[ مذاكرة جماعية ] : (( مجــلس مذاكــرة مــهارات التحــدُّث - الاثنين 10 / 3 / 1437هـ)) ..

[memo__om]

المشاركة الأصلية كتبت بواسطة ترف...

قصدي مافي شي في الاستماع يميزها سوى الاسهم او الكبتل والسمول
في طرق غير هالثنتين نعرف بهانبره الصوت

ممكن يكتب بعد السؤال
في قوسين ان الجزء الأول مرتفع والثاني منخفض
او كلا الجزئييين مرتفعه
يعني يوضح بالكلام واش الصوت المرتفع والمنخفض

...
من هذي النااحية لاتهتمين بتكون واضحه ولا راح تواجهين صعوبة

[Tawah]

المشاركة الأصلية كتبت بواسطة ترف...

ايش الفرق في المقارنه بين شيئين
بين اني اضيف erبدون than
ومتى احطthan

هذي الجزئية تبع المحاضرة 12 وما أسعفنا الوقت علشان نسولف فيها ..
بس هذا مايمنع إني أقول لك كلمتين عنها ..
يقول لك أن الكومبارتيف غالبًا يُتبع بـ than وpronoun or noun group علشان نوصف الشخص أو الشي الثاني اللي جالسين نقارن فيه , نشوف مثال علشان نفهم السالفة :
Jhon is taller than me
هنا أستخدمنا كلمة than مع pronoun اللي هو me ..
ليه حطينا الضمير me هنا ؟! علشان نعرف جون أطول من منو ..
بكذا يكون المعنى أن جون أطول منّي ( هنا المقارنه بين شخصين اللي هم جون وأنا )..


وفيه بعض الحالات للكومبارتيف مانستخدم فيها than , مثلًا :
- لما تكونين جالسه في الصالة , وأخوك الصغير جالس يلعب
وصراخه واصل آخر الدنيا , تقولين له :
!? Could you be a bit quieter
ممكن تكون أهدى شويآت ..
هنا أستخدمتي الكومبارتيف بدون than لأن إنتي مو جالسه تقارنين بين شخصين أو شيئين فمفيش داعي تستخدمي than ..
إنتي طلبتي منه إن يكون أكثر هدوءًا , ماقلتي له ممكن تكون أهدى من أختك مثلًا ..
وذاكر لك كذا مثال على هالنقطه ..
بعدها تكلّم أيضًا عن إستخدامات أخرى للكومبارتيف ونفس الشي مانستخدم معاها than ..


بغض النظر عن الإستخدامات الأخرى للكومبارتيف :
جواب سؤالك بإختصار شديد جدًا , هو إنّا نستخدم than لما نقارن بين شيئين , وتكون متبوعه بـ pronoun أو noun phrase ..
أما إذا كان مافيه مقارنة بين شيئين أو شخصين زي المثال اللي مع أخوك الصغير , أو لما تبينين أن الوضع مستمر في الزيادة زي لما نقول : her illness was becoming worse and worse
مرضها أصبح أسوأ وأسوأ ( هذي نستخدمها حتى في كلامنا العادي ) وهو من الإستخدامات الأخرى للكومبارتيف اللي مانستخدم فيها than ولنفس السبب السابق , أحنا ما أستخدمنا المقارنه بين شيئين هنا , ماقلنا مثلًا مرضها أصبح أسوأ من مرض بنت خالتها ( الله يشفيهم ) لو قارنّا بين مرضها ومرض بنت خالتها رح نستخدم than ..


ما أدري إذا وضحت السالفه ولا لأ , لكن مرّه ثانيه أرجع وأقول بإختصار وبلا لف ودورن هالمرّة :
إذا فيه مقارنة بين شيئين نستخدم than أما إذا مافيه مقارنة بين شيئين ما نستخدمها ..
الأمر بهذه البساطة على قولة السقوفي ..


إن شاء الله ما أكون لخبطتك بالإستخدامات الأخرى للكومبارتيف , بس كان لازم أجيب أمثله علشان تتضح الرؤية وكذا ..
فكري مع الإختبارات , أحس إن الكلام اللي كتبته كلمات مبعثرة , لكن إن مانفعك الكلام اللي قلته مارح يضرك >> أعشاب مو شرح ..


