هل تقبلين الزوج براتب 1500؟؟؟موضوع لنقاش !!!

[محبة نوتجهام]

يسلموو حبيبتي ع الموضوع انا عني
استحاله اوافق بشخص عنده هذا الراتب
فيه مصارف فيه التزامات 1500 راتب سائق
حرام يظلم نفسه ويظلمني معاه

مهما كان ادبه وخلقه ودينه السبب الرئيسي للبعض حالات الطلاق الحاله الماديه

[**Besho0o**]

اهنيك اختي على الموضوع الرائع
حبيت ابدى وجهت نظري بالموضوع صحيحه ان 1500 قليله الابالمره قليله بس مستحيل هذا يكون سبب رفضي دام انه دين ويخاف الله ويصلي ويحترمني ويقدرني كاانسانه بكون تافهه اني ارفض عشان الماده وبعدين الرجال الصالحين نادرين بذا الزمن وبصراحه انا مو سلعه عشان الي يدفع اكثر ياخذني الرسول قال خذوهم فقراء يغنيكم الله
انا مره فتحت ذي السالفه مع وحده من بنات المدرسه انو لوتقدم لك وحد وبيعطيك 3000 بعد مو 1500 قالتلي ليه انا بايره عندي اهلي اذا مايخذني 8000 او اكثر مابوافق بصراحه حسيتها سياره ولا جهاز جديد الي يدفع اكثر ياخذني ولا يوم سألته طيب ليه كذا قالت عشان الناس يعرفون اني بنت ناس ومو اي واحد ياخذني للأسف الدنيا صارت الي يدفع اكثر ياخذ ني حالي حال السلعه لا وعشان ايش تقول عشان يقدرني للاسف اذا صارالاحترام والتقدير بالفلوس ماقول غير الا على الدنيا السلام
لاتزعلون من كلامي بس هذي وجهه نظرى واحترم وجهات نظر الغير
وتقبلوا مروري

[شَمـس]

[align=center]
لو كان الشخص يستاهل ليش لا
الفلوس تجي وتروح بس الاخلاق والدين صعب تلاقينهم
صحيح المبلغ مايكفي ولايسد الحاجات الاساسيه وانا هذي مايكفيني
بس لو كان الشخص المناسب ابدآ ماااراااح اتردد
شفتوا كيف التضحيه
وبعدين ممكن اكون وجه خير عليه ويتوفق ويلقى وظيفه احسن >>
صحيح الحياه ماتبنى على فرضيات وتوقعات احتمال تتحسن واحتمال لا بس الله كريم ويمكن مايتعدل الوضع
بس تكفيهم القناعه والرضا بالوضع والحياهـ اللي عايشينها..
ولو كل شخص رضى بحياته ونصيبه الكل بيعيش مرتاح..
[/align]

[سحر سعد]

المشاركة الأصلية كتبت بواسطة الفيصـــــل

موضوع راقي للنقاش


الرســـول صلى الله عليه وسلم قال بمعنى الحديث من جاءكم ترضون فيه ديناً وخلقاً فزوجه




ماتدرين عن القادم يمكن انتي بزوجك منه تكوني فاتحه خير عليه تفائلي بالامل بكل تأكيد ستجديه




يمكن ربي بيرزقكم غنى لانكم اجتمعتوا على الحلال



ومدام الولد طموح وعندة شهادة بس الدنيا ماجات معه اكيد مالهــ ذنب فليش المجتمع يعاقبه ويحرمه من الزواج



هو اجتهد وسواء اللى عليه بس القدر مكتوب لهــ كذا



واكيد من صبر راح يطول منالهــ ولو بعد حين الاهم راح يطولهــ




انا اقول الزواج في حاله الفقر بيكون افضل واقوى وامتن العلاقه فيه ونسبة النجاح 90 % الاهم يكونوا قنوعين





اشكركي اختي على الطرح الراقي برقي فكرك

اوفقك الرأي

ولاصار رجال بمعنى الكلمة محترم ودين واخلاق

مومهمة الفلوووس ولا لمضاهر

[سحر سعد]

المشاركة الأصلية كتبت بواسطة قلب الاسد

همي اشيل همك .. موضوع رائع جدا .. اشكرك عليه ..

