نقاش .. بكل شفافية ( هل يوجد طالب واحد خريج إنتساب مطور توظف بالتعليم ) !!؟؟

[Ahmad240]

السلام عليكم ورحمة الله وبركاته,

قريت كل التعاليق تقريباً. ما شاء الله الكل تفاعل مع هذا الموضوع وحاب أبدي رأي في أشياء معينة.

هل فيه أحد توظف بشهادة التعليم عن بعد في مجال التعليم؟

بأمانه, القطاع العام لحد الآن ما فيه خبر من اللي أعرفه فقط أنه تم إعتماد شهادة التعليم عن بعد بتوظيف خريجاتهم بوظيفة "معلم" وهذا الرابط

http://m.al-marsd.com/c-80099/

طيب, نجي للسؤال الثاني: هل خريجين التعليم عن بعد مؤهلين للوظيفة الإنسانية مثل المعلم؟ وهل هم يستاهلوها؟

الجواب طويل شوي بس صبروا معاي:

القطاع الخاص: من فهمي للقطاع الخاص "المدارس الأهلية" فهي تهتم بالمؤهلات الفردية أكثر من المؤهلات الجماعية "أو النظرة الشمولية لأي نظام دراسة" فأي فرد من التعليم عن بعد لديه المؤهلات في التدريس ففرصته بتكون أفضل والراتب والمميزات بيكون أعلى. كلما زادت مؤهلات, زادت قيمتك في المدارس الأهلية وكل يوم يتصلون عليك تعال مقابلة.

من ناحية تخصصي (اللغة الانجليزية):

تخصص اللغة الانجليزية من أصعب التخصصات, لان ما تدرس اللغة, بل تدرس علم وآداب اللغة الانجليزية. وباكون صريح وحتى الكل هاجمني:

إذا الدكاترة بالجامعة 70% منهم ما يعرفوا يتكلموا انجليزي بشكل صحيح ومعظم نطقهم خطأ في خطأ, والكثير منهم اللي يدرسونا ما يعرفوا يوصوا المعلومة إلا من رحم ربي (Reading Strategies) وهذا أقل الإيمان. والطالب لا يفكر بتطوير لغته بالشكل المطلوب ويحط له أعذار لا أول ولا أخر يبررها. فقط يستقبل ويمكن ينسى بعد الاختبارات عن اللي درسه.

رأي الشخصي:

الشهادة ليست الهدف وليست غاية بل هي وسيلة للخطوة الأهم وهي إكمال الدراسات العليا. واللي يبي يتوظف بالتعليم عن بعد بصراحة لازم يفكر مرتين ويجيب شهادة انتظام "ماجستير" لتكون فرصته أكبر. والحمد لله وفيه عدد من طلاب الانتساب مبتعثين بالخارج أو يمكل دراسته بالداخل وهذا يبشر بالخير.

آخر شي وتفتكوا من هدرتي:

التعليم عن بعد مصداقيته مجروحة, صحيح. التعليم عن بعد الكل يطالع فينا نضرة دنيئة والكثير يقول "شهادة وهم منسدحين على المنام"

ولكن أعرف أن كل شي بيكون أفضل وأحسن لما أسعى بكل ما عندي من قوة ومقدرة وخاصة أقبل اللي صار بالماضي وأعمل بجد في الحاضر وأكون إيجابي بالمستقبل القريب والبعيد. هنا تكون عندي راحة بال في دراستي بالجامعة وأعرف أن هناك أكثر من طريق للذهاب إلى روما.

[مستجده انجلش]

كلامك اخي واقعي وصحيح ولا ينكره احد ولكن هذه وزارتنا وهذا ماعودتنا عليه نظام متصدع متناقض يعمل بالمحسوبيات والوسائط دون النظر للكفاءات العلميه اعرف دكااااتره علم تخرجوا من جامعات عربيه معترف بها منتظمين في البكالوريس في السعوديه ومنتظمين بالماجستر والدكتوراه بتلك الدول العربيه ومتخرجين بامتياز مع مرتبة الشرف ومنهم من تخرج بامتياز وجيد جدا ولكن الوزاره العظيمه اقفلت الابواب في وجيههم وصدق او لاتصدق انتهت الاعذار منهم ونفذت لدرجة ان قال احد عمداء الجامعات من البطانه الفاسده لااحد المتقدمين منهم للوظيفه ان شهادته للاسف من دوله عربيه لو كانت اجنبيه لكنا قبلناك !!! مع ان وزارته الفاضله هي من وجهت الطالب للدراسه بتلك الجامعه !! وازيدك من الشعر بيت الا دواووين تخيييل يوجد بجامعاتنا دكاتره عرب تخرجوا من تلك الجامعات !! ويعلمون ابناءنا وعقودهم منتهيه من سنوات ومازالوا على راس العمل فماذا ترتجي من تعليمنا ووزارتنا المميزه ؟؟

ياكد مالك خلف يا ___ من انت له ؟؟؟

اسال الله ان لايضيع لمسلم تعب ولا يحيجنا واياك لاحد من خلقه ورزقك لو كان في جحر بتلقاه وبيجيك ومن توكل على الله فهو حسبه .

