حواري مع الأستاذ الشعيبي بخصوص الصيفي , والنتائج

[Student 2010]

انا اشوف لو فيه خطط مدروسة كان ماقعدوا يحترون اوراق الامتحانات توصل للإحساء عشان يصححونها ! المفروض يفتحون غرفة عمليات في كل منطقة وترسل الاسئلة صباح كل يوم بالايميل وتقوم كل غرفة بطبع الاسئلة في منطقتها وبعد الامتحان يتم تصحيح اوراق الاجابات في نفس غرف العمليات والحمدلله الميزانية تسمح !

بالنسبة للصيفي ع الاقل يفتحون مركز في كل مدينة كبيرة واخرتها حيكون فيها فلوس وحتشتغل الجامعة طوال السنة وحتقدر بذلك تغطي مصاريف ايجارات غرف العمليات واستئجار مكائن التصوير وراح يغطي رواتب اي موظفين وعمال عقدهم سنوي وليس موسمي !

مشكلة الجامعة تدرسنا تخطيط وادارة عمليات واعمال وهي من جنبها بصراحة

انا اقولكم وش السر في عدم أعتماد الجامعة مثل هالخطط:

1- الجامعة ضامنتنا وعارفة انها مو لازم تعمل صيفي لاننا وين بنروح يعني ؟ حننطق لحد ما نتخرج في الوقت اللي يمشي معهم وعلى قولتهم الجامعة مثل ( الرويان والمقيم على ماء)!
2- لا تريد ولا تستطيع الجامعة ان تتفاعل مع خطط مدروسة لان الخطط الجبارة يبيلها همة وشغل وخبركم في بلدنا اخر شيء يفكرون فيه انهم يتعبون عشان مجرد مواطن !
3- اذا كان من عذر للجامعة بعدم تبني خطة عملية مثل خطتي المقترحة فهو ان البلد مافيها ثقة بصراحة ! يعني ممكن تقول الجامعة احنا ما نضمن او ليس لدينا كوادر موثوقة لدرجة اننا نوزع عليهم الاسئلة وهم يطبعونها وان الجامعة تعاني من تسرب الاسئلة من مبنى الجامعة فما بالك لو عملنا الطريقة المقترحة ! هنا هي المشكلة وسوف تصبح المشكلة مشكلة مجتمع حينها وليست مشكلة جامعة وراح نبلش ببعض وننشر غسيل بعض وحنضظر وقتها نحجر للجامعة ونقول طيب خلو الاختبارات في مقر الجامعة في الاحساء واللي يبي صيفي يجي الاحساء يختبر منها منفعة للطالب ومنها منفعة للجامعة ومنها منفعة للإحساء وتحريك لإقتصادها وبقالاتها وشققها المفروشة هههههههه

خلاص خلاص انا تعبت منكم انتم مالكم حل ابد اهم شيء بس طلعوا نتايجنا وبياض وجيهكم !

[عمر الحنين]

ماقصرتي خيتو ام ليالي

هذي جامعة الامام بيعطونهم نتايجهم ع اخر الاسبوع هذا او بالمرا بداية الاسبوع الجاي وراح يدرسون ترم صيفي نبي زيهم

مشكلتهم العدد طيب لها حل زيادة عدد الموظفين وتوظيف كادر متمكن ومجتهد بعدد مناسب لعدد الطلاب اللي فكل ترم يزييد مو واقفيين ع نفس العدد اللي هالكينهم من فتحوا نظام الانتساب المطور

[بن صقر 1]

الله يعطيك العافية اختي

[كومي]

بارك الله فيكِ

[شعاع الأمل]

موفقه اختي وتوقعنا الرفض وياليت هالرفض يجي للإنتظام بعد

تمنيتك سألتيه سؤال لمن نتخرج بفلوسنا راح تعتمد شهادتكم عند التوظيف ولا راح ينقال الأحقيه للإنتظام

عن جد ظلم ندرس بفلوس والله العالم منين ندبرها وهم يدرسون مجاناً وويصرفون عليهم مكافئات وغيره

وبالأخير الأحقيه بالتوظيف لهم

[Homood]

مشكووووووووووووووووووووره ،،، ام ليالي ....

