[ مذاكرة جماعية ] : ◣| شـرح مبسـط لـ دوال Excel ~ [ برامـج الحاسب المكتبيـة ] |◢

[الدره]

ممكن أعرف هذا يخص اي محاضره بالضبط

[ابودحومي]

الله يعطيك العافيه ويكتب اجرك ..بس المشكله فالي هنق مخه !! متى تخلص هل الاختبارات ي زينك يالدوام 😢

[البندري11]

ياجماعة انتبهواااااااا
هذي مو مسااااائل حسابية هذي لفهم الدوال وطريقة تنسيقها يعني مهمة للأمتحان الدكتور قال هذا الكلام


اما المسائل الحسابية مو معنا
يعني ماراح نحسب درجات ولا مجموع ولا معدل ووو........الخ


بس نوضح أختيار الدالة الصحيحة
وتنسيق المسئلة الصحيح مثل ما طلب في الأسئلة
ومثل ماوضحت الأخت تغريد الله يوفقها

[البندري11]

هذا يخص المحاضرة الثامنة


واللي هنق مخه يتعوذ من الشيطان ويقرأ الأذكار ويدعو الله بقلب صادق وحاضر
اللهم لاسهل الا ماجعلته سهلا انك تجعل الحزن اذا شئت سهلا

ويحفظ كل دالة وش تختص به
يعني مثلا
sumللجمع
maxلأعلى معدل
وزي كذا
وتحفظ ان اي مسئلة لازم أول شي تبدأ بأشارة=
ثم اسم الدالة المناسبة مثلاsum
ثم الأقواس()
وفي داخل الاقواس لازم تكتبالحرف قبل ماتكتب العدديعني تكتب مثلاd14
يعني لو جاء العد قبل خطأ
لازم تبدأ بالحرف اللي قبل أبجديا يعني حرف c قبل حرف d
ايضا الأعداد الأصغر قبل الأكبر1قبل2 وبينها لازم : في اي مسئلة يعني تصير (c5:d6) هنا الدالة المناسبة =

[البندري11]

طبعا اول شي ترتب الحروف اذا كانت مختلفة الحروف والأعداد لا تهتم فيها

متى تهتم في الأعداد اذا كانت الحرف نفسه تشوف العدد الأصغر وتحطه قبل
يعني لوهي مثلاa3 وa9
الحروف متساوية اذا ترتبها حسب العدد الأصغر وتصير( a3: A9 )
طبعا قبل القوس= والدالة
تختلف بس if
وجمع خليتين او أكثر لوحدها

[محمد ناهض]

شكرا لك يالغالي

[Fayed]

المشاركة الأصلية كتبت بواسطة taghreed.alotaibi

السلام عليكم وَ رحمة الله وبركاته
مساء الخير ~

-

بـ إذن الله راح اشرح لكم
[size=4] دوال برنامج الاكسل في ابسط صورة ممكنة .. [/size

-


اولاً الدوال المطلوبة منكم هي :
دالة المجموع " sum "
دالة حساب المتوسط او المعدل " average "
دالة العد او الحساب " count "
دالة أعلى قيمة " max "
دالة اقل قيمة " min "
دالة الشرطية " if "


دالة ( المجموع - المعدل - العد - اعلى قيمة - اقل قيمة )
دائمًا تكون الصيغة لـ كتابة الدالة واحدة
الفرق فقط في مسمى الدالة

الصيغة الصحيحة للدوال :
x = sum(a1:a4)x

الاشياء اللي بالاحمر ضرورية تكون موجودة عشان الدالة نفسها تكون صحيحة
= < مهمة تكون في البداية
sum < اسم الدالة وهنا حطيت دالة المجموع كـ مثال
() < الاقواس
: < توضح المدى من و إلى

مسمى الدالة ممكن يتغير على حسب المطلوب يعني لو ابي المعدل اكتب average بدال sum
هو على حسب المطلوب لكن الصيغة الصحيحة لكتابة الداله زي ماوضحت لكم

دالة if الشرطية صيغتها غير ويبي لها شرح مطول الافضل ترجعون لشرح الدكتور و الحمدلله ماجات في اختبار الترم الماضي


