[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

مدري بتفهم لا شرحت
او تْشوف ماني متّزن

دايم افكر "لاا فرحت"
ابكي من دموع الحزن !

[فايزمحمد الروقي]

لو تعثر صوتي بْرعشة كلامي
سالت الدمعة من عيوني فصيحة

لو سترت اسمك و عرّيت الأسامي
المحبّة سرّ و العاشق فضيحة

[فايزمحمد الروقي]

لقيت الشاعر اللي غرّبوه الناس
فقير بْذمته كذبة و حلم أعمى

وحيد إن طاحت الظلما و حس بيأس
أخذ شمعة يهش بْها على الظلما

[فايزمحمد الروقي]

النّهاية شفتها قبل : البداية
لا تبرّر لي ولا ترخص كيَانك

من عيُونك واضحة كل الحكاية
دآيم أنت عْيُونك أبلَغ من لسانك !

[فايزمحمد الروقي]

السگوت أحيآن نوع من ،،، البگي
والبگاء يعني گلآم بدون ،،، صوت

الدموع أوقآت نوع من ،،،، الحگي
خص لآ طآحت ومن حولك سگوت

[فايزمحمد الروقي]

حجزنا على طيارة الهجر ،، تذكرتين
حسمنا الأمور وكل أقفى على وجهه

عزيزي المسافر شد واربط دموع العين
على الرحلة اللي ما عرفنا لها وجهه

[فايزمحمد الروقي]

تعال زيح السكوت الي كتّم صدري
محتاج نسمة سوالف بيني وبينك

ماعاد باقي من أجوبتي سوى مدري
ولاعاد باقي من أسئلتي سوى وينك

[فايزمحمد الروقي]

طفلةٍ . . تستدرج الغيم وتصيده
ترسم نجوم السما شعر وقلايد

حلمها تكبر تبي تكتب قصيده
لين كبرت وإنكتب فيها قصايد

[فايزمحمد الروقي]

وش تشبهين ؟
مثل " السما والغيم "
لما تضحكين !

يعني .. مطر
و ريحة .. عطر

ياهي تذوُّب ضحكتك
مبسم حلو !
و غمازتين ❤️

[فايزمحمد الروقي]

على طاري محبتنا :
صباح الخير
وعلى طاري "صباح الخير"
شخبارك ؟

الين الحين من صوتك
يغار الطير ؟
والين الحين تشرق شمس
من دارك ؟