صفحات من حياتي

[ξـبد»βrines«الرζـمن]

امس و اليوم الغبار بالرياض لاعب لعب


الي يشوفني يقول حفار قبور ولا واحد طالع من تابوت
او كني محنط من سنة

[ξـبد»βrines«الرζـمن]

الملف الشخصي

رقم العضوية :مميز (للبيع الرقم )

والمشاركات : مميز (للبيع الرقم )

باقي التقييم : بالطريق للحجز والاستفسار يرجى مراجعة الشخص نفسه

[ξـبد»βrines«الرζـمن]

قبل فترة كنت مسافر بالطيارة وكان قدامي بالكرسي رجال وزوجته

وكانت زوجته خايفة واي مطب هوائي تسمعها تبكي وتشاهق وزوجها يهديها
انا والله فيني الضحكة بس ساكت اخاف تجيني عقوبة وتطيح الطيارة

واذا طاحت تجلس تضحك هي علي

[ξـبد»βrines«الرζـمن]

امل التأمل كثيراً بالمقطع من جميع النواحي
اترككم مع المقطع المعبر جداً

http://www.youtube.com/watch?v=48r7Uzu4Qiw

رغم الإعاقة
لم يقطع الأمل ولم ييأس

رغم الإعاقة
لم يترك الصلاة

رغم الإعاقة
لم يترك القران

وفي النهاية قارن نفسك به
وانت بكامل عافيتك وصحتك
وهو بدون يدين

تقبلوا مودتي دمتم بأحسن حال
وتقبلوا اعتذاري اذا المقطع ضايقكم
ولكن الأنسان يحتاج ان يفيق من غفلته بين فترة واخرى

[ξـبد»βrines«الرζـمن]

يقولك جنود امريكان دخلو دكان تكروني قالو له عندك اسير امريكي
قال لا والله فيه اسير سنتوب

ليتك محشش يا التكروني كان ضميناك بالقروب حق المحششين

[ξـبد»βrines«الرζـمن]

بعض الاحيان اذا دسمت بالغداء انام لي قيلولة ساعة بدون ما غسل يديني صراحة ادوخ بعد الاكل ما اتحمل اغسل المهم ارفع يديني عن الأرض كني جالس ادعي عشان ما يجي يديني النمل خخخخ
تعرفون بعد الرز واللبن والمذبحة الي تصير اروح في عالم ثاني

[ξـبد»βrines«الرζـمن]

مرة من المرات جبنى شغالة حبشية مؤقت لين تجي الي مقدمين عليها كان عمرها (17) بس الي يشوفها يقول هوساوي حق الهلال كنها الي مع بباي الأجسام الي ما يتكلمون حتى اهلي كان يتغطون عنها
جلست تقريباً(4)شهور تصدقون ولا جني كان يطلع كلهم خايفين منها حتى بليس يقولي تكفى قلها ما تسوي لي شي قوية خخخخخ

[ξـبد»βrines«الرζـمن]

على طاري الجن من منكم شاف جن

والله انا شفت (والله من جد)

يوم كنت صغير بالسن كنى طالعين مخيم عوائل لمدة ثلات ايام المهم تعرفون ازعاج الأطفال والشقاوة
ثاني يوم بالليل بداء تحرش الجن فينى المهم قالو الحريم مانبي نكمل خلنى نمشي طبعا حملنى العفش ومشينى وحنى ماشين والله اشوف الجني على شكل طفل جالس على غصن الشجرة ويلعب برجولة ويلوح لنى بيده والله مانسيته

[ξـبد»βrines«الرζـمن]

يازين الواحد يوم كان صغير يدخل عند الحريم ويطلع محد يقوله شي اما الأن قبل ما تدخل انواع اتنحنح حلقي تجرح كل يوم امشي بحلاو فقس ولا تسال اهلك عندكم احد ولا تسال اخوانك الصغار فيه احد ولا تضرب الباب بالمفتاح عشان تنبه اهلك
ايام الأعراس كنى انواع المشاكل مع الحارس وذا دخلنى عند الحريم نرش عليهم الببسي ونخرب عليهم العرس لين تقوم الطقاقة وتلحقنى عاد تعرفون الطقاقات من ذوات الحجم الكبير مقاس XXXLخخخخخخ

يازين ايام الطفولة والبرائة

[ξـبد»βrines«الرζـمن]

سيتم اقفال المدونة قريباً















عشان انظفها من الغبار الي جاء الرياض وجلس (3)ايام
وثاني شي جايبلي عفش من الحراج حق الرياض
بغير اثاث المدونة
احاف اجيب جديد وينسرق