[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

متى تخليني اضحك يامبكيني ؟
وانا الوفيّ لـ غياباتك ( وتأخيرك )

مو مشكله لو يطيح الدمع من عيني
المشكله لو مسح دمعي احد غيرك !

[فايزمحمد الروقي]

ليه تسهر دام ماعندك حبيب ؟
يجرحك يكذب عليك ويوجعك

قال آدوّر لي حبيب ومايغيب
قلت إذا حصّلت دوّر لي معك

[فايزمحمد الروقي]

أهملني أكثر خلني خارج النَص
على الأقل أشعر بأني قصيده

صح الله اهمالك عدد ماني آغص
كل ماكتبتك في قصيدة جديده

[فايزمحمد الروقي]

ينولد حبّ ويموت ألفين غايب
والبقى فالذكريات ومن قتلها

يا حبيب البُعد ما نصلح حبايب
ليتنا نترك هالاحلام لأهلها

[فايزمحمد الروقي]

من نبرتك هزّ الحكي صوت العتاب
واهتزّت ضلوعي وجع ، من نظرتك

و آمنت بـ ان قْفايتك ، آخر غياب
من يوم ،، ما خالط كلامك عبرتك

[فايزمحمد الروقي]

حزين
وفيك ما يكفي
تمرّك لحظة الضيقة
بلا صاحب ~
تهز الدمع ما ينزل !!
تعب يغسل
.. ملامح ..
وجهك " الشاحب "
تشب أحزانك
فـ روحك ؛
وتبكيها من جروحك
وما تطفي .

[فايزمحمد الروقي]

اتذكّرك واخشى من النسيان
لايسرق التفكير في بُعدك

انساك ؟ هذي قمة الحرمان
من يستحق اتذكّره بعدك ؟

[فايزمحمد الروقي]

مايمدحون السهر لكن وش اسوي
عجزت اقنع هواجيسي ومسباحي

والله ما يعتدل مزاجـي ، و جــوي
الا اذا ناموا العالم وأنا صاحـي

[فايزمحمد الروقي]

يزعل عليك اللقا وتْضايق الساعه*
ويموت منك الأمل وتعيش سالفته

أقسى من انسان شفته لحظة وداعه
إنك تعيش بوداع انسان ماشفته

[فايزمحمد الروقي]

رحت متساهل محطات المغيب ،
وجيت مستاحش ، ممرات البطاء

الخطا؟ ماهو اذا ودك تغييب ،
الخطا؟ لا صار ينعاد الخطا..