سجل حضورك اليومي بكتابة بيت من الشعر

[يآرب وفقني]

..

’

هو ماذكـر .. أن الجفـاء فيـه كسـره
................... للخافق اللي في هوى صاحبه ذاب

يا ما سهر .. طرفي علـى حبـس عبـره
................... أردها والوجـد للدمع جــذاب

[سلطان //]

زماننا وقت العجب والتهاويل
وقت (ن) غريب وكل مابه غرابه


اقولها والشرح ياتي بتفصيل
وكل(ن) مع نفسه يكمّل حسابه


فيه اختلافات (ن)مع شبه تعديل
تشيّب اللي تو يبدا شبابه


البنت صارت للولد توفي الكيل
وتقلده حتى بلبسة ثيابه


وتجهر بها ياجعلها للغرابيل
مابين جمعات الشلل والعصابه


يابنت عندي لتس كلام(ن)بتعليل
هي اسئلة تبحث لرد الاجابه


او اجوبه تبحث لمعنى وتأويل
يوم ان شرع الله نعرف نصابه


ماتسمعين الوعد يابنت والويل
ماتختشين الرب ولا عذابه


انتي ترا معنية بتربية جيل
جيل (ن) على نهج الرسل والصحابه


انتي ترا قرة عيون المعاليل
انوثتس قمة معاني الذرابه


انا اشهد انه هد ماشفته الحيل
المعذره عن ما صدر بالكتابه


لكن قلبي والحميّا ولاويل
مايرتضي للي يحبه غصابه

[بشـاير القحطاني]

-











الصبر :

شيخ ٍ كبير / ودمعته حرّه ,

ما [ طاحت ] الا بعد ما : ( ماتت احلامي ) !

لو إن :-

لـ الحب درب ولـ الرجاء جرّه ,
( يمديني ) .. بخير , و [ أيامي هي : أيامي ] !

..

[سياف]

كل ما صدمتني حياتي قلت ابي اغفا

ازيد ساعات نومي واترك الواقع !!

وجهيه ما تستحي / وجروح ما تشفا

والقلب /عانه من جروح البشر شابع

يا كم صدمني عزيز وقلت له تكفا

طالبك لا تطيح من عيني وانا طالع

[بشـاير القحطاني]

-












وآه يا هتلر غرامي ، يا زعيم اللهفة ..
.............. يآ شجآعٍ في هيامي ، بالهوى جيفارا ❤

يا وليفٍ ما خلق ربي وليف بوصفه ..
.............. يا مطر حبٍ على أرض الحشا مدرارا

ما أجمل ذنوبي معاك اليا نسيت العفة ..
.............. و كلما أندم ، تقول : الله لك غفارا

يوم مجلاسٍ لكفي طاب له في كفه ..
.............. و يوم لي في وسط قلبه يا العواذل دارا

ما مثل وقفة عشيقي مع خفوقي وقفة ..
.............. يوم أدور حول قلبي بالغرام أنصارا ❤

ضد خلق الله أبوقف و أحتزم في صفه ..
.............. لو أواجه لي خوالٍ مع عمام و جارا

دام وياي الذي كان لخفوقي شفه ..
.............. و دام اسمي بين خلق الله حرم جيفارا ❤

[بشـاير القحطاني]

-









طلبت ( الله )
ينسيني : ملامح وجهك ب ثاني
وكل وجهٍ لفى عقبك ،/
تفاصيله . .
تفاصيلك .!

[سياف]

إن طآح من عيني رفيق / وتضآيقـت ,

صديت عنه .. وكن مآ صآر ( هيّن ) !!

لآوآهني .. اللي يتأقلـم مـع الوقـت ,

ويقدر : يمثّل ضحكته [ مـا يبيّـن ] !!

[سياف]

××.. ماخلق دمعي من ورى نون العيـون
الا علـشـان الشـعـور يـحـدّرِه ..××

××.. اما شعور الحزن وإرماس الشجـون
ولاّ شعـور الفرحـه اللـي تقـدره ..××

××.. وانا على الاولى تحديـت الطعـون
وخليت له شريـان صـدري يعبـره ..××

××.. ان هانت العبـره عيونـي ماتهـون
وان حشرجت صدري فداها تكسـره ..××

××.. تمـون لـو إن المفـارق مايمـون
اللي عطاني طيف زولـه وإسهـره ..××

××.. اصد عن طاريـه والحـال مغبـون
لو إنّ قلبـي .. قبـل مـدّه يمتـره ..××

××.. والدمع لو يرخص غلا خضر الطعون
حطيّـت لـه بيـن الحنايـا مقبـره ..××..

[سياف]

الحمد الله مابغت تعدي
وربي انحرجت

أنا على العهد لوّل وأنت خآبرنـي ×
................................

يآللي على البعد إشوفك عآزم وجآزم ،

الله على الشوق وغيآبك يصبرنـي ×
..............................

عز الله أني صبرت أكثر من اللآزم ،

[سلطان //]

ياسما وين القمر خله يبين ..

أبسأله عن واحد يشبه حلاه ..
غاب محبوبي وأنا قلبي حزيـــن ..

ما درى ان الروح ذآآبت في هواه ..
إن كان يدري يا قمــــر قله يبيـــن ..
أسعد اللحظات هي لحظة لقــــاه ..
بأنتظر أيام عمري في رجاه قله تراني معه على طوووووووووووول السنيييييين..