ضع سؤالك .. وسوف نجيبك بإذن الله ..

[وليد القحطاني]

المشاركة الأصلية كتبت بواسطة arwa_na

احنا قدمنا تغييب بعذر قبل ماتقفل الايقونه بس ماوصلنا مسج قبول
واليوم اخر يوم تسجيل مواد ايش تسوي تقدم مواد من اول وجديد وتنحسبلها رسوم جديده وﻻ تستنى الرد اخاف مايردو ويروح عليها تسجيل المواد ياريت تفيدينا

سوري حسبت الكلام لي يطلع لي الكلام مشوش المعذره ,

[arwa_na]

المشاركة الأصلية كتبت بواسطة وليد القحطاني

انا غيرت تخصص وقالو لي تم استلام طلبك وجار تنفيذه وكلمت الفريدان ( الله ياخذه) وقال انتظر والى الحين ما جاء منه خبر . وكيف قدمتو تغييب ما تغيبت انا !! بالعكس وجهي بشاشه الابتوب من 24/3 الى الحين ما اقول الا حسبي الله على المشرفين اللي هنا وعلى كل واحد مسؤول ياخي فيه خمول مو طبيعي فيهم االله ياخذهم من اصغرهم لاكبرهم والله يا ( اروى ) بنشوف وش اخرتها معاهم وان شاء الله ما يفوتني شيء وان شاء الله افيدك بالجديد.

ايوا حسبي الله عليهم برود مو طبيعي لايردو على تويتر وﻻ ايميلات وﻻشي الله يسهلنا ان شاءالله ، وجزاك الله خير

[" الوفآ طبعي "]

شكرا جزيلا المحترمه بس كيف اتواصل مع الدعم الفني

[ام الغاالي]

ابي فزعتكم باقي يوم ع التسجيل ويتقفل والنظام ما قبل الا مادتين والباقي غير متااااح وش اسوي يفوتني هالترم

[عزوز يوسف]

متى موعد الاختبارات النهائية ؟؟ لهذي السنه

[Dora ALamri]

المشاركة الأصلية كتبت بواسطة nanh_3

مساء النور أهلين حبيبتي

لا مو لازم تسوين انا دائم أسجل موادي بدون ما أحط تأكيد التسجيل ،،
وبالنسبة للتسديد لحد 26/4/1435 ،، بس لا تسددين الحين في لخبطة عندهم في النظام انتظري لحد ما يرسلون لك مسج الجامعة او لحد ما تتحدث الرسوم عندك في الخدمات الطلابية ،،

و صحيح تتأكدين عن طريق السجل الأكاديمي او تدخلين عن طريق البانر و تدخلين الجدول الحالي راح يطلع عندك موادك اللي مسجلتها + اسماء الدكاترة ،،

بالتوفيق يارب

الله يسعددك ويوفقك ع الرد مشكورة من قلب

[المحترمه]

المشاركة الأصلية كتبت بواسطة sokara

ممكن رقم الجامعه أو رقم الفريدان

حياك الله عزيزتي .. بخصوص الجامعه هذا الرقم
المجاني الخاص فيها 8003030308
أما بريد الفريدان الشخصي ‏afridan@kfu.edu.sa‏
بالتوفيق

[المحترمه]

المشاركة الأصلية كتبت بواسطة رحيق الجنه

يعطيك العافية المحترمة على الرد

بس وضحي أكثر قصدك المادة ألي حملتها أختبرهااا مع موادي المستوى الثاني الأختبارات النهائية ؟ ولا بالصيف؟ طيب المواد ألي حدفتها متى أختبرها بالضبط؟ بالصيف؟ ولا ؟؟؟ سوري على الأزعاج . وناطرة ردك حياتي. وشكرا جزيلا لك

عزيزتي مثل ما أفادك الجارح .. بالنسبه للمقرر المحمول
راح يكون إختباره مع الإختبارات النهائيه مثل كل مقرر
وبالنسبه للصيفي حتى الآن لم يتم إعتماده هذه السنه
طبعا هي ترجع لك أنتِ متى تسجلين المقررات وراح
تختبرينها مع الإختبارات حسب يومها في الجدول
أتمنى أنها اتضحت لك .. بالتوفيق

