[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[لبى لبى]

يامرقبه عامه عنــــــدي لك سؤال.......ويــن بيتين(ن) بالمــنتدى كتبتــها

راعي الحق يعطاله بقـــوله مجال.......ماتشال أمشاركة عنــدكم عنونتها

[عريبღღ]

مايغيث الدمع أو بدع الجزايل
خص لامن احتياجه يعتريني
راح منهو يسوى في عيوني قبايل
وش عزاي إلا دعاي ودمع عيني
كفنو جسمه بقبرن وسط حايل
مادروا وإن غاب ساكن في كنيني

الله يرحمك

[عريبღღ]

جيتك أصبح يامنى الروح بالنور
وأقول ياخلي هلا وكيف حالك
يالله عساك بخيرطيب ومسرور
ويالله عساني مانحرم من وصالك
ياملهم حروفي ترى القلب معذور
ويالله يسعدك وين ما تكون دارك

[عريبღღ]

وين انت ياللي تذبح القلب بـ .. الشوق
الْعَقَل مِن بَعْد ( الْلِّقَاء ) مِنْك مـا فـاق

[عريبღღ]

هذي أبيات في قمة المدح هههه

شاعرك يا بنت خبلن ما يهاب
ولا يرد ولا يشك ولا يتوب
به وقار الشيب و به طيش الشباب
و به حلا التوبه و به مر الذنوب
وبه جميع الأسئله تلقى جواب
من شمال الجرح للجرح الجنوب

[تروبادور]

بين احتضار الصمت ومكابر البوح
راحت تسولف عن عيونك عيوني

ما كنت مخطي يوم خليتك تروح
لين انتبهت اني بدونك بدوني

[تروبادور]

ـــــــــــ


عزي لحالٍ على فرقاه منحده
وعزي لقلب الا من حل طاريه

يتوق توق الوحش في كف من هده
لاطار مالد عينه صوب راعيه

[✶ جُمان ✶]

ليه المسا عوق الشقـاوي وطبّـه
وليه الهبوب تصحي القلب لا بـات؟

وليه القمر يدعي جريـح المحبّـه؟
ويقول له يا هيه..ما فات ..ما مات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالذات ريحـه.. وصبّـه
كنّه رسول بيـن الاحبـاب بالـذات؟

اشتـاق فيـه لشوفتـك واتنـبّـه
للي نسيته مـن مواقـف ونظـرات

[إيثاار]

إذا طفح كيلي تحليت بالصمت

سكت . لكن . لي عيونٍ نطوقه

أبلغ لغات الهرج . لو ما تكلمت

لارقرقت بالعين دمعه صدوقه

[إيثاار]

الصبح ودع ... والمساء يحضن الشمس
والارض تنزل ... والسمـاء ترتفع فوق ..
عيني على بكره ... وقلبــي مــع الامس
فيـني تـنــاقــض ... ما لقـيـته بمخـلــوق