاكــرة مــهارات التحــدُّث )) ..
اقتباس:
مو علشان كذا ترددت في سالفة المحتوى المترجم هذاك ![]() بروح أراجع المقال مفيش وقت خالص ![]() |
|
![]() |
![]() |
#102 | |
أكـاديـمـي نــشـط
![]() |
رد: (( مجــلس مذاكــرة مــهارات التحــدُّث )) ..
اقتباس:
![]() ![]() بالتوفيق |
|
![]() |
![]() |
#103 |
متميزة بقسم اللغة الانجليزية المستوى الخامس
![]() |
رد: (( مجــلس مذاكــرة مــهارات التحــدُّث )) ..
نشوف شنو عندنا في المحاضرة 12 ..
هذي المحاضرة دارسينها في القراءات والمطالعات - لمّا كان يدّرسنا د. عمّار - ويمكن درسناها في الإنجليزية العامه بعد - لكن مو متأكده ![]() ![]() الشاهد من كلامي إن المعلومات اللي في المحاضرة مو جديدة علينا , فقط نحتاج لننفض الغبار عن ذاكرتنا لتنذكّر ![]() أول شي معرّف لك الـ noun + adjective + syllable .. درسنا تعريف الأسم والصفة في سبعين ألف مادة وحافظينهم مثل أسمنا ![]() يقول لك إن الـ syllable : جزء من كلمة يحتوي على صوت علّة .. وبعدها معطيك أمثله على الـ syllables .. يقول لك ممكن الصفة تتكوّن من one syllable : مثل fast \ big وممكن من two syllable : مثل Happy \ dirty وممكن من three syllable : مثل important \ wonderful شايفة حوسة الكلام اللي فوق ؟! المطلوب منه إنك تعرفين هل الكلمة تتكون من مقطع صوتي واحد فقط أم أكثر من مقطع صوتي .. لأن هالكلام رح يفيدك بعدين في قاعدات السوبرلاتيف والكومبارتيف .. د. فداء مرّ على هالجزئية مرور الكرام على قولتهم , وقال مامعناه إن هالكلام يخص ماده ثانية وكذا - قلت " مامعناه " يعني مو نَص كلامه ![]() ![]() ![]() ![]() بعدها دخل في سالفة الكومبارتيف والسوبرلاتيف , يعني من هنا تشمّرين كمومك ![]() يقول لك إن Comparative : يستخدم للمقارنة بين شيئين .. ويقول لك إن Superlative : يستخدم للمقارنة بين ثلاث أشياء وأكثر .. وفي الكومبارتيف والسوبرلاتيف ممكن نستخدم الـ adjective وممكن الـ adverb كمعيار للمقارنة والتفضيل .. يعني مو بس الصفة , نقدر نستخدم حتى الحال ورح تجي أمثله على كلا النوعين ![]() نيجي دلوقتي نتكلّم عن الـ Comparative : يقول لك إن الكومبارتيف تعبّر عن فكرة more ( أكثر ) .. ومعطيك مثال ومستخدم فيه الصفة fast .. أول شي كتب : my car is fast هنا الجملة عادية , سيارتي سريعة .. طيب خلينا نشوف تكملة الجملة : but his car is faster , لكن سيارته أسرع .. فيه حاجه تغيّرت مش كده ؟! fast صارت faster , لاحظي إنّه في الجزء الأوّل من الجملة كنت أتكلّم عن سيارتي أنا بس , لكن في الجزء الثاني من الجملة تكلّمت عن سيارة شخص ثاني وقلت إن هالشخص سيارته أسرع , يعني أنا قارنت بين شيئين بين سيّارتي وسيّارة هالشخص هذا .. وده معناته حضرتك إني أستخدمت الـ comparative المقارنة في الجزء الثاني من الجملة .. بعدها شارح لك كيف تعملين المقارنة : - لما تكون الصفة one syllable , مثلlong : نضيف er فقط .. تصير longer - لما تكون الصفة two syllable ومنتهية بـ y , مثلfunny : نحذف الـ y ونضع ier .. تصير funnier - لما تكون الصفة two or three syllable , مثلmodern : نضع كلمة more قبل الصفة .. تصير more modern .. - لما تكون الصفة Irregular غير منتظمة , مثلgood : نحوّلها للكومباراتيف وتصير better .. * وهنا لازم أوقّف وأقول لك كلمتين ![]() - لاحظي إنّك ما أضطريتي إنك تعرفين هل الصفة تتكون من مقطعين صوتيين أو ثلاثة لأن قاعدتهم نفس بعض وهي إنّك تستخدمين كلمة more قبلهم ( بإستثناء إذا كانت نهاية الصفة y وقتها نحذف y ونحط ier بدالها مثل ماذكرنا في النقاط السابقة ) , مثل ماقلت في البداية المطلوب إنك تعرفين هل الكلمة تتكون من مقطع صوتي