-


باحط لكم جدول جابه الدكتور لنا في اختبار الترم اللي راح و 6 اسئلة تقريبًا عليه او 7 وباشرح لكم كل سؤال
المطلوب و طريقة الحل و ليش استبعدت كل الاجابات الثانية :





السؤال الاول :



اول خطوة نعملها نشوف الخلية d16 وينها
كيف نحددها ؟
اول شيء نشوف تسلسل الحروف فوق اذا وصلنا لـ حرف الـ d
نشوف تسلسل الارقام بـ الجهة اليمين و لما نوصل لـ رقم 16 نوقف ونشوف
مكتوب في الخلية d16 رقم 10 طيب واللي بجنبه ايش ؟ مكتوب عدد الطلبة
يعني هو حسب لي عدد الطلبة ويبي صيغة دالة العد " count "
اتفقنا ان صيغ الدوال كلها وحدة الا الدالة الشرطية
طيب كيف جمع عدد الطلبة من أي خانة بالضبط
خانة الـ a لانه كاتب التسلسل
طيب من وين لـ وين احسب انا ؟
من اول رقم الى آخر رقم
بس ما اكتب مثلاً a1:a10 خطأ !
اعتمد على الخلية ورقمها
هو بدأ من الخلية a5 لو تشوفونها بالجدول مكتوب فيها رقم 1
كذا تمام
طيب رقم 10 بأي خلية ؟ بـ خلية a14
الحين طلعنا المطلوب كله
نجي لـ الصيغة الصحيحة
اتفقت معاكم ان الصيغة الصحيحة لجميع الدوال وحدة ماعدا الدالة الشرطية
يعني بتكون الصيغة الصحيحة كذا :

x = count(a5:a14)x
طبعًا اللي بين الاقواس يحسب لك المدى ( من a5 إلى a14 ) .
وانتبهوا تحطون بدال :
علامة + او - او .. غلط كذا
يعني الاجابة الصحيحة ( د )

نشوف الاجابة الاولى ليش خطأ ..
نلاحظ كل شيء مكتوب صحيح بس مافيه دالة اسمها sqrt ! يعني الاجابة خطأ
الاجابة الثانية الدالة الموجودة دالة المجموع sum وهي خطأ ايضًا لان المطلوب هنا عد وليس جمع
الاجابة الثالثة خطأ لان مافيه دالة اسمها co .


السؤال الثاني :




نرجع نسوي نفس الخطوات ونشوف الموجود في الخلية d18 ايش ؟
الموجود فيها رقم 45 وهو اقل علامة
يعني المطلوب نطلع دالة اقل قيمة " min "
نشوف اول شيء كيف طلع مجموع اقل علامة و من اي خانة
نشوف بالخانة قبل الاخير مكتوب العلامة النهائية يعني من هنا طلع اقل قيمة للعلامة
و هالاعداد موجودة في خانة h
يعني نحسب من اول علامة الى اخر علامة
يعني من h5 والموجود فيها رقم 68 الى h14 و الموجود فيها رقم 61
الصيغة الصحيحة للدالة تطلع كذا :
x= min(h5:h14)x
الاجابة الصحيحة ( د )

الاجابة الاولى خطأ لان الموجود فقط خانة وحدة و لا يتم حساب عدد واحد !
الاجابة الثانية خطأ لانه حط - بدال :
الاجابة الثالثة خطأ لانه حط h14 قبل h5 والمفروض من الاصغر الى الأكبر .
اذاً الاجابة الاخيرة هي الصحيحة .


السؤال الثالث :



بنفس الخطوات السابقة نطلع العدد الموجود في الخلية d19 و نحدد المطلوب منه ..
كاتب متوسط العلامات ..
و قلنا ان الدالة لـ حساب المتوسط او المعدل هي دالة " average "
نشوف خانة العلامات ايضًا اللي بنفس السؤال السابق يعني من h5 إلى h14
ونكتب الصيغة الصحيحة و راح تطلع بـ هذا الشكل :
x = average(h5:h14)x

الاجابة الصحيحة هي الاجابة ( ج )

الأولى خطأ لانه وضع النقاط بدال :
الثانية خطأ لانه وضع اشارة - بدال :
الرابعة خطأ لانه وضع ; بدال :
اذاً الاجابة الصحيحة هي الثالثة .



