[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[عبير الوادي]

ماهو غريب ان التراب يعانق جذور الشجر ..
بس الغريب ان الشجر يستنكر افضال التراب

[Fawaz Alsubaei]

صدق المشاعر تصنع انسان شاعروالناس تقرا وش كتب في جديده
عينه تشوف ان القصايد مشاعر
وانتم تشوفون المشاعر قصيده

[™khaLid]

الغرام .. آلدّ أعداء الأنام

يطعنك .. بس بطريقة مُمتِعه

خادِعه دايم .. بدايات الغرام

مؤلِمة لحظة سقوط الأقنِعه !

[2COOL]

يا خاطري مالك عذر في المواجيب
دام الجروح مقدمة لك .. هديّة

ليت الهوى في دنيتي .. ماله نصيب
ولا له بقلبي عروقٍ .. نديّة

شوقي نثرت حبر فوق المكاتيب
وابطى الجواب وجمرة الشوق حيّة

مدري عن آمالي اليا داهم الشّيب
تبقى معي .. ولاّ تموت بروية

[البعد الرابع]

سوق الذهَب يسأل عنْ العِقد من ويّن ؟
و أهْل العطوُر إستَغربت مِن عطرهَا . .

حتّى مصَممّ لبسَها و الفـسَاتـين `,
خلّا شِعار المَاركـه مـن خـصرهَا . .

[عبير الوادي]

بيتين خذها معك حكمه طول العمر ،
وصى عليها الحكيم لـ طيب مفعولها !

لا تمدح العود لين يحط فوق الجمر
ولا تمدح الناس حتى تظهر فعولها !

[عبير الوادي]

ان ضاق صدرك بين همٍ وحاجه
لا تبدي اسراركّ على غير موثوق !

ولو كل من يمرض عرفنا عـلاجه
ماضاعت الدنيا ولا مات مخلوق !

[عبدالله الشّلاحي]

ليه تغرس بصدري من صدودك سهام
كيف تقسى وانا اللي من خفوقك قريب

[n0_0r]

‏طمّن ضلوعك الوجله ولاَ تستضيق..
صاحبك من سنه ما بلّ ريق الكلام ..

كان صوته غريق وكان حزنه عريق ..
وكان وحده يشوف النور مثل الظلام .. !

[n0_0r]

لآ طآلت آلعِشره .. تبين آلعذآريب
وتعرف قرآح آلمآء ولاّ همآجه

آبعد عن آللي لآ زعل ينكر آلطيب
آللي تقلب عشرته مع مزآجه