رد الدكتور عبدالله الفريدان بخصوص تغير التخصص من "أداره اعمال " الي " ادراه " والتوضيح لنا + النتائج

[عَبيرْ ♥]

أكره الاستغفال وأكره ان حد يستغبيني ! ! !

ليش مو كل شيء وآضح من البدآية

ليش من أول ماسجلت في الجآمعة قالوآ لنآ ( كذا وكذآ وكذآ )

سجلت في الجآمعة على اساس مسمى ( ادارة أعمآل ) وش جاب طاري الادارة في الموضوع

طيب حتى ادارة الاعمآل على كذا شاملة كل شيء

ليش مايخلونهآ مثل مآهي ..,

بالله يعني ندرس كل شيء مختص في ادارة الاعمال وفي الاخير يقولون مسارنآ ( إدآرة )

لا مهوب اطمئنآن ولا هم يحزنون الا يرفعون ضغط اللي مايرتفع ضغطة

جآمعة طول بعرض وتجلس تلعب فينآ كأن حن كورة عندها

[عَبيرْ ♥]

يعني لاحظوآ معي معليش

شوفوآ من الاعلى للأصغر

ادارة أعمآل

قسم الادارة

مسار الادارة و ... الخ من المسارات

.

يعني المسأله مهوب بس نزلنآ من ادارة الاعمال .. استكثروآ يخلونآ قسم ادارة

لا حطونآ داخل قسم الادارة وعطونآ ( مسار الادارة )

>_<

[Student Taste]

اتعارض مع الدكتور حيث أن ( إدارة الأعمال ) أقوى من ( الإدارة ) حتى في التوظيف ما في شي إسمه إدارة بس في شي اسمه إدارة أعمال ، لكن إدارة مبهمه وش إدارة يعني انت زي المعلق لأنت إدارة عامة ولا إدارة أعمال ، وبعدين احنا ندرس مواد اغلبها حسابيه و أخر شي يحولونها إدارة مو معقول ، والله إدارة أعمال أقوى والدليل اتصاله على وزارة الخدعة المدنية ، للتأكد .
أتمنى أن لا يتغير المسمى ويبقى على مسمى ( إدارة أعمال ) .

تحياتي ...

[Miss HaNa]

المشاركة الأصلية كتبت بواسطة فيصل االدعجاني

هذا ظلم انا مآخذ موافقه من الشركه على دراسة ادارة أعمال وليس ادارة

كيف اتفاهم مع الشركه الحين

طبقوا هذا النظام على الدفعات الجديدة

نفس الحالة ,,

متوهقة معاهم

[Student Taste]

وعلى فكرة ، مسار ( إدارة ) اردى مسار إلي ما يمشي بالمسارات الثانية يحول إدارة )

لاحول ولا قوة إلا بالله

[Student Taste]

المشاركة الأصلية كتبت بواسطة abood_k

خبر الشهادة رائع ويفرح القلب

بس النتائج ليش تتأخر !!

سويت موضوع بشأن التصويت على النتائج امل من الجميع الدخول والتصويت هنا
http://www.ckfu.org/vb/showthread.php?t=541821

أخوي عبود لعل في تأخير النتائج خيره لنا الطلاب دعها تظهر في وقتها المحدد ، وبدون تصويت لا يصير في خربطه بالدرجات ثمٍ نتوهق كفاية الجامعة تفاجئنا كل ترم بقرار يرفع الضغط .
وتحياتي للجميع وبالتوفيق والنجاح يارب ....

[zabn al shaher]

السلام عليكم ورحمة الله وبركاته
هالحين ليش المسارات الاخرى ماهي متاحة زي مسار الادارة مثلا محاسبه والا ادارة موارد بشريه وغيرها ليش خصصو لنا هالمسار هذا وبس .
وبعدين ما انتم ملاحظين دائما نتعرض لاسئلة التخصص من زملائنا في الجامعات الاخري ( وش تخصصة ) وما اعرف ايش اردلهم بس اقول لهم احنا ما عندنا تخصص على طول ادارة اعمال

[بدرالرياض]

اداره والترم الجاي بيقلبونها فنيه للأسف

هذا اللي ذبحنا في الجامعه تخبطات وَ اجتهادات شخصيه على حساب الطلاب
وحساب الظلم بالحسابه تعد، كان الله بعونكم ااخواني واحواتي

[alsuhimy]

ارجو من الاخوان عدم التنازل عن المطالبة بمسمى التخصص الي دخلنا عليه من البداية كلية الادارة والتخطيط قسم ادارة الاعمال

والي مايدري وش السالفة لا يقعد يتفلسف لو سمحتو ويراسل الدكتور ويرد عليه بكلمتين

[Student Taste]

فعلاً نفس الشي طبقوه بجامعة الأمام ورفضوا الطلاب ورجعوها لهم زي أول ـ إدارة أعمال ـ وهذا إلي لازم يصير معانا أنا داخل على اساس تخصص ـ إدارة أعمال ـ ويغيرونه ـ إدارة ـ ما هو بكيفهم وش ذا الكلام .
وإلا يعدلون المواد يخلونها كلها إدارة ويشيلون المواد المحاسبية إلا نكرف فيها ليل ونهار وأخر شي يغيرون المسمى والله شي يقهر والله عيب عليهم .
اليوم غيروا مسمى التخصص بكره الله وأعلم وش بيغيرون .