دردش ـــي هنا :)

[المبدعة11]

السلام عليكم ورحمة الله وبركاته:
أنا من دفعة طالبات 2010 وانقبلت في كلية الحاسب وتقنية المعلومات مع اني حاطة اول رغبة طب وبصراحة مو حباً في الطب لكن مشان اهلي ..

تو امس اتصل علي واحد من الجامعة اسمه عادل البخيت على ما اظن وقال انتي فلانة الفلانية قلت نعم قال تبين كلية الطب ولا لأ؟؟ عشان اتحول لها الظاهر والمصيبة اني كنت بعرس ولا عندي وقت ارد عليه ولا اتصل بأهلي استشيرهم قلت لحظة انتو غيرتوا الرغبات ولا وش صار قام رد على طول ولاخلاني اكمل : يا .... تبين طب ولا لأ؟

قلت له لحظة عطني 5 دقايق وارد قال طيب .. وجلست اتصل واتصل على اللي اعرف وشوي واصيح لأني من جد نسيت هالسالفة وحطيت في نفسي اني في الحاسب خلاص وش ذا السالفة وجلس يتصل فيني مرتين واحطه ع الانتظار لأني قاعدة اكلم اهلي ولا اتصل بعدها وبصراحة خفت من بعض الامور وهي اللي حبيت تردين علي فيها اختي ارجوان لأنها هي اللي خوفتني اشوي ..

اولا دراسة طب عام في الحسا = 7 سنوات لأي تخصص صح ؟؟
ثانيا هل عندنا تخصص طب اسنان طالبات في الحسا؟؟
ثالثا التخصصات اللي عندنا في الحسا كلها دراستها 7 سنوات ايضا صح ولا ؟؟ يعني مجموع سنوات الدراسة 14سنة؟؟
رابعا اللي مثلي يخاف يشوف الاخبار مشان القتل والجثث والدم المفروض ما يفكر في طب ولا عادي يتعود ؟؟
خامسا الاختلاط الموجود في الوظيفة قد يسبب فتنة في الدين للطالبة والعياذ بالله فهل تقدرين انتي او اي طالبة طب ثانية تقدر عليه ؟؟
سادسا وهي قضية حساسة شوي لكنها واقعية عندنا في مجتمعنا طالبة الطب ما تتزوج ليه لأها بتختلط برجال وانا هذا اللي أقرأه وأشوفه في مجموعة كبيرة من طالبات الطب فكيف تتعاملون معها يا طالبات الطب ..؟؟

اتمنى ما ثقلت عليكم واتمنى تردون علي بأسرع وقت ان قدرتوا .. وجزاكم الله خير

[اورجوان]

أختي الكريمة .. اذا كنتي بتدخلين الطب فهو يحتاج الاهتمام بمسؤلية كبيرة , لذالك اما تختارينه بقناعه و على اتم استعداد ولا لا تختارينه , لا أخفيك في بنات متزوجات و البعض عندهم عيال عندنا و ما شاء الله ماشي حالهم .. القرار جد صعب لكن يظل راجع لك مش لأهلك ! لأن انتي الي بتدرسين مش هم !

اولا دراسة طب عام في الحسا = 7 سنوات لأي تخصص صح ؟؟

نعم طب عام 7 سنوات بالاحساء

ثانيا هل عندنا تخصص طب اسنان طالبات في الحسا؟؟

لا يوجد

ثالثا التخصصات اللي عندنا في الحسا كلها دراستها 7 سنوات ايضا صح ولا ؟؟ يعني مجموع سنوات الدراسة 14سنة؟؟

لا , أغلب التخصصات = 4 سنوات , و الي يتعلق بجراحة 6 سنوات , لكن بنفس الوقت يعتمد على شطارتك .. عشان تزيد او تقل هالسنوات !