ماكنت أبغي أهذر بس دخلت المنتدى بشوف أسئلة السميّح للطلاب ..
أسعدتم قلبي بردودكم ..
بالتوفيق لكم جميعًا إن شاء الله ..

[Tawah]

أحنا طول هالمدة كنا نتكلّم عن فكرة more والـ most ( أكثر \ الأكثر ) طيّب فرضًا أنا أبغي أعبّر عن فكرة( أقل \ الأقل ) شنو أستخدم ؟!
أستخدم less قبل الصفة ( نستخدمها في الكومبارتيف وهي نقيض more )
وأستخدم the least قبل الصفة ( نستخدمها في السوبرلاتيف وهي نقيض most )


نشوف أمثله عالسريع :
she was less intelligent than her sister
هنا قلنا إنها أقل ذكاءً من أختها , وضعنا than لأنّا قارنّا بين شخصين ( هي وأختها ) وبما إنّا قارنّا بين شخصين ( كومبارتيف ) ونبغي نعبّر عن فكرة ( أقل ) أستخدمنا less ..


she was the least intelligent of the three sisters
وهنا قلنا إنها الأقل ذكاءً بين الأخوات الثلاث , هنا المقارنة بين أكثر من شخصين معناتها نستخدم السوبرلاتيف , وبما إنّا نبغي نعبّر عن فكرة ( الأقل ) نستخدم the least ..


بس خلاص بروح أشوف أسئلة القضايا ..
ومره ثانية أعتذر إذا كان فيه خطأ أو تقصير ومن هالكلام الذرب يعني ..

[ترف...]

الله يسعدك وييسر اختباراتك يارب

[Tawah]

نقول كلمتين علشان ننفض الغبار عن الموضوع ..لما يجي أحد يتكلّم , فيه بعض الكلمات أو العبارات اللي نستخدمها علشان نحسسه إنّا داخلين
في جو السالفه وإنا متحمّسين وكذا ..
مثل : .Wow \ Gosh \ And ? \ well ?\ And then \ And so \ Really ? \ Ok
وأحنا حتى في كلامنا نستخدم هالطريقة , لما يجي أحد يسولف نقول كلمات على غرار :
طيّب - وبعدين ؟ >> طبعًا مو بنبرة التهديد - جد ؟! ومن هالكلام يعني ..

[Tawah]

Getting meaning from context : معرفة المعنى من خلال السياق وكذا ..

أحيانًا تمرّ علينا كلمة مانعرف معناها , لكن فيه طرق تخلينا نعرف معنى الكلمة بدون مانروح نترجمها ونتعّب عمرنا , خلونا نشوف هذي الطرق عالسريع ..

1\ definition : هذي الطريقة تعطينا معنى الكلمة , الكاتب يستخدم كلمات وعبارات علشان " يعرّف " المعنى , ويستخدم كلمات مفتاحية مثل : is known as - is described as - defined as - is called ...
مثال : Someone who explores and studies caves is known as a spelunker
أنا معلوماتي على قدّي , وما أدري شنو معنى spelunker لكنّي شفت كلمة is known as معناتها إن الكاتب معطيني " تعريف " للكلمة , بكذا يكون معنى الكلمة اللي أنا مو عارفتها
someone who explores and studies caves ..
بإختصار : الكاتب هنا يعطيني تعريف لمعنى الكلمة ..

2\ restatement : هنا الكاتب نفس الشي يستخدم كلمات وعبارات وجُمل علشان نعرف معنى الكلمات الصعبة , الكاتب يوصف الكلمة مرة ثانية أو إنه يشرح معناها بطريقة مختلفة , ومن الكلمات المفتاحية في هذي الطريقة : or -in other words
مثال : The surface of Africa consists mainly of plateaus , or large flat of area, although these occur at different level
الكلمة الصعبة هنا plateaus لكن الكاتب سهّل عليّ المهمة لما أستخدم الكلمة المفتاحية or وذكر لي معنى الكلمة بطريقة ثانية , وبكذا يكون معنى الكلمة واضح وهو large flat of area ..

