طلاب كلية الجبيل الصناعية ... أي استفسار أنا حاضر ( الموضوع مفتوح للجميع )

[QaHtAn]

المشاركة الأصلية كتبت بواسطة صابر وحظي غابر

الله يجزاك خير
طيب وش رايك بين جامعة الامام وكلية الجبيل لاني والله ضايع بينهن
ام التخصص وش رايك بالتحكم والالات الدقيقة له مستقبل

والله ما عندي علم إلا من كلية الجبيل .. ولا أحب المقارنات .. لأني أخشى أقول لك وأنصحك في مكان ما ولا تنجح فيهـ ..

أما من التخصص .. فتخصص الآلات الدقيقة والتحكم من أفضل التخصصات في الكلية .. وهو تخصص عبارة عن تحكم عن بعض القياسات .. مثل قياسات التدفق والضغط وكذلك والمستوى للسائل بالإضافة إلى درجة الحرارة ..
ولا يوجد شركة لا تتعامل مع هذه القياسات ..

يعني تخصص ممتع .. وليس بتلك الصعوبة التي يذكرونها البعض ..!!

بالتوفيق لك ..

[صابر وحظي غابر]

صباحك ورد
اخوي تقديم الترم الثاني عن طريق الانترنت والا ضروري حضوري
واذ كان على النت وقدمت وقبلوني ماجيهم الامع بداية دراستي والااحضر قبل
وشكر

[Abdullah-S]

السلام عليكم

انا طالب بالكليه السنه التحضيريه وعندي كم سؤال عن الميجر

- كيف الاختبار صعب ولا سهل ؟
- في دراسه بيوم الاختبار ؟ ( الاختبار يوم الثلاثاء والاربعاء الجاي )
- لو جبت درجات نازله عادي ولا لا ؟

شكراا

[QaHtAn]

المشاركة الأصلية كتبت بواسطة صابر وحظي غابر

صباحك ورد
اخوي تقديم الترم الثاني عن طريق الانترنت والا ضروري حضوري
واذ كان على النت وقدمت وقبلوني ماجيهم الامع بداية دراستي والااحضر قبل
وشكر

هلا أخوي .. حياك الله

أخوي التقديم راح يكون عبر الانترنت .. وستعلن نتائج القبول في الأسبوع التالي وسوف يتم تحديد يوم لحضورك في حل تم قبولك إن شاء الله .. وذلك لإكمال الإجراءات من فحص طبي وتفويض لإحدى البنوك لاستقبال المكافأة ,,, وإجراءات أخرى سوف يتم توضيحها لك لاحقاً..

[QaHtAn]

المشاركة الأصلية كتبت بواسطة Abdullah-S

السلام عليكم

انا طالب بالكليه السنه التحضيريه وعندي كم سؤال عن الميجر

- كيف الاختبار صعب ولا سهل ؟
- في دراسه بيوم الاختبار ؟ ( الاختبار يوم الثلاثاء والاربعاء الجاي )
- لو جبت درجات نازله عادي ولا لا ؟

شكراا

الاختبار سهل إن شاء الله في حال كنت فاهم اللي درسته .. مثل الجرامر ( القواعد ) ولازم أهم شيء تحفظ الكلمات اللي معكم زي اسمك .. وحاول تنسى اسمك ولا تنساها ..
أيضاء لازم تركز في الإستماع ( Listening ) من حيث مخارج الكلمات حتى تعرف الهجاء والحروف للكلمات ..

ويفضل كمبتدئ - إذا كنت كذلك - أن تكتب الجمل بالعربي وبعدين تترجمها على راحتك ..
لأنه في سؤال يتكلم 3 جمل تقريباً وأنت تكتب وراه .. وراح تكون من الكلمات اللي أخذتوها ..
وراح يعطيك وقت خمس إلى عشر دقائق بعد الإستماع عشان تعدل وتغير الإجابات إذا بغيت ..

* لا يوجد دراسة في يوم الإختبار ..

* والله شوف ما فيه أحد يقول درجة نازله عادي ..!!
يعني هو ماراح تطرد ولا شيء .. لكن راح تأثر في معدلك ..

طبعا للتوضيح للجميع .. المعدل في السنة التحضيرية كاملة هو لتحديد التخصص فقط وذلك بالمفاضلة بين الطلاب ..
ولكن بعد الدخول في التخصص سيبدأ المعدل من جديد ..

[Hak]

انا طالب في الكلية الجامعية وابغى أحول للصناعية في طريقة تحويل أو لازم نسجل من جديد

[QaHtAn]

المشاركة الأصلية كتبت بواسطة hak

انا طالب في الكلية الجامعية وابغى أحول للصناعية في طريقة تحويل أو لازم نسجل من جديد

أخي العزيز ..

إن شاء الله فيه تحويل وراح يعادلون لك بعض المواد .. لكن التوقيت والأمور هذي والله ما عندي علم ..

[Abdullah-S]

المشاركة الأصلية كتبت بواسطة qahtan

* لا يوجد دراسة في يوم الإختبار ..

طيب والحاسب او الرياضه و الستدي سكلز في ولا لا ؟.

[بدوي آكشن]

اخوي فهد

الله يجزاك خير اخوي

اذا ماعليك امر تعرف متى تقديم الترم الثاني ؟ ؟ ؟ ؟ ؟





لاهنت ياخوي

[QaHtAn]

المشاركة الأصلية كتبت بواسطة abdullah-s

طيب والحاسب او الرياضه و الستدي سكلز في ولا لا ؟.

لا يوجد دراسة أبداً في يوم الإختبار ..

تختبر وتمشي ..