واحد فقط أم أكثر ( سواء مقطعين أو ألف مقطع هم قاعدتهم وحدة ) وتقدرين تعرفين هالشي من خلال النظر فقط بدون ماتتعبين عمرك .. - في آخر نقطة قلت لك إنّك تحولين كلمة good إلى better , وأكيد سألتي نفسك على أي أساس قلت الكلام ده ![]() نيجي دلوقتي ونتكلّم عن ولد عم الكومبارتيف اللي هو الـ Superlative ![]() ونفس الشي يقول لك إن السوبرلاتيف يعبّر عن فكرة most ( الأكثر ) .. ومعطينا مثال وبنفس الصفة اللي أخذناها مع الكومبارتيف اللي هي fast .. أول شي قال : my car is fast سيارتي سريعة , بعدها قال: your car is fast سيارتك سريعة وبعدها قال : but his car is the fastest لكن سيارته هي الأسرع .. هنا تكلّمت عن سيارتي + سيارتك + سيّارة شخص ثالث .. فاكرة الكلام اللي قلناه في البداية ![]() وبعدها نفس الشي شارح لك كيف تعملين التفضيل : - لما تكون الصفة one syllable , مثلlong : نضيف est .. تصيرlongest - لما تكون الصفة two syllable ومنتهية بـ y , مثلfunny : نحذف y ونضع iest .. تصيرfunniest - لما تكون الصفة two or three syllable , مثلmodern : نضع كلمة most قبل الصفة .. تصير most modern .. - لما تكون الصفة Irregular غير منتظمة , مثلgood : نحوّلها للسوبرلاتيف وتصيرbest .. حاسه إن الكلام كثير وداخل في بعضه وإنك مش فاهمه حاجه ؟! حاسه إن الجو بارد وإن جوالك شحنه يفضي بسرعه ؟! أتصلي على زيرو تسعميه ... لا لا لا أمزح ![]() شوفي , هو صحيح إنّك تحسين إن الكلام كثير وكذا , لكن لما تفهمينه بتحسيّن إن السالفة لعبة وبتستمتعين بكل فقرة من التمارين اللي حطها في نهاية المحاضرة , صدقيني الموضوع فلّه مو جالسه أنصب عليك ![]() ولما نتكلّم عن الأجزاء الباقية رح تفهمين سالفتهم تمام ![]() ودليل كلامي إن إختصار النقاط اللي في الكومبارتيف والسوبرلاتيف اللي ذكرناها إلى الآن ملخّصة في الجدول اللي حطّه الدكتور ( موجود في المرفقات ) .. بس نسى الـ i في الكومبارتيف لـ funny هي funnier عدليها .. آمل من أعمق أعماق قلبي إنك فهمتي ولو حاجه بسيطة من الكلام ده كلّه >> هذا إذا ماكنتي فاهمه هالجزئية من قبل ![]() أي ملاحظة أو تعليق أو تصحيح مايردّكم إلا الكيبورد ![]() وأستغفر الله لي ولكم .. |
التعديل الأخير تم بواسطة Tawah ; 2015- 12- 1 الساعة 03:42 PM |
|
![]() |
![]() |
#104 |
متميزة بقسم اللغة الانجليزية المستوى الخامس
![]() |
رد: (( مجــلس مذاكــرة مــهارات التحــدُّث )) ..
بس بقول كم كلمه عن الـ syllable >> مافيه فكّه من الهذرة
![]() ![]() اللي ماخذين مدخل إلى اللغويات ( واللي توهم ماخذينه مثلي ![]() ![]() خلونا نشوف الأمثله علشان نفهم السالفه أكثر , نفس الأمثله اللي ذكرناها في الجزء السابق : one syllable : مثل fast \ big - كلمة fast تُنطق فاست , فيها صوت علّه واحد , اللي هو الحرف الثاني ( آ ) - كلمة big تُنطق بيق , فيها صوت علّه واحد , اللي هو الحرف الثاني ( ي ) two syllable : مثل Happy\ dirty - كلمة happy تُنطق هابي , فيها صوتين علّه , الحرف الثاني ( آ ) والحرف الأخير (ي ) صحيح إن الـ y مو حرف علّة لكن صوته صوت علّه ( تذكّروا إنا جالسين نتكلّم عن الأصوات ) ..- كلمة dirty ثُنطق ديرتي , فيها صوتين علّة , الحرف الثاني والأخير ( ي ) .. three syllable : مثل important \ wonderful - كلمةimportant تُنطق أمبورتانت ,فيها ثلاث أصوات علّة , الحرف الأوّل(أ)والحرف الرابع(و)والحرف السابع(آ) - كلمةwonderful تُنطق ونديرفول ,فيها ثلاث أصوات علّة , الحرف الأول + الثاني يشكّلون صوتعلّة واحد (و) الحرف الخامس (ي)والحرف الثامن (و) .. إذًا بمعرفة عدد أصوات العلّة في الكلمة نقدر نعرف عدد المقاطع الصوتية أو الـ syllable ..
