⌡[ مجلس إستذكار مادة ' بـرامج الحاسب المكتبيـة ' ]⌠ ♥ / تمّ شرح جميع الدوال في برنامج الإكسل

[taghreed.Alotaibi]

المشاركة الأصلية كتبت بواسطة ابونايف777

الان فيه عدة مساطر وهي ( الصفحه الرئيسيه ، تخطيط الصفحه ، ادارج ، مراجع ، مراجعة ، عرض ، مراسلات)

هذا المتوجودة في الملخص

السؤال في مسطرتين اضافيتين وهما (تخطيط ، تصميم ) هي كذلك داخله معانا في المنهج او لا 0

اكتف باللي معاك بالملخص ..
الشيء اللي لم يتم شرحه بالملخص طيّره

[ام دينا]

اخواني اخواتي هذا اخر ساعه من ليوم الجمعه


خلونا نوقف شوي نسال الله مانريد


من امنياتنا واحلامنا واسال الله ماتردون في هذي الحظات لا يرد فيها سائل


والا ماقراء سوره الكهف يتوضى ويقرئها ماتخذ منكم 10 دقائق او اقل ..



لاتنسوني بدعوه صادقه ...


اسال الله توفيق والاخلاص لي ولكم ...

[مانسيتك !]

ملاحظات مهمه اقتبستها من متابعتي لشرح الاستاذ

* الخطوط في برنامج البور بوينت لابد ان يكون مقاس الخط 24 فاعلى .
(لانه عروض يشاهده الناس لابد من ايضاحها عن طريق تكبير الخط )

* الدقة . هي دقة العرض حسن نوع الشاشة ونوع الانظمة .

* الحركة في برنامج البور بوينت نوعين . الاول خاصة بالشرائج والثانيه خاصة بالعناصر داخل الشرائح .

*في برنامج البور بوينت . 3 ايقونات يؤدون نفس العمل في ادراج (رقم الشريحه ، التاريخ والوقت ، الراس والتذليل ) .

*امتداد ملفات البور بوينت PPTX .

*COUNT هذي دالة العدد ////// IF دالة اذا الشرطية .

* MaX على قيمة /////// MiN اقل قيمه

*AVEREG دالة المعدل . ///// SUM دالة الجمع

* في جميع الدوال الموضحه اعلاه عند كتابتها فيه خطوات تبداء باشارة = ثم الدالة ثم تفتح قوسين تضع بيناهم العمود والصف وبينهم اشارة : مهمه هذا اتمنى الاخت العصفورة تغريد تشرحها بالرسم انا فاشل خخخخ

* المدى / في برنامج الاكسل هو الفرق بين كل عمود واخر بشرط ان لا يكونان عمودان متجاوران . نحدد العمود المراد حسابه فالنفرض A ثم نضغط CTRL ثم العمود الاخر فالنفرض D .

* تستعمل خاصية التجميد والاخفاء في اعمدة الاكسل عندما تكون البيانات كثيرة جداً .

* للانتقال من خلية لاخرى في بيانات الاكسل عن طريق الزر TAB .

* في برنامج الاكسل الخلية التي تكون محاطة باطار منقوط . هي الخلية الفعاله .

*امتداد برنامج الاكسل XLSL .

* الاعمدة في برنامج الاكسل هي التي في راس الصفحه بشكل عمودي والصفوف هي على يمين الصفحه بشكل افقي والتقاء العمود مع الصف يسمى خليه .

* برنامج الاكسل يوفر طريقة سهله لمعالجة البيانات وايجاد القيم وتحليلها واجراء العمليات الحسابية عليها .

* برنامج البور بوينت هو برنامج للعروض التقديميه .

* برانج الوورد لمعالجة النصوص والجداول الالكترونيه .



