[ النظام الأفتراضي ] : اللي حامل مادة المحاسبة الادارية يدخل هنا .

[اتحرى حضوركـ]

لازم نطالبهم باعادة تصحيح الاسئلة ياناس درجاتي كلها بالتسعين وفوق الا هذي رسبت فيها ليه حسبي يالله عليكم

[omjehaad]

المشاركة الأصلية كتبت بواسطة الصمانية

عن جد أشكر تفاعلكم معاي كثر مابكاني الحجاج من القهر كثر مافرحتوني بوقفتكم معاي بس صدقوني ماراح يقتنع أبدا برجعتي أكمل وحملت ماده وخلصت الجامعه عند الحد هذا والله يوفقكم ياارب وعقبال فرحكم بالتخرج

أرجوك حبيبتي والله ماأعرفك بس مقهورة شوية وأبكي أرجوك حاولي معاه وبعدين ماتوصل لخراب البيوت داشخص سلبي مايستاهل تضحي علشانه وأتحداه أتحداه يسوي شي بس خليكي إيجابية وصممي على تكملة الدراسة ودخلي كل عيلتك في الموضوع والله لو تركتيها راح تحقدي عليه طول عمرك وماراح يصير مودة ويمكن مع الزمن تكرهييه وماتقدري تعيشي معاه
حبيبتي حاولي تدافعي عن حقوقك وأقنعيه بالسياسة بأي طريقة وإن شاء الله نسمع عنك كل خير ونباركلك بالتخرج يارب

[parliament]

ربما أقول ربما لو توصل قصة المراءه هذي للفريدان او مدير الجامعه سيتخذ قرار .. وبيأخذون في عين الأعتبار موقفكم .. حاولو ولا تيأسو

[ربي نجحني]

حسبي الله عليه ها الدكتور
وحسبي الله على الجامعه الي ماتساعد
ما اقول الا الله يعوضنا
خلونا نشد حيلنا بالاعتراض والايملات ممكن يدفونا

[أم ديم]

لاحرام لاتحددون الدرجه مفروضمن 51 وفوق يدفونهم وربي نزلت معدلي مررره قهر وخاصه اني ذاكرت وشاده حيلي وعندي مسؤليات
حسبي الله عليه من دكتور كان مصعبها واصلا الاغلبيه الي نجحوفيه ع الحافه وش معناه

[طموح طالب]

صدقوني بهذا التفاعل مارح يسوون لنا شي
لازم نتحرك اكثر والاكثر عن طريق حساب الفريدان بتويتر
نبي تفاعل الله يخليكم

[pro1]

حملت المادة جايب على الورقة 20 ؟ والمشاركة 30 المجموع 50 مع أني متأكد من حل أغلب المسائل وهي نصف الاسئلة غير حل الاسئلة النظرية

الله المستعان أسأل الله لي ولكم التوفيق في الدنيا والآخرة

[B.alasmari]

المشاركة الأصلية كتبت بواسطة الصمانية

انا سبق وحذرني زوجي لو حملت أي ماده راح أترك الجامعة والحمد لله مستواي ممتاز وأول مره أحمل الماده في المحاسبة من الحجاج البطل الي يعرف يحط أسئلة صعبة طبعا شاف زوجي النتيجة وتركت الجامعة واتمنى لكم التوفيق

لا حول و لا قوة إلا بالله مابقى شيء وش هالعقليات عند بعض الناس مع احترامي لزوجك

[الصمانية]

قدر الله وماشاء فعل عن جد حبيتكم وكانت أيام حلوه قضيتها سهر وتعب وأولاد وبيت بس الحمد لله ع كل حال ماكل مايتمناه المرء يدركه بس الي أتمنى منكم تركزو ع التخرج واللهـ يوفقكم ياااارب وبالنسبهـ لزوجي مهما كان أبو أولادي وبيتي أهم من كل الجامعات بس عن جد مقهورهـ مابقى شي ع التخرج بس ان شاء الله خيرهـ وشكرا لتفاعلكم معاي.

[ميرامار]

المشاركة الأصلية كتبت بواسطة parliament

ربما أقول ربما لو توصل قصة المراءه هذي للفريدان او مدير الجامعه سيتخذ قرار .. وبيأخذون في عين الأعتبار موقفكم .. حاولو ولا تيأسو

حطيتها عندي تغريده تهقه يشوفونها ويحسون