3\ punctuation marks : الكاتب يستخدم هذي الطريقة لما يكتب كلمة غير مألوفة يستخدم بعدها علامات الترقيم ويذكر كلمات أو عبارات أو جُمل علشان يشرح معنى الكلمة الجديدة , ومن علامات الترقيم اللي ممكن يستحدمها الكاتب : الأقواس () - الفاصلة المنقوطة ; - النقطتان الرأسيتان : ..
مثال :

(Full-color pictures are printed using only black and three colors : yellow , cyan( a light blue and magenta(a light purple)e

هنا عندي لونين أوّل مره أسمع فيهم اللي هم cyan + magenta لكن الكاتب وضع بعد كل كلمة من هذي الكلمات قوسين وموّضح لي الألوان اللي يقصدها أكثر ..
وبكذا يكون معنى cyan : light blue ومعنى magenta : a light purple
لاحظوا إن الدكتور أستخدم الأقواس هنا ..


4\ examples : عاد هذي مايبغي لها شرح من الكلمات المفتاحية في هذي الطريقة : like - such as - for example ..
مثال : Use navigation buttons , such as , the " next " button , the " previous "button, the " menu" button ,and the " exit " button , to go back and forth or jump to other topics while you are using your English software ..
الكلمة الغير مألوفة هنا navigation buttons الكاتب ذكر أمثلة عليها ( أستخدم such as ) ومن خلال الأمثله عرفنا إنّ معناها buttons on computer program that are used for turn on pages
إنها أزرار على برامج الكمبيوتر نستخدمها علشان نقلّب الصفحات ومن هالكلام يعني ..


وكانت هذي آخر الإستراتيجيات أو الطرق اللي من خلالها نعرف معنى الكلمة من خلال السياق من دون مانرجع للقواميس وبرامج الترجمة ونحوس عمرنا ..
الشي المهم هنا إنا نحفظ الكلمات الدلالية لأنها رح تساعدنا علشان نستخرج المعنى ..


شايفين الحوسه اللي فوق كلها ؟! تحسّون إنها مرّت عليكم من قبل صح ؟!
بس في أي مقرر ؟! إيوه في القراءات والمطالعات , لما كان يدرّسنا عمّار المعاني حتى جاب
لنا السؤال اللي عن الألوان والإجابات اللي حطها مو راكبه عالسؤال وقلنا للمراقبات وكذا ..
عاد ما أدري عوّضنا عن درجة السؤال ولا لأ ..


* حرف e اللي جنب purple مو جاي ينحذف ..
* أي إستفسار أو تصحيح أو تعليق مايردكم إلا الكيبورد ..


بالتوفيق لكم جميعًا إن شاء الله , شدوا حيلكم الماده عليها 3 ساعات >> على أساس إنكم ماتدرون ..

[mema.m]

صباح الخير
المجلس فاضي الكل عند الترجمة الا انا ماسجلتها ان شاءالله تكون سهلة ويكفي صدمات

المشاركة الأصلية كتبت بواسطة Tawah

خلونا نتكّلم عن الـ participle شويآت ..
شنو الـ participle ?!
it is a form of verb that function as adjective
تتخذ شكل الفعل لكن وظيفتها صفة , مافهمتش حاجة ؟!
رح نوضّح أكثر لكن قبل التوضيح مهم إنّا نعرف إن الـ participles
ممكن تكون past participle وممكن تكون present participles


خلونا نشوف أمثله :
The boring teacher talked for hours -
المدرّس الممل تكلّم لعدة ساعات ..
The bored students fell asleep -
الطلاب المتمللين نآموا ! >> ماينلامون طفشوا من هذرة المدرّس
في المثال الأوّل كلمة boring صفه للمدرّس , طيّب ليه ماقلنا إنها فعل ؟!
الجواب كالعادة - مثل ماقلنا في الـ gerund - إذا جاتنا كلمة فيها ing ومافيه قبلها ( verb to be ( is , are , am وقتها ممكن تكون gerund و ممكن تكون present participle لكن مو فعل ..


فيه شي مهم تعرفونه وبيريّح راسكم كثير وبيختصر المسافات ويقرّب البعيد ويبعد القريب.. الشخص أو الشيء اللي يكون المصدر , يكون present participle .. يعني في المثال الأوّل منو اللي تكلّم لعدّة ساعات إلى ماطفّش الطلاب وناموا ؟! أيوه المدرّس وبما إنه المصدر والسبب يكون present participle ..
أما الشخص أو الشيء اللي يقع تحت التأثير يكون past participle زي ماحضراتكم هتشوفوا في المثال الثاني
اللي هو :
The bored students fell asleep -
الطلاب " المتمللين" ناموا !
ليه تمللوا الطلاب ؟! بسبب الأستاذ الممّل ..
يعني الأستاذ كان مصدر الملل والطلاب كانوا ضحيته , وقعوا تحت تأثير المدرس الممل
فأصبحوا متمللين بسبب الأستاذ وبالتالي راحوا في سابع نومه من فرط الملل ..
وبما إنه وقعوا تحت تأثير الأستاذ وقتها نستخدم شنو ؟! إيوه past participle