[دختنوس]

رجعت أقولكم تجربة عالسريع

فيه مدرسة أهليه مناهجها جداً قوية ( بريطانية ) وأغلب اللي يدرسون أجانب

جيتها قبل كم يوم أقدم تدريس عشان اثبت لنفسي قبل كل شئ

انه شهادتي بيكون لها قيمتها وماراح اخذها عالفاضي

وسوت لي رئيسة قسم اللغة الانجليزية فيها مقابلة وعلمتها بنظامنا وكل شئ واحس طول الوقت

زي ذا فيسها

وبنفس اليوم اللي طلعت منها

اتصلت علي وقالت راح تباشرين معنا يوم الأحد

( ماشاء الله تبارك الله )

بس للأسف راح ارفضها لأسباب شخصية منها الإختبارات ماراح أقدر اوفق بين الاثنين الحمد لله ع كل حال

وبالنسبة للتدريس الحكومي القرار النهائي لقبولنا ( التقديم فيها ) من المحكمة

راح يكون آخر هالشهر ننتظر وإن شاء الله خير ،،

[Toofy7000]

أنا اعرف وحدة تخصصها صعوبات تعلم وماشاءالله تخرجت واشتغلت على طول والدنيا أرزاق مع تحياتي لك

[نغـمْ ♬]

المشاركة الأصلية كتبت بواسطة * طموحي كبير *

غريب نوعيه المواضيع هذي دائما قبل الإختبارات !!!
اتمنى من الإدارة إن لم تغلقها و تحذفها خصصوا قسم لمثل هذه المواضيع مو معقول ننقاش ناس تدرس بس تشككنا في دراستنا هذا أولا .
ثانيا في الوظائف التعليميه الإنتساب غير ممنوع و اتكلم عن تجربه لي مع نظام جداره و مع صديقاتي الإنتساب غير ممنوع في الوظائف التعليميه فقط مطالبين بدراسة دبلوم تربوي وهو لمدة سنه إذا كان الدبلوم معهم خلاص يحق لهم الوظائف التعليميه أما إذا كان ما معهم الدبلوم التربوي ما يقدرون يدخلون في الوظائف التعليميه لكن يحق لهم الوظائف الإداريه ، و مع العلم نظام جدارة اضاف التعليم عن بعد مع بقية الشهادات الإنتظام و الإنتساب .
ثالثا نظام جدارة اهم شي فيه النقاط اللي تدخلك في المفاضله و هي تعتمد على المعدل كل ما كان مرتفع زادت النقاط و سنوات التخرج كل سنه عليها درجتين و اقصى شي عشر سنوات في الأقدميه فقط و للوظائف التعليميه اكرر الإنتساب لهم الحق بشرط دراسة الدبلوم التربوي وهو لمدة سنه واحده و بعد ذلك مثلهم مثل الإنتظام يختبرون قياس و يشترط النجاح فيه لدخول المفاضله .
لازم نفهم و نستوعب إن الوظائف أرزاق و كلها بيد الله ناس ما معهم شهادات و توظفوا و ناس معهم شهادات و ما توظفوا الله اعلم ربي وش كتب لكل واحد فينا المهم ماله داعي التحطيم و الكلام اللي ماله هدف طالما انت تدرس خلاص ليش تناقش خلص دراستك و ثق إنها بيد الله الدراسه و الوظيفه و كل الأرزاق و إذا خلصت اجتهد في طلب الوظيفه و لو فرضا شهادتك غير معترف فيها على سبيل الفرض اجتهد عشان يعترفون بشهادتك و مع العلم إن الأماكن الخاصه تقبل الشهادات سواء معترف بها أم لا . شهادتنا معترف بها و هناك كثير موظفين يدرسون عشان تحسين مستوياتهم و عندهم شرط إن جهه العمل توافق على الدراسه و كل جهات العمل تقبل نوع هذه الدراسه و موافقتها مهمه عشان تقبل الشهاده و تحسن المستوى و هذا يعني إن الشهاده معترف بها لإنه لو كان العكس لما وافقوا على الدراسه و لما اعطوا الإجازات للموظفين و لما حسنوا المستوى و لا احدث أي فارق .
دخلنا ندرس و بنجتهد و متوكلين على الله و الأرزاق بيد الله تأخرت أو لم تتأخر كلها لحكمه يعلمها الله لكن هذا لا يعني ان يكون كلامك سبب لتجعل بعضهم يترك الدراسه و يرفضها و يجلس في البيت عاله على نفسه و لا يطور عقله و فهمه و يكون مجرد شخص سلبي و إلا فما المطلوب من كلامك ؟!
بالنسبه لمسمى الشهاده لا يضرنا أنهم سجلوه إنتساب لإن التعليم عن بعد هو إنتساب مطور و لا يعامل معاملة الإنتظام إلا إن كان لديك دليل بذلك فما الذي يغضبك من المسمى و جداره معترفه بالإنتساب و بالتعليم عن بعد على حد سواء .
أن تصف الطلاب بإنهم عاطفيين فيها إسأه لنا جميعا و استغرب من موافقه المنتدى على كلامك و موضوعك كله وهم حريصين على اقفال كثير من المواضيع خاصة في هذه الفتره موضوعك اسوأ من اي موضوع لإنه فعلا محبط بغير دليل و ليتك كنت واقعي فعلا بل اعتقد انك تجهل كثير من الأنظمه !
تسأل هل توظف أحد بعد تخرجه ارجع و اقولك و كلامي عن تجربه نظام جداره مو تنزل شهادتك فيه و بكره تتوظف إلا أن يشاء الله لكن النظام تنزل بياناتك و إذا كنت تريد وظيفه تعليميه تدرس دبلوم تربوي وهو سنه فقط و إذا لم تكن تريد الوظيفه التعليميه يحق لك تقدم على الوظائف غير التعليميه ! للوظائف التعليميه هناك إختبار قياس يشترط النجاح فيه للدخول في المفضله و اخيرا هناك نقاط و مفاضله و كثير متقدمين قدموا شهادتكم في جداره و ابحثوا عن وظائف حتى لو خاصه مؤقتا .
اطالب الإداره بإغلاق الموضوع لو كانوا حريصين نحن في فتره إختبارات و لدينا ما يشغلنا لا تطلب الحقائق في فتره إختباراتنا كان لديك ترم بأكمله لما الآن ! و لا تطلب حقائق و أنت تدرس أصلا ما المطلوب منا تريد معرفه الأنظمه و القوانين كلم الجهات المسئوله عن التوظيف و لا تأتي لتحبط الطلاب و تقول لهم أن شهادتهم عدم و تصفهم بالعاطفيين عند إعتراضهم و اتق الله أن ترمي بكلماتك هذه في المنتدى و تذهب لتكمل دراستك !