قبل ماقول رأيي .. عندي لكم قصة أخوي الكبير .

تخرج من الجامعه السنه اللي فاتت وعلى عمر يناهز 28 .. بعد الجامعه حاول يتوظف وقدم بكل مكان وجاب واسطات وسوا المستحيل عشان يتوظف ولو براتب بسيط ولو يكون مكانه بعيد مو مشكله .. ولقى وظيفه زينه .. راتبها 3500 ريال .. ومتأكل عيش .. وقال اخوي ابقدم بعثه وحاول فيها وجاب واسطات ولانفع وماتيسرت اموره .. ويوم قرر اخوي انه يتزوج .. وراح يخطب وبعد اسبوعين ملك عليها .. وسبحان الله .. جاه طلب في مكتب العمل في الرياض بمكتب غازي القصيبي وبراتب 6000 ريال كأول راتب .. وسبحان الله بنفس الوقت انقبل هو وزوجته ببعثه ببريطانبا يكمل ماجستير إدارة اعمال .. وتزوج وسبحان الله تيسرت اموره .. وتوظف وجلس اسبوعين واخذ اجازه دراسيه وفعلا وافقوا عليها .. يعني الحين يمشي راتبه وينزل بحسابه وهو ببريطانيا مع راتب البعثه له ولزوجته .. فعلا الله يسر اموره لما تزوج

رأيي الشخصي .. وكما قال الرسول صلى الله عليه وسلم اعقلها وتوكل .. قصدي لا ارضى لإختي ان تتزوج من شخص راتبه 1500 او 2000 ريال .. لان هذا يعد فقر مادي .. والعياذ بالله من الفقر .. ولكن ارضى لإختي بالزواج من شخص ماديته جيده وقبلها اخلاقه جيده .. وان تكون هي راضيه عنه .. والسعاده لاتتحقق بالمال .. وقد جا في كتاب الله ان المال فتنه .. فلا تقارنوا المال بالسعاده .. فالمال هو من مكملات الحياه .. والسعاده هي الغايه المنشوده .

كما في نظرية مارسلوا النفسيه :) <<<< سوداني مافيه من كتب هههههههههههه

اللي يبيني اشرحها بالتفصيل ابشروا بس هي باختصار توضح التدرج الهرمي للاساسيات في الحياه الى المكملات ..


ان شاء الله قدرت اوصل وجهة نظري بأكثر دقة .. واسف على الإطاله .

دمتم بود :) ,,

قصت اخوك كثير اثرت فيني كلااااااااااااام سليم

انبسطت وانا اقرأ

[سحر سعد]

وينكم ههههههههههههههههه

ابي قصص تفتح النفس

[miss a.s]

والله اذا هوو كفو ماراح اقول لا الفلوس تروح وتجي بس المرجله تنشرى

[عبير الصمت]

أنا عن نفسي أوافق بما أنه إنسان خلوق ومحافظ على الصلاه ورجال يكون سندي وعزوتي

ولا يدخن ( لأني أضايق إذا شفت شاب أو رجل يدخن ) ..

وأنا أساعده في الحياه وأتوظف ( لازم أكون قنوعه .. الجود في الموجد ) ..

وأكون إن شاء الله بركه له والله يفتحها لــنا ..

وأن أشكره الله تعالى على نعمته .. ( أشكروني أزيدنكم ) ..

من ناحيه المسكن ماعندي مانع أني أسكن عند أهله بشرط أن يكون ماعنده أخوان كبار ..

أو أسكن عند أهلي إلين يفرجها الله .. يعطيك العافيه على الموضوع .. في حفظ الرحمن ..

[celina]

صرآآحه صعبه
ومآراح اوافق

لان حياتنا ماتمشي الا بالماده
ولو في عجز من هالناحيه راح تصير المشاكل
انا بيكون عندي متطلبات وهو ماراح يقدر يوفرها لييي
غير الاحساس بالنقص بيكون فيه احساس بالعجز والحاجه
وانا مااحب هالاحساس

وغير كذا 1500 ماتجيب حتى متطلبات الحياة الاساسيه

الله يعين بس

تسلمين عالموضوع

[سحر سعد]

اممم

وينها الي ماتبي ابو 1500ريال

اجلدها






ههههههههههههههههههههههههههههههههههههههه لاتصدقون