"الشرح السابق حسب فهمي , أهم شي إنّه يأدي الغرض " ![]() |
التعديل الأخير تم بواسطة Tawah ; 2015- 12- 1 الساعة 04:24 PM |
|
![]() |
![]() |
#105 |
أكـاديـمـي ألـمـاسـي
![]() |
رد: (( مجــلس مذاكــرة مــهارات التحــدُّث )) ..
حسيتها صعبه ومره خايفه منها ذاكرتها احس مألوفه ومقرر جميل
الحمدلله بس ياربي تكون اسئلته حلو |
![]() |
![]() |
#106 |
متميزة بقسم اللغة الانجليزية المستوى الخامس
![]() |
رد: (( مجــلس مذاكــرة مــهارات التحــدُّث )) ..
|
![]() |
![]() |
#107 |
متميزة بقسم اللغة الانجليزية المستوى الخامس
![]() |
رد: (( مجــلس مذاكــرة مــهارات التحــدُّث )) ..
باسم الله نكمّل سالفتنا مع المحاضرة 12 ..
هنا معطينا 5 قاعدات لازم نتّبعها في الـ comparative \ superlative : 1- لما تكون الكلمة مكوّنة من مقطع صوتي واحد ويكون فيها أكثر من حرف علّه أو تنتهي بأكثر من حرف ساكن نضيف er ( للكومبارتيف ) و est ( للسوبرلاتيف ) , نشوف أمثله عالسريع : - كلمة tall تتكون من مقطع صوتي واحد + أنتهت بأكثر من حرف ساكن ( ll ) في الكومبارتيف تصير taller وفي السوبرلاتيف تصير tallest .. لاحظي ضفنا فقط er للمقارنة و est للتفضيل .. نشوف مثال ثاني : - كلمة deep تتكون من مقطع صوتي واحد + فيها أكثر من حرف علّة ( ee ) في الكومبارتيف تصير deeper وفي السوبرلاتيف تصير deepest , هنا نفس الشي فقط أضفنا er للمقارنة و est للتفضيل .. 2- لما تكون الكلمة مكوّنة من مقطع صوتي واحد وتنتهي بـ e نضيف r فقط ( للمقارنة )و st فقط ( للتفضيل ).. مثل : كلمة fine مكوّنة من مقطع صوتي واحد وأنتهت بـ e , في الكومبارتيف تصير finer وفي السوبرلاتيف تصير finest , لاحظي إننا أضفنا r للمقارنة و st للتفضيل .. 3- لما تكون الكلمة مكوّنةمن مقطع صوتي واحد مع حرف علّة + حرف ساكن في النهاية , نضاعف الحرف الساكن ونضيف er للمقارنة و est للتفضيل .. مثل : كلمة fat مكوّنة من مقطع صوتي واحد وفيها حرف علّة (e) وحرف ساكن في النهاية ( t) , القاعدة تقول إنّا نضاعف الحرف الساكن ( اللي هو t هنا ) ونضيف er للمقارنة و est للتفضيل .. يعني يصير شكل الكلمة في المقارنة fatter , ويصير شكلها في التفضيل fattest .. 4- لما تكون الكلمة مكوّنة من مقطعين صوتيين ومنتهية بـ y نحوّل y إلى i ونضيف er للمقارنة و est للتفضيل .. مثل : كلمة happy مكوّنة من مقطعين صوتيين ومنتهية بـ y نحوّل الـ y إلى i ونضيف er للمقارنة و est للتفضيل , يعني يصير شكل الكلمة happier في المقارنة و happiest في التفضيل .. 5- لما تكون الكلمة مكوّنة من مقطعين صوتيين ومنتهية بصوت علّة not stressed ( يعني إنّا ماننطقه بشكل واضح أو ماننطقه أصلًا ) وقتها ضيفي er للمقارنة و est للتفضيل .. ويقول لك إن الصفات اللي تنتهي بـ ow أو le نضع لها er أو est .. مثل : كلمة yellow مكوّنة من مقطعين صوتيين ومنتهية بصوت علّة not stressed أحنا ننطقها يلو مو يلوو .. هنا نضيف er للمقارنة و est للتفضيل .. يعني تصير yellower في المقارنة و yellowest في