[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[شبيــه آلــريح ،]

نتعب على كسب الرجال المطاليـق
اللـي علـى الطــاله بـعـيـد نـظــرها

دون الخوي في ساعه تنشف الريـق
تـلبـس محـازمـها وتعـصـب غـتـرها

==================

تكرم عن الهزله وجيه المناعيــر
وتضرى على الهزله وجيه الهلايم

اللي يصك الباب خوف المخاسير
ما ينحسب من لا بسين العمايم

[Dr ʀeнαв]

*،

مآ كنت حآسب .. يوم أفآرق .. محيّآك
واليوم ؟ .. فآرقتك .. وهمّي ؟ .. تكآثر

تعآل ! .. نآظر في / عيوني .. بقآيآك !
( لحظة ودآع ) .. ودمع بــ العين كآثر

شفنـي .. أسير الدمع .. لآ مرّ ذكرآك !
( والدمع ) .. لآ منّه تنآثر ؟ .. تنآثر !

دفنت حبّك .. ( فـ القبَر ) .. يوم فرقآك
وكتبت / فوقه .. ( حظّهم كآن عآثر ) !

[أسماء عبدالعزيز]

لا صد عنك .. من يساوي حياتك
علمه ﺑـ أنك تعـرف تصد ثـم صد

و من لا حشم روحك وقلبك وذاتك
على مدارى خـاطره منت محتّــد

[عبدالله الشّلاحي]

ما ابي اعترف لك بالغلا وانت غالي
خلك كذا ما بين ضامن وشكاك

مره تقول ان فيه غيرك ف بالي
ومره تقول ان مابه انسان يسواك

[Dr ʀeнαв]

_

لو تمطر الذكرى

........ سوآليف عشّاق ..,’

ما مات قلب من الضما ولا نشف ريق

كل البلا من موقف الجرح لا إشتآق

يرسم ملامح صاحبه

............ ( ضيق × ضيق ) ..,’

عادي

تكوّن من سهر ليلك ( إشراق )

عادي

تخبّي طلّة الصبح وتفيق !

عادي

تكون آوّل بدآيآتك ( فرآق )

عادي

تطيح لـ فوق من دون ( تحليق ) !

عادي

و عادي لكن ( الجرح ) لو فاق

يمكن تموت بـ غصّة آلحلق وآلريق !

[الــغـــدراء]

،،

مابين تقليب آلمواجع والأسباب ... فاصل رقيق من التعب والكئابه
ومَآ بيين تغيير النوايا والأحباب ... دمعه ، وصوت ، وذكريات وكتابه

.

[✶ جُمان ✶]

.
.

بعض الجروح ان جت من اغراب عادي
الجرح موت الجرح لا جا من احباب
مليت ادور لك عذر يا ودادي
مثل الضرير اللي ورى النور طلاب

لو كنت انا الغلطان لو كنت بادي
ما طاب لي نومٍ ولا خاطري طاب
مقساك يا سبة عناي وجهادي
يا محمل القلب العمى لوم وعتاب

..
..
.

[الــغـــدراء]

،،

من الصبايا مابي غيرك ولا أفكّر ... وقصايدي في هواك لها طعم ثانِي
جمعتي الأبيضين : الملح والسكر ... وملكتي الأصغرين: القلب ولساني

.

[أسماء عبدالعزيز]

رحت منه مثل ماراح مني باقتناع
لاهو بعايف غرامي ولاني عايفه


ماني بناهي عيوني من دموع الوداع
دامني من عقب ذا اليوم مانآ بشايفه

[أسماء عبدالعزيز]

ركز معّي دامك مضيّع وفاهي ،،
أبغى وصالك دون ظرف وقطاعه


تعيش يومك بين ( نايم ولاهي ) ،،
وأعيش يومي ، ناطرك كل ساعه..!؟