[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[فايزمحمد الروقي]

ياساعِتي لو تحترين المسافر
مع كل جاي وينّغلق بعده الباب

حتى ولو يصدق معاك ويكابر
لو مايكابر ، كان شفتيه كذاب

[فايزمحمد الروقي]

كل شارع من سكوت
أركض، وينبت بـ ليش

تصبح الضحكة: بيوت
ويربك التأويل: طيش

مو مهم اشلون أموت
المهم: اشلون اعيش!

[فايزمحمد الروقي]

اكذب إذا قلت لك مرتَاح
واصْدِق اذا قلت متبعثر

جرحِك مثل عطرك الفواح
مع كلّ ذكرى يفُوح أكثر !

[فايزمحمد الروقي]

وأصيغ أقواس
أضم فيها ( أحبك ) وأتبع الهوجاس
وأجرّدها
من شحوبي
بكل ليلة
وبـ أسلوبي
أغرّدها
لـ أحبابي
يا أحبابي ..
شوّي إحساس : !!

[فايزمحمد الروقي]

لقيت من قلبي مفر..
لا يرجعون الغايبين

ماني بـ قابل أي عذر
تبأ لكم .. يـ الكاذبين !

[فايزمحمد الروقي]

الليلة بس !
أحتاجك لْـ صوتي كلام ،
أحتاجك كفوف وسلام ،*
كم لي عمر
هذا الطريق*
يرمي حنيني*
للـ زحام*
وأكسب قهر , وعيوني ماتعرف تنام !*
محتاج لي : الليلة كثير ،
رجعني ذا الحلّ الأخير ،
الليلة بس !*
كِنّ لي أنا*
مرّر لي عطورك هَنَا*
إترك لي من بعضك قليل*
وإربت على كتفي بْـ حنان

ياسيّدي : الليلة بس !
غافل جفاك .. ومرّني*
علمني أعيشك فرح*
اتعبت أعدّك كل عام*
أحزان وتحيا بالـ ملام !*
الليلة بس !*
محتاجك ..
إمطر بي ضلوعي يبست*
بلّل جفافي بْـ جيّتك
إفتح شبابيك الأمل
وإسرق عتَم ليل العنا*
خلّ السما بـ أرواحنا*
تشرق بـ ميلادٍ جديد*
الليلة بس !

[فايزمحمد الروقي]

تعال اخذني من اجواء الصباح الحزين
للفرحه اللي " بنظراتك " علاماتها

دايم حواليك تلقى الناس مستانسين
كذا.. معاك البشر تلقى مسرّاتها

[فايزمحمد الروقي]

حلمت انك "مسافر" بس مدري وين
صدفتك تمشي وجيتك وكلّمتك

سألتك كيف حالك ؟ قلت حالي زين
ووادعتك بعد نمت وتحلّمتك

[فايزمحمد الروقي]

بايحك دون عذر : وسامحٍ كل زلّه
مالها داعي .. اردّد كلامي واعيده "

ارحل وقدرك بصدري بـ يبقى محلّه
رافقتك السلامه .. والحياه السعيده

[Dr ʀeнαв]

_
مــدّي الضيقه تفاصيل بـ يديني
……. ما خبرتك عن عنا صدري .. بخيله !
لـ اول احلامي يا غّيابه خذيني !
…. للمدى .. للحزن .. للصبح .. و هديله !
للسما .. للعشق .. لليل اتركيني !
...…. شاعرٍ كل ما كتب جرح .. اقطفي له
من بساتينك جفاف و من حنيني !
….. اجمل احلام الوصااااال المستحيله !
جف نبع الذكريات .. و ياسميني !
…. مات : جدب .. و امنيات .. و قل حيله !
يبست شفاهي تعب ما عاد فيني
……. ربع بسمه .. يا ابتساماتي النبيله