رابعا اللي مثلي يخاف يشوف الاخبار مشان القتل والجثث والدم المفروض ما يفكر في طب ولا عادي يتعود ؟؟

كلنا نخاف طبعا , :mh19: لكن الواحد يتعود , و أنا وحده يقولون لي اهلي و انا صغيره اخاف من اللون الاحمر <<< مش الدم فقط

خامسا الاختلاط الموجود في الوظيفة قد يسبب فتنة في الدين للطالبة والعياذ بالله فهل تقدرين انتي او اي طالبة طب ثانية تقدر عليه ؟؟

:mh19: البنت الي تحفظ روحها , محد بيتعرض لها , اذا كنتي ما تظمنين نفسك لا تدخلين ! و بنفس الوقت , الى حد الان ما تعرضنا لاختلاط و سمعت انه بالمستشفى بعد ما راح نلتقي بالطلبة الاولاد , لكن يمكن و ليس أكيد يدرسنا دكتور بالمستقبل , و هذا على مرأى الجميع , يعني ما راح يغازل الدكتور ولا يسوي شي حق بنت قدام الكل

سادسا وهي قضية حساسة شوي لكنها واقعية عندنا في مجتمعنا طالبة الطب ما تتزوج ليه لأها بتختلط برجال وانا هذا اللي أقرأه وأشوفه في مجموعة كبيرة من طالبات الطب فكيف تتعاملون معها يا طالبات الطب ..؟؟

الفئة المتخلفة هي الي تنظر الى ان الدكتورة صايعه او منحطة لا سمح الله !
لكن يا أختي انا اعرف ان الكثير تزوجوا يمكن ربع الدفعه الى الان متزوجين
و توصلني اخبار كثيرة حول ان الرجال هالايام يبغون دكتورة ! <<< للزواج يعني !

موفقه عزيزتي .. و لحقي عمرك قبل لا يهون الي دق عليك ..

[المبدعة11]

جزاك الله كل خير اختي...

اتصل فيني الاخ مرة ثانية وعطيته الجواب النهائي بعد الاستخارة ثم الاستشارة ..

بقيت ع هندسة الحاسب والله يكتب اللي فيه الخير ان شاء الله |~

تشرفت كثير بسؤال شخصك الكريم والسموحة تعبتك حيل

موفقة ان شاء الله

[اورجوان]

حياك الله أختي الكريمة ..

تشرفنا بمعرفتك ..

و أي استفسار يخص كلية الطب لمعارفك حياك الله

و موفقه ان شاء الله في القسم الي اخترتيه ..

[Like dream]

ياااااااااااااااااربي الحين انا ابي افهم الدوام ب7 ولا ب14؟؟؟؟

[اورجوان]

14 يا أختي ..

و الي قال ان الجامعة ما لهم تأجيل .. يقصدون بهالشي انهم أجلوا الموضوع للمرة الثانية >>> و صاروا الطلبة يداومون 21 بدل 14

[المبدعة11]

اختي ارجوان ..

الطلاب اللي بالسنة الاولى من الطب ما يجيبون معدل ويحولونهم للكليات الثانية اهم اللي يختارونها يعني كلية الطب نفسها تقطهم بالمكان اللي تبيه اهي ولا هم يختارونها .؟؟؟

[اورجوان]

اختي ارجوان ..

الطلاب اللي بالسنة الاولى من الطب ما يجيبون معدل ويحولونهم للكليات الثانية اهم اللي يختارونها يعني كلية الطب نفسها تقطهم بالمكان اللي تبيه اهي ولا هم يختارونها .؟؟؟

:mh19: ,, تقريبا هم يختارون للطالبة , لكن ايضا اتوقع لو البنت ابدت رايها راح يقبلونها بالمكان الي تختاره

و الله أعلم !

تمنياتي لكم النجاح .. و عدم التفكير بأمر المعدل لأنكم و بمشيئة الله بتجيبون اكثر من المطلوب .. بمجرد ما تبذلون جهد في المذاكرة ..

[Like dream]

:praying:الحمدالله

[الحور عين]

و الله سالفت المعدل مشيبة راسي

الله يستر