التفضيل .. وبكذا نكون خلّصنا القاعدات الخمس .. بعدها معطيك جدول فيه ملخّص الكلام اللي قلناه ( أمس واليوم ) .. وبعد كذا معطيك ملاحظة : يقول لك أن بعض الـ adverbs نقدر نستخدمها للمقارنة والتفضيل ( أحنا قلنا أمس إنه مو بس الصفات اللي نقدر نستخدمها في المقارنة والتفضيل , نقدر نستخدم حتى الأحوال - يعني جمع حال ![]() ومعطيك أمثلة : Sally works hard - الحال في وضعه الطبيعي - وبعدين قال : Steve work harder than Sally - قارن بين سالي وستيف وبما إنهم شخصين معناتها كومبارتيف .. وبعدها قال : Kathy and Sue work the hardest of all - قارن كاثي وسو بالكل ( اللي هم سالي وستيف في الأمثلة السابقة ) وبما إن السالفة صار فيها أكثر من شخصين معناتها نستخدم السوبرلاتيف .. شوفي , بغض النظر عن الأشخاص أو الأشياء اللي يذكرها , لما تشوفين بعض الكلمات اللي تدل على المقارنة بعدد كبير أو بالكل عرفي إنك المفروض تستخدمين السوبرلاتيف , مثل عبارة of all مثلًا .. وبعدها معطيك مثال ثاني ( على غرار المثال السابق ) .. وبعدها معطيك جدول adverbs نقدر نضيف لها er و est , يعني إنا نقدر نستخدمها للمقارنة والتفضيل .. لكن معظم الأحوال ماتاخذ هذي النهايات ( يقصد er \ est ) وبدال مانحطّ لها هذي النهايات , نضع قبل الحال more للمقارنة و most للتفضيل .. مثل : recently في المقارنة تصير more recently وفي التفضيل most recently .. بعدها يقول لك إن بعض الصفات والأحوال لما نستخدمها في المقارنة والتفضيل تكون غير منتظمة .. مايتبعون قاعده معيّنة , هذول تحفظينهم بس , مثلًا good تصير best في التفضيل , مو goodest .. المحاضرة متروسه قاعدات , تحتاج منك فهم + حفظ .. بحر من القاعدات إن صحّ التعبير ![]() الأسئلة اللي حطيته ما أذكر إنه مركّز عليها أو إنه جاب سؤال منها - أقول ما أذكر يمكن كان فيه سؤال عنها ونسيت ![]() ![]() بالمناسبه باقي جزئية بسيطة في المحاضرة .. إذا كان عندي مجال رح نكملها إن شاء الله .. آسفه على القصور .. الإختبارات تقترب بسرعه , وربنا يستر ![]() وكالعاده إذا فيه تعليق أو تصحيح أو توضيح مايردكم إلا الكيبورد .. وأستغفر الله لي ولكم .. |
التعديل الأخير تم بواسطة Tawah ; 2015- 12- 2 الساعة 05:35 PM |
|
![]() |
![]() |
#108 | |
:: المشرفة العامة ::
ملتقى المواضيع العامة ![]() |
رد: (( مجــلس مذاكــرة مــهارات التحــدُّث )) ..
اقتباس:
مامنك قصور .... الله يجزاك خير لكِ تقديري وتقييمي ![]() ![]() ![]() |
|
![]() |
![]() |
#109 | |
أكـاديـمـي ألـمـاسـي
![]() |
رد: (( مجــلس مذاكــرة مــهارات التحــدُّث )) ..
اقتباس:
تقريبا خلصت كل المواد بقيت لهالماده 4ايام بس وبديت اليوم وخلصتها احس في شي خطأ انتم زي ولا اشيك ؟؟ ذاكرت كل شي عدا اي شي فيه تمارين صوت تأخذ من الاستماع كثير وبس |
|
![]() |
![]() |
#110 |
أكـاديـمـي ذهـبـي
![]() |
رد: (( مجــلس مذاكــرة مــهارات التحــدُّث )) ..
شكرا لك
متميزه كعادتك |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|