[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

وقّفت عند الحياه وشفت مَشي السنين
واللي مشت معهم الدنيا .. تمشّيني !!

محتاج أنا جيتكم .. لله يا محسنين :
أيات واحد معاه ( حْظوظ ) يعطيني !!

[فايزمحمد الروقي]

أعزف حنين الوطن خله يئن ويئن
ياحجٌٌٌٌٌٌ وجهك وصت الناي يتشابه!!

وجه السبه بينكم كله حزن في حزن
يوم ان وجه الليال أفراح كذابه.

[فايزمحمد الروقي]

في إنتظاري بـ آرسمك بإنتظاري
ومن القلق ماني بـ آخليك تقلق !

أصنع لقى بجدار ماهو جداري :
من باب صدفه والصدف كيف تُخلق

[فايزمحمد الروقي]

اصبح على همي ونوحي
وامسي وشمْع الفرح ذايب

وجروحي تقول لـ جروحي
الحاضر يبلغ الغاااايب

[فايزمحمد الروقي]

و هذا انا مع جانبي السلبي
و اخاف تتعذّر بـ نسياني

انا اللي بقلبي على قلبي
ليت اللي بقلبي على لساني !

[فايزمحمد الروقي]

عطورها اللي فايحه في حروفي
غنّى بها صوت الحنين و نثرها

للـ شارع اللي بالمسافات يوفي
ما جاب صدفه خصلةٍ من شعرها

[فايزمحمد الروقي]

و أن كنت تتذكر
أن لك حبيبٍ قم

كلّمه و أتشكّر
قلبٍ ملاه الهم

و من قبل لا تسكّر
صحّ الجروح و نم

[فايزمحمد الروقي]

معلومه :

مع أحترامي لل غرام و مشاعرك
و لـ طيفك اللي لا سلا خاطري مر

ما آني بشاعرهم و لا آني بشاعرك :
أنا على كفّ الورق شاعرٍ حر

[فايزمحمد الروقي]

و لا تعتذر و تقول و الله أنّي
و أنّي و أنّي و تفتخر بأعذارك

كلّ الخطايا يا حبيبي منّي
وش يقنع عيوني بعذر أقدارك ؟

[فايزمحمد الروقي]

حتى على نفسي بوقّف جنبك
لكن بسولف شيء مرّ فـ بالي

عيوني اللي شفت فيها ذنبك ؟
تشوف بعيونك وجيه أطفالي