[الحربي فاعل خير]

مـــــــــــــــــــــــاقــــــــــصرتي ربي يوفقك بس وين اعمال السنه

[حوسة طالبة]

انا اشوف رد الشعيبي منطقي

اهم شي انهم ما يطلعون النتايج الا بعد ما يتأكدون منها
وهذا اهم شي

[ام ليالي]

المشاركة الأصلية كتبت بواسطة سلمان اللحيدان

في البداية حبذا لو نتفق على أنه من شبه المستحيل بأن الجامعة سوف توافق على الترم الصيفي وعليه فلا أقل من الإصرار على المطالبة بزيادة عدد الساعات شريطة أن تمدد فترة الإختبارات حتى ولو كانت لثلاثة أسابيع !!!!!
ويكون الحد الأعلى 24 ساعة مثلاً ولن نختلف على العدد لكن من الضروري اتفاقنا على الزيادة وكذلك تمديد فترة الاختبارات حتى وإن ترتب على التمديد أعباء مالية على الجامعة فحسبنا أنها مؤسسة ماليه وليست شركة مدرجة بسوق المال لا هم لها |إلا الربحية دون اعتبارات أخرى
وهاكم النقاط :



المطلب الاول:
ضرورة فتح أيقونة للأستعلام عن المشاركات والواجبات وتنزيل المحاضرات ليتسنى لنا التأكد من النواقص ويكون ذلك الى مابعد الاختبارات بأسبوع مثلا.
المطلب الثاني :
عمل لقاء مباشر ودوري مع الدكتور النجار أو أي مسئول عن نظام الانتساب المطور وتكون 3 لقاءات مثلا مجدولة مسبقا لاستقبال ملاحظاتنا للمسئول بشكل مباشر.
المطلب الثالث:
السماح لمن لا يستطيع سداد المبلغ خلال الفترة الحددة من قبل الجامعه بأن يجعلوها مفتوحة الى ماقبل ظهور النتائج ( يعني لن تتمكن من معرفة نتيجتك الا بسداد المتبقي من المبلغ ) وهذه النقطة بالذات فيها جوانب محمودة فالبعض لا يستطيع السداد دفعة واحدة .
المطلب الرابع:
التنبيه على مسئولي مراكز الاختبارات بضرورة التقيد بزمن الاختبار وفصل وقت التظليل عن وقت الاختبار.
المطلب الخامس:
التنبيه على الدكاتره بعدم التأخر بالواجبات والمناقشات والقاءات المباشرة وهذا المطلب ضروري جدا.
المطلب السادس:
تفعيل أيقونة بالخدمات الطلابية تكون خاصة بمراجع وكتب الكترونية لكافة المستويات ولا ضير من أخذ رسوم رمزية لمن يحملها وتكون الرسوم محسوبة مع رسوم الدراسة.
المطلب السابع :
تفعيل أخبار الجامعة أولا بأول درءا للأشاعات وكثرة اللغط
المطلب الثامن:
تكريم المتفوقين بنهاية سمسترين متتابعين شريطة الا يقل المعدل الفصلي عن 4 والمعدل التراكمي عن 3,80 مثلا,, ولا يشترط التكريم حضوريا لا بأس من نشر أسمه بموقع الجامعة وأرسال درع أو شهادة بالبريد ( أزعجونا بالدوافع خل نشوف تطبيق عملي لذلك )
المطلب التاسع:
أصدار بطاقة جامعية ( أريد أن أشعر بأني منتسب لشئ ما )
المطلب العاشر:
فتح تخصصات أكثر أو تطبيق مرونة أكثر بالتحويل مابين التخصصات

اتفق معك تماماً في كل ماتم ذكره هنا , واتمنى من الجامعه ان تنظر لمطالبنا بعين الاعتبار

[محمد آل فهاد]

المشاركة الأصلية كتبت بواسطة ام ليالي

اتفق معك تماماً في كل ماتم ذكره هنا , واتمنى من الجامعه ان تنظر لمطالبنا بعين الاعتبار

اشكرك اختي ام ليالي على الاستضافه للدكتور الشعيبي كما اشكر الاخ صاحب الاقتراحات المذكوره اعلاه
اختي ام ليالي بما انك لك بمجال الصحافه نتمنى ان نرى حوار موسع مع النجار ويكون مركز على الاشياء المتعلقه بنا كدارسين مثل نظام البلاك بورد ومشاكله والترم الصيفي وما إلى ذلك من المشاكل الاخرى وفقك الله وسدد خطاك