شرح بسيط وملخص لمحاضرات الرياضيات>>شخصي

[نونا21]

تسلمي

[دُنيا]

ماشاء الله عليج شرحج حلو عاد انا اكره الرياضيات وحابه احول اداره اعمال تخوفت من شفت الرياضيات بس شرحج شجعني الله يعين اذا اقبلوني بخليج تدرسيني ههههههه:g23:

[علي الخرج]

اممممممم
فرنسا انا متابع بصمت
منسجم مع الشرح
وين باقي المحاضرات
هههههههههه

[فرنسا]

امممم اليوم الصباح راح احط شرح المحاضره الخامسه والسادسه ابشر

[فرنسا]

المشاركة الأصلية كتبت بواسطة دُنيا

ماشاء الله عليج شرحج حلو عاد انا اكره الرياضيات وحابه احول اداره اعمال تخوفت من شفت الرياضيات بس شرحج شجعني الله يعين اذا اقبلوني بخليج تدرسيني ههههههه:g23:

من عنووني بس اذا ماتفهمين بسرعه ياويلك ويل ههههههههههههههههه

[ام سكوت]

يعطيج العافيه على المجهود الحلو
الله يخليج لنا

[فرنسا]

المشاركة الأصلية كتبت بواسطة ام سكوت

يعطيج العافيه على المجهود الحلو
الله يخليج لنا

يعاافيك ياقلبي

[هدى]

سؤال:كل مافتح ورداسس الشريع علشان اشوف الواجب طلع رموز غريبة كيف الطريقة؟

[فرنسا]

[gdwl]
المحــــــــــــــــــــــــــــاضره الخــــــــــــــــــــــــامسه
[/gdwl]

[glow1=336699]
تحليل المقادير الجبريه
[/glow1]


يقصد بتحليل المقادير الجبريه:- هو إيجاد المكونات الأوليه والأساسيه للمقدار الجبري.
يعني مفهوم التحليل بشكل عامل لآي شي معناتو تفكيكه لمكوناته الاوليه الاساسيه اللي تكون منها
مثلآ الماء مكون من شنو..؟!>>لقافه
مكون من ذرتين هيدروجين + ذرة أكسجين----> h2o
يعني رجعناه لمكوناته الاولى

نفس الشي التحليل هنا في الرياضيات..
وعندنا طرق للتحليل -----> 5 طرق
1- العامل المشترك.
2- الفرق بين المربعين.
3- الفرق بين المكعبين.
4- مجموع المكعبين.
5- المقدار الثلاثي.

بناخذ أول طريقه :- اللي هي :
1- العامل المشترك...

طيب وش المقصود به..؟---> واضح من الاسم
معناتو ايجاد مقدار متكرر موجود في جميع عناصر المقدار الجبري.
مثال :
حلل المقدار :
5س ص + س^2

الحل :
نشوف هنا إنو س متكرره في الحدين
يعني هي العامل المشترك...
يعني
= س (5ص + س )
يعني خذنا الـ س من الحد الاول وبقى عندنا بس 5ص وخذنا من الحد الثاني س وبقت س وحده (س)

وفينا نحللها بطريقة ثانيه (القسمه)
((نقسم 5س ص على س )) وبتروح س اللي فوق مع س اللي تحت وبرضو بقسم ((س^2 على س)) وبتروح س وحده مع س اللي تحت وبيصير الناتج:
= س(5ص + س)

بس الطريقه الآولى أفضل وأسهل وأسرع >>بمجرد النظر نعرف وش العامل المشترك
وعندنا مطلق الحريه هنا بالحل بس أهم شي يكون الحل صح ونفس النتيجه


مثال ثاني :
حلل المقدار :
9أب +3ب جـ

الحل : هنا نشوف انو العامل المشترك المتكرر هو (ب)
طيب والارقام؟؟؟
وش العامل المشترك بينهم؟
راح نرجعها الى عواملها الاساسيه
بنشوف 9=3×3
3=3×1
العامل المشترك هنا 3
الحل بالشكل النهائي:
= 3ب(3أ +جـ)