تحياتي للجميع

[السما]

أنا عقلي مو راضي يذاكر شيء من المواد الباقية كذا على باله خلصنا

مدري فيه أحد مثلي ؟

[أنثى الطهر]

بديت بالمساطر ياأن راسي تسطر منهم
مو صعبه بس دسمه وكثيره وتلخبط
والله المعين

[محمد الرخيمي55]

ههههههه واللي مابدا للحين

[.Perfect]

~> معاها دبلوم في الحاسب ومكبّره المخده
موفقين جميعاً بسيطه الماده لاحد يشتت عمره ويتشائم الحاسب العملي واسالته اسهل من اسالة الحاسب النظري

[.Perfect]

المشاركة الأصلية كتبت بواسطة محمد الرخيمي55

ههههههه واللي مابدا للحين

ايزي يبدا بعد شوي والا بكرا الوقت طويل .. وانا اضمن لك 3 ساعات مذاكره متواصله وبتركيز تام تخليك تذاكر المنهج كله لكن خلك جدي باستغلال الوقت

[zoooz]

احد ينزل لنا ملخص بليز
الله يجزاكم الجنه

[taghreed.Alotaibi]

-



شرح دالة المجموع " Sum " :
هناك طريقتين لإيجاد المجموع ,
اولاً عن طريق ايقونة في برنامج الاكسل وهي Fx :



من نضغط عليها راح يطلع لنا مجموعة من الدوال وكلها بالانجليزي طبعًا
الدكتور قال مو مطالبين بالمصطلحات الانجليزية
الا الدوال لانها مو موجودة الا بالانجليزي وحتى لابد من كتابتها بالانجليزي ليظهر الناتج ..
طيب نكمّل ..
بعد مانضغط على الـ Fx بتطلع لنا نافذه مثل هذه :



طبعًا بتطلع لنا مجموعة من الدوال ..
الدالة اللي نبيها هي المجموع " Sum "
نشوفها أول وحده
لما نضغط عليها تطلع لنا النافذة هذه :



اول شيء انا كتبت ارقام عشان اشرح لكم عليها لان ماينفع نسوي الدالة بدون مايكون عندنا ارقام نبي نحسبها ..



الحين نروح للخانة اللي بعد آخر رقم و نضع المؤشر عليها عشان لما نسوي الدالة بيطلع لنا المجموع فيها او اي مكان تبونه بس الافضلية بعده :



الحين نرجع نضغط على الـ Fx و نختار Sum و تطلع لنا النافذه اللي سبق و حطيتها ..
طيب طريقة الحساب كيف تكون ؟
كذا :



A1:E1
يعني من الخانة A السطر 1
إلى الخانة E السطر 1
يحسب لنا مجموعها ..
تمام كذا

طيب لو ابي احسب من A-C وش اكتب ؟
نكتب كذا :

A1:C1
وبيطلع لنا الناتج

اهم شي النقطتين اللي فوق بعض
مانحط جمع ولا طرح و لا فاصلة ولا شي !

ولو حبينا نحط فاصلة صحيح لكن بيطول الشغل مثل :
A1,B1,C1,D1,E1
وبيطلع لنا المجموع
اختصار للوقت نحط " : " لانها تعتبر المدى اي المجموع من A1 مثلاً و حتى E1

-

نحط موافق بالنافذه اللي حطينا فيها الاشياء اللي نبي نجمعها
و راح يطلع لنا المجموع هكذا :



فله صح ؟
حسيت بإنجاز لما سويتها
طيب اذا نبي نختصر الوقت ونكتبها بدون مانرجع لايقونة ادراج دالة ؟
سهله
قبل كل شيء العمليات الحسابية لابد انها تسبقها " = " .. يساوي طبعاً
نروح لخانة الـ F اللي نبي نطلع المجموع فيها نكتب :
=
طيب وبعدين ؟
نكتب دالة المجموع اللي هي " Sum "
بكذا صارت :
=Sum
الحين ركزّوا
لازم نحط اقواس للشيء اللي نبي نحسبه كذا :
x=Sum(A1:E1)x
الـ x حطيته عشان يترتب الكلام فقط هنا لان ماراح يترتب زين بدون حرف قبل وحرف بعد
طيب نشوف كيف نكتبها بالخانة عشان توضح لكم اكثر :


زي ماقلت الـ = نحطها قبل كل عملية حسابية ثم اسم الدالة ونفتح قوس و نكتب المدى
اللي هو من A1 إلى E1 او اي شي نبي نحسبه مع بعض طبعاً مانحط + او - او خلافه
فقط " : " لانها تدل على المدى و حساب المجموع
الفاصلة نقدر نحطها ولكن بتطول السالفة ..

-
وبكذا خلصنا ..
دالة المجموع سهله جدًا كـ بقية الدوال ..
اكتفي بها الآن ..
اللي استفاد من الشرح يطبّق و يشوف اذا فهمها ولا لا
و اللي ما استفاد ويبي اشرح بطريقة مفصلة اكثر يبلغني ..