[ استفسار ] حفل تخرج دفعة المتهورين

[رندا المري]

ههههههههههههههههيا حليلكم .... الي بيسوي حفله يعزمني

[مسافر بلا عنوان]

المشاركة الأصلية كتبت بواسطة omleane

و أنا مستعده اساعد في حفل البنات. بس نرتب من بدري علشان ما نحتاس. لاهنت يا مسافر افتحلنا موضوع خاص نعرف فيه عدد اللي حابين يشتركوا و يكون في تاريخ (اخر موعد للمشاركة) و نقفل عليه العدد علشان نعرف إمكاناتنا. حتى اللي يكون باقيلو ماده للتخرج يحتفل معانا.

بنزل موضوع جديد فيه الخطة كامله
طلاب ينسقوا حفل الطلاب وطالبات ينسقوا حفل الطالبات ونسوي حفل لاعمره صار ولا استوى

[مسافر بلا عنوان]

المشاركة الأصلية كتبت بواسطة f-fatimah

بالنسبة لحفلات التخرج مادري هي ماتحبني او انا ما احبها


طبعا روضة مادرست ف مافي حفل

باقي المراحل هاذي سالفه ثانيه


الابتدائية كانت جنب بيتنا ابد جيران جدار بالجدار ف يوم التخرج انا قلت لامي ماراح ندرس لان حفل تخرج مابي اداوم يعني ينقال عني مقطعتني الدفااره ، امي ماعارضت لكن المشكلة مطلوب حضور الامهات وامي قال بتحضر قلت لها اجل ابروح معك واجلس مع الحضور وجلسنا على كراسي بالساحة وانا قلت لامي نجلس اخر شي عشان المعلمات مايشوفوني المهم حضرت حفل تخرجي مع الامهات وشفت دفعتي نزلوهم من الفصل لا وشاح ولا هم يحزنون بالمراييل وصفو طابور للمسيرة وشغلو انشودة ورجعوهم الفصل خووش حفل اقول لامي زين اني ماداومت عشان كذا بس





المتوسطة ذول اختصرو علينا الطريق وقالو لنا انتم دفعتكم ماتستاهل حفل تخرج لانكم مشاغبين واكثر الدفعات مشاغبه مرت علينا دفعتكم وحنا ندري اصلا هذا عذر وهمي الاساس البخل مقطعهم مايبون يصرفون علينا شي ، واحدة من المعلمات قالت ابسوي لكم حفل تخرج وارتبه بس عليكم تدفعون للضيافه والمكان وهالسوالف ، ماحد عطاها وجه الكل سحب عليها قلنا نجلس بلا حفل ولا ندفع تخيلو 5 فصول وكل فصل 30 طالبه وكل طالبه بتاخذ منها بحدود 100 و 150 لو اجمع هذا المبلغ اسوي لي به عرس بدون عريس




الثانوية هاذول عااد قصتي قصة معهم ، صارت سالفه طويله عريضه عشان احصل الوشااح بس ومن زينه بس قلت ناخذ شي ختامي من ذا المدارس وطبعا فيها دفع ، وبالنهاية يوم الحفل صحيت شفت نفسي ماشبعت نووم قلت يا ابوي مافي دراسة خلني اشبع نووم احسن لي واكمل نومتي





بالكلية ، ومع انو كنا اخر دفعة في دبلوم الحاسب في كلية المجتمع تبع جامعة فيصل ركزو على جامعة فيصل ، ما كان في حفل تخرج سنع ، اللهم قبل اخر يوم اختبار جاو لنا بالقاعات وسالو فلانه وفلانه وقالو اسمي انخرشت مادري وش السالفه قالو بعد اخر يوم اختبار لكم لاتطلعون من الكلية ضروري تكونون متواجدين وتعالو المسرح واللي حاب يحضر من البنات حيااه ، قلنا ان شاء الله ولاندري وش السالفه يوم حضورنا عرفنا انا الدعوة تكريم للمتفوقين ولمشاريع التخرج الفائزة عندهم ، وكثر الله خيرهم ماجابو الا كوب كيك صغير عليه قبعة التخرج كم حبه وعصير الربيع من بوفية الكلية ، وابشركم ما اكلت الكيكة احتفظت فيها للتصوير وصورتها ونسيتها بالثلاجة على اساس اني وعد اخواني الصغار بنقطعها وناكلها كلنا بس ماصادف صاحين بنفس الوقت واخوي الصغير يروح ويجي عليها ياخذ له شطفة كريمة صغيرة الين خلص الكريمة وتيبست علينا بعدين واخرتها صارت لفروخنا







البكالوريس موعودة من صديقتي انها بتسوي لي حفل التخرج


برضو من الان اقول لأهلي جهزوها لي ولو اني ادري بالنهاية انا ابسويها لنفسي وابدفع تكاليفها لحالي ، وبرضو اطالب امي بمكافأة تفوق يعني اني



....

طالما وقد اسهبتي بهذا الشكل الاليم هههههه لزوم نغير نظرتك لحفل التخرج ونكسر القاعدة اللي تعودتي عليها في الماضي
الان تستاهلي حفل تخرج عالمي
بنسق لكم الموضوع

[مسافر بلا عنوان]

المشاركة الأصلية كتبت بواسطة omleane

توكل على الله يا مسافر و احنا معاك نبغى شي حلو و مرتب في مكان حلو.
درست في حياتي اكثر من الأطباء و عمرو ما صارلي حفل تخرج. بس الله يتمم علينا فرحتنا

http://www.ckfu.org/vb/t725400.html#post13042416
ممكن تدخلوا هذا الموضوع اذا في اي اقتراحات

[البدران]

السلام عليكم
أنا بالنسبة لي أتمنى وجود حفل تخرج علشان نفرح أكثر
بس اللي سمعته أنهم يرسلون الوثيقة لك .

كل التوفيق للجميع وفالكم النجاح بأذن الله

[جرح الجروح]

المشاركة الأصلية كتبت بواسطة روح حرّة

ههههههههههههههههههههههههههههههههه لا لا مستحيل تعبت اربع سنين وفي الاخير تبيني ف حفل تخرجي اكل كوكيز وعصير ولا للي يقول روح البخاري سلاامااات

وش يعني "حفلة" ؟

^

واضح اللي ما عمره أحد سواله حفلة