................
مثال ثالث:
حلل:
2ص^2 - 8ص + 18ص^7
الحل:
بمجرد النظر بنشوف انو ص هي المتكرره
بس المشكله هنا باخذ أي ص..؟؟؟!
ص^2 ولا ص ولا ص^7 ؟؟

---> فيه قاعده راح تساعدنا هنا اللي تقول: اذا عندك عامل مشترك ومختلف الاسس خذ اقل أس..
يعني باخذ ص
بيصير الحل :
ص(2ص - 8 + 18ص^6)----> خليها ع جنب شويات
ونروح للارقام وبشوف اذا اقدر احللها ولالا..
2= 2×1
8=2×4
18=9×2
بنلاحظ انو كلهم فيهم رقم 2
يعني باخذ 2 عامل مشترك

الحل بالشكل النهائي:
=2ص(ص - 4 + 9ص^6) ---> 4و9 جبتها من فوق التحليل للأرقام

ونفس الشي هنا أقدر أستخدم طريقة ثانيه اللي هي القسمه
بس مثل ماقلت هاذي الطريقه اسهل واسرع ...
................

مثال أخير
حلل:
24س^3ص - 15س ص^3

الحل :
هنا بشوف إنو متكرر عندي (س ص)

مثل ماقلت في المثال اللي قبل باخذ أقل أس
يعني : س ص ( 24س^2 - 15ص^2) ----> خليهم ع جنب شوي

طيب والارقام:
بشوف إذا فيهم رقم مشترك ولا لا ..
بحللهم:
24=3×8
15= 3×5
بشوف هنا انو 3 هي العامل المشترك بينهم
الحل بشكله النهائي:
= 3س ص (8س^2 - 5ص^2)
............

[فرنسا]

[glow=66cc33]
الطريقه الثانيه لتحليل المقادير الجبريه:-
2- الفرق بين المربعين
[/glow]


معناتو انو عندي شغلتين عليها تربيع وبجيب الفرق اللي بينهم يعني بيكون بينهم (طرح)

طريقة تحليل الفرق بين المربعين:
(الجذر الآول - الجذر الثاني ) (الجذر الأول + الجذر الثاني) ---> قاعده مهمه وتنحفظ

يعني :-
س^2 - ص^2 = (س-ص) (س+ص)
يعني لازم نحللهم لقوسين متشابهين بس مره نحط اشارة طرح ومره جمع

مثال:
حلل
25س^2 -ص^2

الحل:
على طول راح اطبق القاعده يعني بما انو فيه تربيعين على طول انو بيكون فيه قوسين متشابهين مع اختلاف الاشاره:-
= (,,,,,,,,,-,,,,,,,,,) (,,,,,,,,,+,,,,,,,,,)

طيب وش اللي بحطه بهالقوسين؟؟
بطيق القاعده:
( الجذر الآول - الجذر الثاني) ( الجذر الاول + الجذر الثاني)

جذر 25 = 5
الحل النهائي:
= 25س^2 -ص^2= (5س-ص)(5س+ص)
...................
مثال ثاني :
حلل :
64س^3 - 4س ص^2

هنا كيف احللها وعندي س تكعيب وعندي ص تربيع.؟؟
طريقه حلها لازم انظف المقدار الجبري عشان احله
طيب كيف انظفه.؟؟
يعني بسوي طريقة التحليل الآولى اللي هي العامل المشترك

64س^3 - 4س ص^2
العامل المشترك هنا = س

= س(64س^2 - 4ص^2)
طيب نجي للأرقام:
64= 16 ×4
4= 4×1
العامل المشترك هنا = 4


= 4س(16س^2 - 4ص^2) ----> هنا نظفنا المقدار
الحين بنحله بسهوله بالطريقه الثانيه:
4س(16س^2 - 4ص^2)----> نطبق القاعده
=4س(4س -ص) (4س+ص)
...........................