ترتيب جدول مستوى سابع القادم ,,,.

[نورة بنت فهد]

المشاركة الأصلية كتبت بواسطة هنوف عبدالعزيز

سؤال

ممكن ينزلون تدريب ميداني 2 بالصيفي ولالا

ميداني 2 لازم مدرسه ،،، ما اعتقد فيه مدارس مفتوحه
اارححبي يا بنت عبدالعزيز

[kim joon]

[IMG][/IMG]

السلام عليكم انا هذي المواد الي باقيه ايش تقترح اخذ مواد ومشكور مقدما

[نورة بنت فهد]

المشاركة الأصلية كتبت بواسطة خيال الامس

افففففف الجارررح انا ببكي
باقي انجليزي قراءه ماخذته من ثاني

يعني معقوله يصير مقالي

ولله بنجججججججججججججلطط

لا تخاافين ،،، الانجليزي مستثنى مافيه مقالي بنوووب
فاقدتك عسى خير

[(مزعلة النساء)]

السلام عليكم اخوي الجارح
الله يجزاك عنا كل خير ��

دائما انت المحفز والعون لنا
وتدفعنا للافضل دائماً

بستشيرك اخوي زي كل سمستر ��
انا خلصت من مواد مستوى سابع

الارشاد والتوجيه / التنمية الاجتماعيه / النظام الاجتماعي

ومن مستوى ثامن
رعاية الفئات الخاصه / النظريات الاجتماعيه

باقيلي واتخرج ان شاء الله ١٢ ماده بإذن الله
من سابع ٦ مواد
ومن ثامن ٤ مواد

+بحث التخرج / التدريب الميداني ٣

خطتي للتخرج اذا فيه صيفي باخذ مادتين او ثلاث على حسب المسموح
وبمستوى سابع يكون اخر سمستر واتخرج ان شاء الله

لكن مشكلتي تو ادري ان بحث التخرج له متطلب ��
اللي هو مادة تصميم البحوث ��

مافيه اي طريقة اخذه معه بنفس الوقت
لان مو اكيد ينزلونها بالصيفي وختى لو مانزلوها بضطر اخذها بسابع ومقدر اخذها بدون مااخلص متطلبها
مره تضايقت لان كنت متهيأه اخلص ب ٣ سنين ونص

ابيك تفيدني الله يجزاك الجنة

الف شكر مقدماً

[نورة بنت فهد]

المشاركة الأصلية كتبت بواسطة kim joon

[IMG][/IMG]

السلام عليكم انا هذي المواد الي باقيه ايش تقترح اخذ مواد ومشكور مقدما

ماشاءالله انتي بالسليم ،،، امشي على خطة سابع بالراحه ونزلي ميداني 3 ومشروع تخرجك
النحو نزليه صيفي او خليه بثامن له مكان
موفقه

[الجــــ@ـارح]

المشاركة الأصلية كتبت بواسطة بدر البدراني

سبحان الله يالجارح انت دايم تتحسس من رأي وعارف انك بتكرر الاسطوانه المعروفة أني بس معارضك ومشالله عليك تتهكم وتقول أني أكلم سنترال الجامعه والموظف اللي رد عليه موظف سنترال ،لا ياسيد المعلومه انا جبته من رقم الجامعه المجاني اختيار رقم ٥ للاستفسارات العامه هي غلط هي صح انا نقلته كما هي وكان استفسار لي لأَنِّي عندي مادة علم اجتماع السكان عموما الانسان اذا عنده معلومه حتى لو انها افترضنا انه صحيحه ومدعمه برابط فاضي ((يجب ان يرتقي برده دون تهكم بالناس )) حتى لو ان رأي غلط لان في قسمنا يفترض انا نتعاون ونصلح لبعض تحسست من رأي هذا راجعلك بنهايه من اليوم وطالع مراح ادخل على مواضيعك علشان ميصير سجال بيني وبينك برد انا مأرضاه لنفسي قد لايحمدعقباه(( ولاني عطيت الاداره وعدلابو محمد أني محتك فيك )) صفي النيه يالجارح وداعا

ههههه

والله ماتحسست ولا في بالي الي تفكر فيه بس انت رديت وقلت مع احترامي لك يالجارح كلامك غير صحيح

بالنسبه للمقالي ورديت عليك ووضحت لك كلامي الي ماهو صحيح على شان اثبت لك

ومعلومتي صحيحه وانا خوك ابيك تستفيد انت وغيرك منها والرابط الي عطيتك صحيح وشغال

واذا تبي انسخ لك الصور الي في الرابط ابشر على شان تعرف اني ما اتهكم بكلامي عليك

واذا كان رايك غلط من حقي اوضح لك ان رايك غلط واذا ما استفدت من كلامي غيرك يستفيد

لان كثير يشوفون كلامك ان مافيه مقالي وممكن يتوهقون بعدين وتكون سبب بنقل معلومة غلط

وتطمن يابدر ترا قلبي والله مافيه لك ولا لغيرك مثقال ذره

لكن انتم الله يهديكم تعارضون على شي واذا الواحد وضح لكم زعلتو وقلتو اكيد له قصد ,,

لكن حبيبي اذا تشوف ان مواضيعي غلط منت مجبور تدخلها او ترد فيها

فيه غيرك الاف يستفيدو منها والحمد لله رب العالمين ,,


وانا متاكد انك لازلت مقتنع ان الشخص الي انت كلمته على حق ان مافيه مقالي

وانا زميلك عطيتك رابط يوضخ ورقة المقالي وقلت لك , وعلى شان تقتنع

والله يابدر الي خير مني ومنك ان الترم الي فات مختبر معي شخص اختبار مقالي

ويعلم الله يابدر انه جالس على يدي اليسار ويعلم الله يابدر اني خلصت اختباري وجالس اطالع فيه

ولا حل من جميع الاسئلة الا سؤال واحد وطلعت وهو باقي ,,

وان شاء الله انك تقتنع بكلامي وحلفي بالله لاني تعبت والله من الناس الي ماتقتنع


واعيد لك وانا خوك اذا شفت اي موضوع لي منت مجبور تدخله على شان ماتحرج نفسك وتحرجني

[شبيــه آلــريح ،]

بخصوص نقطة المقالي .. كنا في قاعدة الاختبار وبعض الشباب عليهم انجليزي
وسمعت المراقب يقول ان المقالي بالقلم الازرق !!

[نورة بنت فهد]

المشاركة الأصلية كتبت بواسطة شبيــه آلــريح ،

بخصوص نقطة المقالي .. كنا في قاعدة الاختبار وبعض الشباب عليهم انجليزي
وسمعت المراقب يقول ان المقالي بالقلم الازرق !!

لا اله الا الله ،،، ليه ياشبيه الريح
الانجليزي مافيه مقالي
تكفوون عطوونا العلم الوكااد
ولا اقووولكم بكلم الجاامعه وابلغكم

[الجــــ@ـارح]

المشاركة الأصلية كتبت بواسطة خيال الامس

افففففف الجارررح انا ببكي
باقي انجليزي قراءه ماخذته من ثاني

يعني معقوله يصير مقالي

ولله بنجججججججججججججلطط

لا الانجليزي مافيه مقالي لان تخصص الانجليز باقي ما اغلقوة ,,

وفيه طلاب كثيرين باقي لهم مواد الانجليز تطمني

[نورة بنت فهد]

الجارح & بدر ،،،،، والنقاااش يستمر ويطول يااااااليييييييل < ابومحمد عطهم حظر
اذكروا الله وخلونا نمخمخ بالجدول
المشكله مانقدر نستغني عنكم اثنينتكم