[المحترمه]

المشاركة الأصلية كتبت بواسطة ام امونه

السلام عليكم ورحمة الله وبركاته
انا ياعالم تخربطت بالله افيدوني انا لما دخلت ايقونة كم باقي واتخرج طلع لي انو عندي مادتين غير اللي سجلتهم ومن ضمنها مهارات الاتصال ولما ادخل ابغى اسجلها مااحصلها في المقررات وش المعنى ووش الحل مع العلم اني اخر مستوى وحابه اخلص بدون اي ترم زياده هل فعلا فيه ماده مهارات الاتصال في التربية الخاصة اعاقة عقلية وليش مااحصل لها لما ادخل في المقررات
ساعدوني والله تعبت من هالجامعه وانظمتها الحوسة

المشاركة الأصلية كتبت بواسطة ام امونه

لو سمحتي انا اخر مستوى ان شاءالله لي هالترم وين احصل رقم crn لمادة التربية العملية مو محصلته في المقررات اريد ادخله قبل يقفلون التسجيل
اعاقة عقلية مستوى 8

وعليكم السلام ورحمة الله وبركاته

عزيزتي بخصوص مقرر المهارات ربما يكون من
مقررات السمستر الأول لذلك عليك التواصل
مع الدعم الفني بطلب الرقم المرجعي للمقرر
الخاص بالطالبات .. أما التربيه العمليه حسب
تعليمات العماده راح يكون لها آليه خاصه بالتسجيل
لذلك تواصلي مع الفريدان عبر البريد الشخصي
وراح يفيدك فيها بإذن الله .. بالتوفيق

[المحترمه]

المشاركة الأصلية كتبت بواسطة وليد القحطاني

السلام عليكم ورحمه الله وبركاته



صباح الخير على الجميع انا عندي مشكله في الموقع يمكن بس انا غيرت التخصص وكلمت ناس بالاداره بالجامعه وما يردون وكلمت الفريدان البارحه ولا رد علي قلت لهم :- غيرت التخصص والان صارت مسابقه مع الوقت في تسجيل المواد ما ادري انا على أي تخصص صراحه على الاول ولا على الثاني وبعدين موقع البانر معلق مدري وش سالفته علماً بانه ناس اعرفهم قالو سجلنا مواد ! الرجاء الرجاء الرجاء من الجميع اذا فيه احد في الاداره في الجامعه او مرتبط فيها او مسؤول ( ماظنتي ) بس يردلي خبر صراحه ما ندري من نروح له في اساله كثيره متعلقه بالجامعه بس مافي احد يجاوب لا جامعه لا مسؤول لا موظف وايضا ايقونه الاسئله تم ارسال لهم اكثر من مره وما يردون وايضا على الايميل // صرنا عبيد المنتديات والمنتديات ما تدري من تصدق من تكذب ,.

اولاً-المطلوب ابي اشوف انا على أي تخصص ؟ علماً بانني حولت بس مكتوب في الموقع باقي على التخصص اللي انا عليه من اول

ثانيا- اكمل على أي مستوى علماً بان كامل دراستي كانت سنه والترم اللي فات من السنه الحاليه ؟


شكرا لكمً
المعذره على الاطاله


الرجاء الرد وعدم التهميش.

وعليكم السلام ورحمة الله وبركاته

بخصوص التغيير عزيزي يتم تنفيذ الطلب بعد 48 ساعه
من الطلب .. في حال أنك أنهيت 24 ساعه من المقررات
وبالعموم إن شاءالله اليوم راح يتم تنفيذ الطلبات من تغيير
التخصص والتظلمات ونتائج المتغيبين .. إلخ
وفي حال كان في الموقع أي تعليق حاول تغيير المتصفح
وإن شاءالله راح يفتح معاك .. بالتوفيق