[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

صديقي بـالشام بخير وفي غِنا
ويقول يا فرحان بالعيد السعيد

تبيني آسولف عن الافراح انا
ابن شهيد اخو شهيد ابو شهيد

[فايزمحمد الروقي]

ان كان قلبك للغياب يلين
قلبي بعد .. ماهوب حي الله

تقدر تغيب من الشهر يومين
انا اقدر اغيب .. الشهر كلّه

[فايزمحمد الروقي]

صاحبي عن كل ذكرى اما آن الاوان
تستثير المفترض من يدين المُحتمل

ودّني مع كل يمّه بشوق وعنفوان
وسرّني والليل مظلم ووجهك مكتمل

[فايزمحمد الروقي]

قلبي الليله حزين وخاطري متضايق
اتركي كل الكلام .. وسولفي لي عنّك

ينجلي حزني تحت فيّة هدبْك الرايق
حتى لو انّه من اسبابك .. وكله منّك

[فايزمحمد الروقي]

سوى انك من الاقصين و لا من الادنين
جميـلك أعده و ان حصـل رده أرده

( جميل السنافي في رقبّة السنافي دين
اذا مـا لقـى ،، بـابً على رده يعده )

[فايزمحمد الروقي]

زلات واجد تجي بالمزح والهذره
لاتحتفظ بالصغاير ياقفص صدري

إن ماعرف قدري اللي منتظر عذره
يكفيني إني كبير وعارفٍ قدري

[فايزمحمد الروقي]

ابن عمً ما يتنومس بابن عمه
جعل مخباط الكلاش يفض زوره

ما نبيه يموت بدري خلجت امه
و ودنا يقعد سنه و وحنا نزوره

[فايزمحمد الروقي]

وليا متى هذا البطا والبين ؟
والدمعه اللي حارت برمشي

الايام تمشي ما لها رجلين
وحنا لنا رجلين .. ما نمشي

[فايزمحمد الروقي]

غبت صيف و احسب يردك شتآء
و اثر نيتك .. الذهاب بْلا اياب

من متآك تحس فيني..من متى
ومن عرفتك وانت ما تشبع غياب !

[فايزمحمد الروقي]

الوداع اللي مع الاحباب .. كافر
كل قلب يحب "ما دينه" بـ "دينه"

وصاحبك من قلت له بانك مسافر
دمع عينه .. كل ما تملك .."يدينه"