السؤال الرابع :



من نشوف طالب مجموع العلامات على طول نعرف ان الدالة المطلوبه هي دالة المجموع " sum "
و المفروض لو كنا نطبق عملي نختار الخلية اللي موضحها الدكتور f15 و نكتب الدالة فيها عشان يطلع المجموع

طيب عرفنا الدالة اللي هي sum بس نشوف المتطلب الثاني
هو يبي مجموع العلامات لجميع الطلبة

برضو نشوف خانه العلامات النهائية يعني الخانة h نفس السؤالين اللي قبل من الخلية h5 إلى h14

فـ تكون الصيغة الصحيحة للدالة كذا :
x= sum(h5:h14)x

الاجابة الصحيحة هي ( أ )

الاجابة الثانية خطأ لان ناقص اشارة = في البداية
الاجابة الثالثة خطأ لانه وضع ; بدال :
الاجابة الاخيرة خطأ لان ناقص اشارة = في البداية ولانه وضع ; بدال :

اذاً الاجابة الصحيحة الاولى .




السؤال الخامس :



نفس الخطوات السابقة ..
نشوف الخلية المطلوبة ايش الرقم اللي فيها و لـ ايش يرجع

d17 موجود فيها اعلى علامة اللي هي 95
اتفقنا ان دالة اعلى قيمة تكون " max "
برضو مازلنا في العلامات يعني من h5 إلى h14
اذا الصيغة الصحيحة تكون كالتالي :
x = max(h5:h14)x

الاجابة الصحيحة هي ( أ )


الاجابة الثانية خطأ لان مافيه دالة اسمها mix
الاجابة الثالثة خطأ لانه ماوضع = في البداية
الاجابة الاخيرة خطأ لان الدالة الموجودة دالة اقل قيمة " min " والمطلوب في السؤال دالة اعلى قيمة " max "

اذا الاجابة الصحيحة هي الاولى .


السؤال السادس :



طالب حساب علامات " المشاركة " لطالب معين
اولاً نشوف اسم الطالب .. اللي هو عبدالرحمن
موجود اخر شيء
بعدين طالب اننا نجمع درجات المشاركة .. يعني الواجب و المنتديات و المحاضرات
الواجب في خانة d و المنتديات في خانة e و المحاضرات في خانة f
يعني نبي نحسب من d إلى f وبيطلع لنا مجموع مشاركاته
طيب كذا تمام طلعنا المدى للحساب
الدالة المطلوبة طبعًا دالة الجمع لاننا نبي نجمع علاماته
اذاً الصيغة الصحيحة للدالة تكون كذا :
x = sum(d14:f14)x

الاجابة الصحيحة هي الاجابة ( أ )

الثانية خطأ لان اسم الدالة خطأ اصلاً مكتوب sun
الثالثة خطأ لانه ماوضع = في البداية
الاخيرة خطأ لان اسم الدالة خطأ ايضًا .

الاجابة الصحيحة هي الأولى .



السؤال السابع والاخير :



انتبهوا هنا طالب مجموع خليتين فقط !
و اذا طلب كذا يصير الجمع عادي بدون اضافة اي دالة ..

فـ تكون الصيغة الصحيحة :
x=d18+g4

حتى لو طلب مجموع 3 دوال وذكر اسمائهم مثلاً
الصيغة الصحيحة لحساب مجموع القيمة الموجودة في الخلية d18 والخلية g4 والخلية d2 هي :
نرجع نسوي نفس الحكاية مانضيف اي دالة فقط اسماء الخلايا ..
فـ تكون الاجابة الصحيحة :
x=d2+d18+g4

حطيت d2 لاننا نبدأ بالاصغر ثم الاكبر والمعروف ان d قبل g ابجديًا .






-


الحمدلله انتهينا
واتمنى اني وفقت في الشرح و وضحت لكم المطلوب في ابسط صورة
واللي عنده اي استفسار لا يتردد ..
انا في الخدمة






[ استغفر الله الذي لا إله إلا هو الحي القيوم و أتوب إليه ]

[Fayed]

الف الف شكر شرح في قمة الروووعه

[ملهي]

الله يوفقك أخت تغريد والله إني ما فهمتها إﻵ منك جعلها الله في موازين حسناتك

[لوولو]

جزاك الله خير