أخذوا شهيق عميق و تعالوا نرتّب أفكارنا بهدوء بعيد عن الحوسة :
- الـ participle شكلها فعل لكن وظيفتها " صفة " وعرفنا كيف نفرّق بينها وبين الفعل ..
- الـ participle ممكن تكون : present participle أوpast participle
- المؤثّر أو المصدر (الأستاذ) يكون present participle و المتأثر أو المستقبِل (الطلاب)يكون past participle
هذا هي أهم النقاط , شنو رايكم نآخذ أمثله علشان ترسخ المعلومة أكثر ؟! لا مو بكيفكم بنآخذ أمثله يعني بنآخذ - ليه تشاورين أجل ..


I read an interesting magazine -
قريت مجلة ممتعة
The magazine receives a lot of support from interested readers -
المجلة أستقبلت الكثير من الدعم من القرّاء المستمتعين
المجلة هي مصدر المتعة لذا فهي present participle
وقع تأثير المجلّة " اللي هو المتعة " على القرّاء فأصبحوا مستمتعين , يعني تأثروا وبما إنهم تأثروا معناتهاpast participle ..
نآخذ مثال بعد ؟! إي لا خلاص بقوم أذاكر مافيه مجال ..


لاتشوفون الكلام الواجد ويصيبكم الذعر وكذا , ترى السالفة بسيطة جدًا , كل اللي عليكم تعرفونه من هو المصدر أو الموثّر ( present participle ) ومن هو المستقبِل أو المتأثر ( past participle ) ووقتها رح تكون أموركم تمام , هذا هي السالفة ببساطة ..


أكثر من ساعة وأنا أحاول أوضّح السالفة وأفحط علشان توضح الفكرة , فقط أتمنى أن الفكرة وضحت ..
أي سؤال أو إستفسار أو تعليق أو تصحيح أو توضيح أوأي حاجة مايردكم إلا الكيبورد ..
وأستغفر الله لي ولكم ..


كيف يجي السؤال هنا؟

المشاركة الأصلية كتبت بواسطة Tawah

نتكلّم عن النقاط اللي بعدها :
( Agreement ( and continuing dialogue :الموافقة ومتابعة الحوار ..
وذاكر لنا تحت هالعنوان عبارات نستخدمها في هذي الحالة , مثلاً :
وانتي طالعه من إختبار المهارات , قلتي إن الإختبار سهل ..
أقول لك : إي وفي الواقع كان أسهل من المقال ..
هنا وافقت على كلامك وتابعت الحوار ..
.you : The test was very easy
me : yes , and in fact it was easier than essay


partial agreement : الموافقة الجزئية ..
ونفس الشي ذاكر لنا عبارات نستخدمها في هذي الحالة , مثلًا :
إنتي تقولين إن القهوة لها فوائد ومو ممكن إنها تكون ضارة , أقول لك أنا بالتأكيد كلامك صحيح هي لها فوائد لكن في المقابل ممكن تكون مؤذيه إذا شربتي 6 أكواب في اليوم - يعني أسم إنتي تفرطين في شرب لقهوة لدرجة إنّك تشربين 6 أكواب في اليوم ..
هنا وافقت على جزء من كلامك فقط ( اللي يختص بفوائدها ) وماوافقتك على الباقي ( بخصوص إنها ماتضر وكذا )
.you : the coffee has a lot of benefits , it can not be harmful
me : it is certainly true that it has a lot of benefits ,but on the other hand it might be harmful if you drink 6 cups in one day !


constructive disagreement : عدم الموفقة المبني على سبب ...
وذاكر لنا عبارات اللي ممكن نستخدمها في هذي الحالة , مثلًا :
إنتي تقولين إن الإختبار كان صعب جدًا , أقول لك أنا : أخشى أن لا أتفق معك لأن الأسئلة
كانت واضحة وسهلة ..
هنا ماوافقت على كلامك , لكن بيّنت السبب ..
you : the test was very difficult
me : I'm afraid I can't agree with you because the questions were clear and easy