اشهد بالله انك كفيتي ووفيتي بيض الله وجهك كلام منطقي 100%
وياليت يتقفل الموضوع لان بجد لايستحق النقاش فيه

[نغـمْ ♬]

اسم كاتب الموضوع لحاله <<غثيااان>>استغفر الله بس ناس فاضيه

[R7eel__9]

الله يرزقنا ما نتمني ويسهل أمور الجميع ب التوفيق

[وفقنا يارب]

بصراحة انا دايم يراودني هالسؤال الشهادة معترف فيها او لا
ومن حقنا نعرف هل هي معترف فيها او لا وهالنقاش مهم
الي فهمته منكم انه ماراح نتوظف معلمين في الحكومة (الحين ما وظفو المنتظمين بيوظفونا احنا) لكن المال على الخاص واخوي احمد رايك افادني
واختي دختونس والله فرحتني كويس الله يوفقك ويوفقنا
و عندي سؤال شاااااااااااااااااااااااااااااااااااغل بالي اتمنى تجاوبني هل نقدر نكمل الماجستير في الجامعات السعودية بشهادة الانتساب؟؟؟؟؟؟؟؟؟؟؟؟؟؟؟؟؟
وفي النهاية الوظيفة قسمة ونصيب ياما ناس بالثانوي ومتوظفين باحسن الشركات وياما جامعين متوظفين بغير تخصصاصتهم يعني هالوظيفة مو مشروطه بالتخصص يعني اذا عندك مهارات وخبرات تقدر تتوظف باي شركة
نصحيتي ادرسو حبا للعلم

[HAYA mM]

السؤال جميل ومنطقي وتسائلت كثيرا حول هذا الموضوع وسألت كثيرا ولم اجد اجابه؟وبعد طرحك للموضوع مشكورا وضحت لي الصوره وعرفت الجواب .وليس هذا معناه انني ساترك ولم أكمل لا ولكن عالاقل أكون عارفه وش انا عليه

[lo0lla]

المشاركة الأصلية كتبت بواسطة انجيليا جولي

اسم كاتب الموضوع لحاله <<غثيااان>>استغفر الله بس ناس فاضيه

والله الغثيان بعض الردود السخيفه !!! استغفرالله بس ..!