[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[Dr ʀeнαв]

_

مآ طمّنتَ قلبِيّ سِوآليفَ ـآلأصَحآبّ ,
وَ مآ ريّحَت بَآلي [ حرُوفِ ـآلكِتآبَـة ] !

مدرٍيَ أدوّر عِذرَ لِـ عيُونِ مِن غَآب ,
و إلآ علَى مَآ قِيلْ [ عِذرَهـ غيَآبَــه ] !

[فايزمحمد الروقي]

ليلة فتحتي باب لوصالِك
جيتِك و كانت خطوتي خطوة

آسف ترى خلّيت فنجالِك
كانت يديك أشهى من القهوة

[فايزمحمد الروقي]

صوتك سحابة حنانٍ ظلها وارف
هلّت علي الكلام و بللّت روحي

روحي قبل لا يسيل إحساسي الجارف
أخاف من صوتك الناعم ، على " جْروحي "

[فايزمحمد الروقي]

أنا اللي كل ما تنبت فْعيني
سنابل دمع يحصدها غيابك

أنا صدر الشوارع ما يبيني
أنا قلبي نسيته عند بابك

[فايزمحمد الروقي]

عينك شِعر !
وأهداب عينك مثل "ناي"
سمّي ؛ ورا الأهداب "نغمة حزينة"

-إيه إعزفيها للمدى/لـ غربة بكاي
.. أنا إرتحالاتك ! مدينة .. مدينة

[فايزمحمد الروقي]

اول الدمعات سكاب واخرها غيوض !
بس لولا عزة النفس سالت واعبرت

ما بقالي من رجاها كبر حجم البعوض
عادت الغالين مقفين .. والعاده جرت !

[فايزمحمد الروقي]

تواتر الافكار بين المبدعين
يظهر بريـق الفكره المتواتره

من بيت واحد قيمة الشاعر تبين
ماهوب شرط يجيب لك دفاتره !

[فايزمحمد الروقي]

يا صديقي خلك اقرب مثل مثل النخيل
كل ماهزّوك تضحك ويتساقط رطب

البشر لاشافو اللي مثل طبعك حليل
ياكلونه .. مثل ما تآكل النار الحطب !

[فايزمحمد الروقي]

مالها الا المفارق حل ، دام
كل طرقي غياب نصادقه

اتركيني بـ كبر وبـ انتقام
واذكريني بـ دعوة صادقه

[فايزمحمد الروقي]

تكلّم فداك وجيه ما بشّرت بالخير
مداهيل هم و علة كبود و امطفّق

هذا ورّد علومه و ذا جابها تصدير
مثل ما يقولون العرب جمّع و وفق