* بعدها تكلّم عن 3 أشياء المفروض نتجنبها في الحوار :
- avoid using words like never or always : لأن هذا النوع من الكلام ممكن يؤدي إلى الجدال .
- avoid expressing disagreement without explaining why or supporting your point : لاتعارضين بدون ماتشرحين السبب أو تدعمين رايك وكذا .
- avoid criticizing the person who made the comment : لاتنتقدين صاحب التعليق , عندك كلام علّقي على رايه بذوق وكذا لكن لاتنتقدينه نفسه .. يعني لما أقول لك المقرر صعب , لاتقولين لي ألوان ملابسك مو حلوة علّقي على كلامي مو عليّ أنا لاتحولّين الموضوع إلى موضوع شخصي وكذا ..


أتمنى إن الكلام يكون واضح وتكونين إنتي وبقية الأعضاء فهمتوا شي من هالحوسة , الموضوع كلّه في كوم والأمثلة كوم ثاني لكن أهم شي النيّة ..
غدًا بإذن الله أكمّل ..


أي تعليق أو تصحيح أو إستفسار لايردكم إلا الكيبورد ..
وأستغفر الله لي ولكم ..

المشاركة الأصلية كتبت بواسطة Tawah

نكمّل سوالفنا في المحاضرة 13
instructions to agree : توجيهات للموافقة ..
مع العبارات اللي ذكرناها أمس للموافقه , فيه طرق أخرى بعد نقدر نستخدمها مثل :
1- الإيماء بالرأس أن " نعم " والهمهة : هذي أحنا نستخدمها تلقائيًا , يعني وإنتي تسولفين مع شخص تقدرين تبينين مو افقتك للشخص بهز رأسك أو بالهمهمة ..
2- أستنّي إلى مايجي دورك في الكلام , واستخدمي عبارات تدل على الموافقة مثل : I think you are right أعتقد بأنك محق وكذا ..
3- إبتدي بموافقتك للكلام اللي قاله الشخص , لكن إذا ماكنتي توافقينه كليًا على كلامه إستخدمي عبارات تدل على عدم الموافقة الكاملة , مثل : I agree with you , but أنا أتفق معك لكن .. وتذكرين نقطة الإختلاف أو عدم الإتفاق ( ده الكلام بيفكّرنا بأيه ؟! أيوه الـ partial agreement الموافقة الجزئية ) , أما إذا كنتي متفقة كليًا مع الكلام اللي قاله تستخدمين عبارات توحي بهالشي , مثل : I completely agree with أتفق معك بالكامل وكذا ..

to disagree : لعدم الموافقة أو الرفض ..
هنا يكمّل لنا التوجيهات instructions لكن هالمرة للـ disagree ..
خلونا نشوف شنو يقول :
1- خلّك راكد لاتغضب أو تظهر عدم إحترامك للشخص اللي يتكلّم , بهدوء أشرح له عدم موافقتك لكلامه مع إظهارك لإحترام رأيه , يعني مثلًا كنا في السوق وقلت لك شوفي هذاك الفستان عاجبني حيل , إنتي الفستان مو عاجبك , المفروض شنو ؟! إيوه المفروض إنّك تبيّنين عدم موافقتك لرأيي بهدوء وذوق وإحترام وكذا , تقولين لي مثلًا : أنا أحترم ذوقك لكن موديله قديم .. مو تقولين لي : وين عايشة إنتي في العصر الحجري ؟! هذا الموديل قديم خلاص راحت موضته ..
2- ذاكر لنا عبارات نستخدمها في حال عدم الموافقة وإذا تلاحظين جميعها تبيّن عدم الموافقة + تفتح المجال إنك تبيّنين السبب , مثل : I disagree because أنا لا أتفق لأن ... وتذكرين السبب , شيء مهم جدًا إنا لما نرفض نبيّن السبب " حرّص الدكتور على الكلام ده "
3- نستخدم I'm afraid قبل ماننهي عبارتنا اللي تدل على عدم الموافقة , مثل : I'm afraid I can't agree with you ولما ماتكونين موافقه على ولاشي قاله المتحدّث , تقولين : I'm afraid I completely disagree with you لا أتفق معك بالكامل ..
4- مثل ماقلنا قبل كده , لما ماتوافقين على شي أو ترفضين راي شخص مهم جدًا إنك تبيّنين السبب , مو تعارضين وبس ! شرحي فكرتك ورايك بالكامل .
5- لما ماتتفقين مع شخص حاولي إيجاد حلول , يعني سالفة الفستان اللي موديله قديم الفستان اللي أخترته أنا ما عجبك لأن موديله قديم , وأنا مثلًا عاجبني لأنه لونه جميل هنا مثلًا إنتي تقترحين إنّا ندوّر على فستان موديله جديد لكن بنفس اللون , وهالحل يرضيني ويرضيك ..
وفيه عبارات نستخدمها في هالحاله , مثل : I think we should \ we could لاحظي العبارات فيها could \ should هذا يوحي لك إن الخيارات مفتوحة مو لازم أوافق على رايك , يمكن أنا عندي راي ثاني بعد ..
أما لو استخدمتي must معناتها إنتي تفرضين رايك علي , وهذا يعني إنه بيصير خناق في السوق ..

