[ اسئلة اختبارات ] : رفع شكوى على بعض اسئلة اختبار موضوعات خاصة بالادارة

[taallaall]

المشاركة الأصلية كتبت بواسطة أم مشعل

السلام عليكم

بعيداً عن الموضوع الأساسي لاني اختبرت هالماده السمستر اللي فات
بس جاني فضول اعرف وشهو سؤال المصريه ؟؟؟

كم بلغت نسبة المرأة المصرية العاملة الى نسبة القوى البشرية في مصر بس يا سيدي ولا الاجابة الصحيحة 24 وحط معها 25 من ضمن الاختيارات يعني تظليل بس

[طموح متنحه]

طيب هو جاااب سؤال المصريه من برا المحتوى موجود في المحتوى سوا همتني المصرريه او لا بس بمقرري

ولازم اطلع عليه على كذا غلب الموواد مالنا دخل فيها عشاانها مالها دخل بمجتمعنا ولا تهمنا كا اشخاص

هههههههههههه خلص الاختبار و خلونا نركز باللي جاي ونخلص من الاختبارات ونتخرج باذن الله ونفتك من المصريه

[taallaall]

المشاركة الأصلية كتبت بواسطة ΑĐฟа.ĸ

مافي شي اسمه وش دخلنا بالمصريه او وش بنستفيد >> على اساس كل اللي درسناه بنستفيد منه هذا اذا مانسيناه اعتبرها زياده لمعلوماتك العامه

و دام انو المحتوى موجوده فيه هالمعلومه >> معناته الدكتور على حق 100%

فخذ العلم مني .. شكوتك ماراح تستفيد منها ابدا ...

ولا اقولك ليه تشكي .. لا

اللي بخاطرك سوه .. بس قلت هالكلام عشان ماتأمل لشي بعدين وتنصدم


بالتوفيق

على العموم انا قد رفعت الشكوى وانتهى الموضوع واللي يبي يسوى مثلي حياه الله واللي ما يبي بكيفه
المهم اني اعتقد ان لي الحق في هالشيء وسويته والحمدلله
والله المستعان

[نورالنور]

الاختبار سهل وجاب اسئله كثيرة من الاختبارات السابقة وانا كان عندي ظروف وما امداني اذاكر الاقبل الاختبار بثلاث ايام والحمد لله بس الي يذاكر ليلة الاختبار بيتعب لان القلق ما يخلي المعلومه تثبت

[Mishalx]

افضل دكتورمر علي بالجامعه
لايستخدم لف ودوران ولا تحدي ولا اي شي بالعكس واضح والاجابات متباينه مو مثل بعض الدكاتره يتحداك على حرف واحد
كثر الله خيره وكثر من امثاله

[شيهانه...]

اسئله واضحه للي ذاكر كويس يعطيه العافيه الدكتور مااقصر افضل من قضايا ثقافيه بكثير

[بن عاصوف]

اخوي كان الاسئلة واضح و سهله مره
وكل شي من المنهج

[بندر جاكرتا]

كل هالسهولة وتبون نشتكي هههههه
بعدين ماجاب شي من خارج المحتوى
واذا على كلامك وش دخلنا في المصرية فيه مواد ندرس علماء امريكيين وغيرهم بقول وش دخلنا فيهم

[Dr. Diamond]

المشاركة الأصلية كتبت بواسطة taallaall

اولا قبل ان يقول اي شخص بأن الاختبار سهل وان الدكتور ما قصر مثل كل سنة
احببت ان اقول ان الاختبار فيه شيء من السهولة لكن توجد اسئلة ما انزل الله بها من سلطان وتضييع وقتنا وتعبنا على امور لا تنفعنا لا من قريب ولا من بعيد
ثانيا الاسئلة كثيرة منها سؤال المرأة العاملة المصرية وكم تشكل من نسبة القوى العاملة في مصر بالله عليكم حنا ايش دخلنا بالمرأة العاملة في مصر حنا ما عرفنا نسبتها عندنا علشان عندهم
وطلبه في بعض الاسئلة للتعاريف على كثرها وطلب كلمات معينة جدا لا تقبل الجدال او انصاف الحلول صحيح ان بعض الاسئلة ممكن تجاوب عنها بحدف الخيارات الخطأ لكن في اسئلة توجد اكثر من معنى
انا رأيي ان نشتكي كلنا على الاسئلة التي ذكرتها مع تحديد الاسئلة وارقامها
والله المستعان

نصيحتي لك وللباقين

ترى هذا الأستاذ نعمة من الله إنه ضمن النجاح للي مامسكوا المحتوى ولا لمسوه بعد

وإذا تبي تعرف الحق... إصبر لا جاك الدكتور عبدالله سراج حق مادة "إدارة المشاريع" وإختبرتها هالمادة، والله ياتبي تشوف الهوايل والمصايب من أسئلته الي ماتعرف لا الرحمة ولا الرأفه، وإذا تبي تتأكد من كلامي رح شف أسئلة إدارة المشاريع حق الترم الماضي الوحيد لهذا المدرس الجديد وشف أجوبتها وين بالمحتوى (80% من بين السطور وغامضة وخياراتها متشابهة)

قل الحمد لله بس إنه رزق لنا هالحبيب, وكأنه يبي يقول لك بلهجتهم: ((عليك الله يازول بتينجح يعني بتينجح))

والله يوفق الجميع

[أم مشعل]

الله يوفقكم جميعا
وبحكم خبرتي ترا الجامعه لا تعير اهتمام للشكوي اذا الدكتور ماطلع من المحتوى
وأسلوب اﻷلف الدوران يجوز في شرع الجامعه دامه في نطاق المحتوى