وبكذا نكون خلّصنا الـ instructions to agree \ disagree ..
أعتذر بشدّة لأني كل الكلام اللي كتبته بالعربي , لكن الكلام كثيييير في هالمحاضرة وصعبة أوي إني أكتبه وكذا , أهم شي مضمون الكلام يوصل ..
سعيدة جدًا بردودكم , إي حلاتكم كذا الماده عليها 3 ساعات لاتطنّشونها ..
وكالعادة أي إستفسار أو توضيح أو تصحيح لايردّكم إلا الكيبورد ..
وأستغفر الله لي ولكم ..

لا تعتذري عشان بالعربي
ترى مانفهم الا كدا
اخر شي مافهمت تمام بس ححاول اخد لفة عليه ممكن اعرف






الصراحة جهدك لايوصف
شكلي حطنش الملزمة وادرس شروحاتك بس


الله يسعدك ويوفقك


انا لسه وصلت لهنا واكيد ليا عودة واسئلة واستفسارات

[Tawah]

المشاركة الأصلية كتبت بواسطة mema.m

صباح الخير
المجلس فاضي الكل عند الترجمة الا انا ماسجلتها ان شاءالله تكون سهلة ويكفي صدمات















لا تعتذري عشان بالعربي
ترى مانفهم الا كدا
اخر شي مافهمت تمام بس ححاول اخد لفة عليه ممكن اعرف






الصراحة جهدك لايوصف
شكلي حطنش الملزمة وادرس شروحاتك بس


الله يسعدك ويوفقك


انا لسه وصلت لهنا واكيد ليا عودة واسئلة واستفسارات

السؤال اللي عن البارتسيبل ممكن يجي فراغات ( هل اللي يناسب ing أو ed ) , أقول ممكن لأن مافيه نموذج لأسئلة الدكتور السابقة .. أما الجزئية اللي عن الحوار والنقاش وكذا , هي بإختصار توضح لك مثلًا لو أحد تكلّم وما أتفقتي معه في كلامه كيف تردين , ومثلًا إتفقتي معاه في جزء وأختلفتي في جزء كيف ممكن يكون ردك , ولو إتفقتي معاه تمامًا كيف تردّين ومن هالكلام يعني .. تراها كلها عبارات يعني تعتمد عالحفظ وكذا ..
لاتعتمدين على شرحي لأن أصلًا ماتكلمت إلا عن أشياء بسيطة , ثلاث أرباع المنهج ماتكلّمت عنه ..
بالتوفيق إن شاء الله ..

[shyoo22]

مو عارفه وش اذاكر فيها وش ابدا فيه عندي ماده ثانيه بليييز احد يرد وش السواه

[mema.m]

المادة باين مش صعبة مرةاغلبها اسلوب المحادثة مع الاخرين
وشوية قواعد ...بس مو معناته مانهتم


انا شخصياًصار عندي تبلد بعد الصوتيات والمقال مات الاحساس عندي
والممتاز طااار ..صار يكفيني انجح وبس




بس سؤال يفرض نفسه
الدكتور فهد جديد بالجامعه؟ واذا لأ هل سبق ووضع اسئلة اختبار؟
نبغا اي نموذج لأسئلته حتى لو قبل مية سنه عالأقل نعرفاسلوب تفكيره
اذا فرد عضلات