كليه الاداب والعلوم بالخفجي (( أرحموا من في الأرض يرحمكم من في السماء )) ..

[JAELAUY]

طيب خلونا الحين من السوالف
كتبنا بالفيس بوك للبنات انو نبي نجمع المطالب والشكاوي ونرفعها بشكل رسمي الاسبوع هذا
للاسف مافي تجاوب يابنات !
نكتب اللي عندنا يعني ؟ مو كل البنات يواجهون نفس الظروف ومو كلهم عندهم نفس الشكوى
يعني عن نفسي , نبي ساحه ورواتبنا وقوانين معقوله وطويلة الامد بالبس وغيره ومعامله كويسه من الامن
تغيير نوع الاكل بالكافتيريا , تجاوب الموظفات القبول والتسجيل معانا , اممم يعني مطالب من هالنوع
لكن انا لو برفع مطالبي ومطالب كم بنت معي بنظلم الباقين لاننا ماكتبنا مشاكلهم لان ماعندنا خبر فيها اصلا
فا عشان كذا نبي همتكم بهالموضوع , نبي نتفق على مطالب محدده نرفعها
اتمنى كلامي يلقى تفاعل منكم

[نـــزف]

لا إله الا الله<<مابقى مكان ماكتبنا فيه,,

بس ع العموم هذي هي كل مطالب البنات


ومطالبنآ اللي هي حقوقنا اللي سلبتوها مننا..

كالتالي..
1/سآحه تطرد فيها الخيل لاننا اكثر من3000طالبه..

مانبي بقايا الساحه القديمه اللي صارت اسياب بتسكرينها من فوق وتحطين مكيف..

حنا عددنا كثير ماتنفع لنا هالاسياب..

الاراضي اللي محوطها سور الكليه كثير ..

2/ نبي مكتبه نصور فيها..

3/نبي الباب يبقى مفتوح لنهاية الدوام..
والاسباب شرحناها فوق..

4/نبي امن مثقف يعرف حدود مهنته ويخاف الله..

5/ نبي لبسنا بكيفنا وحدود لبسنا الاحتشام..

6/ مشكلة التعارض تحلونها حالكم حال كل كليه..

7/ الاحترام اللي للاسف مو موجود عند اكثر المسؤلات..

8/تعاون رئيسات الاقسام واتخآذ الدكتوره منى فتحي قدوه بالاحترام ووساعة الصدر والتعاون وكل ابو شي..

جزاه الله خير..

[JAELAUY]

9 / مكافئات تنزل بوقتها
10 / ايجاد حل للبنات اللي رجعوا من رابع وثالث تربيه الى سنه اولى اداب

يلا يابنات اللي عندها شي تحططه ترا نبي نرفع الاسبوع هذا بأذن الله

[مدرع ـمه بشويش]

يعطيكم العافيه ولاهنتو

تقريبا هذا كل شي

بس من اللي يبي يرفع هالشكوى ؟؟؟

[JAELAUY]

^
وحده من البنات بالفيس بوك قالت بتسلمها للعميده عن طريق وحده من الموظفات اللي تعرفهم

وانا عن نفسي عندي من يرفعها لوزارة التعليم العالي بعد ماتمر عالعميده ونشوف اذا بتسوي لنا شي او لا

[مدرع ـمه بشويش]

يالبااااااكك تسوين خييير قسسم اذا رفعتيها

[شقاوة سكره]

والله شي يحزن مع اني انا ما شفتها قبل
شفتها بس بعد وربي القاااعات اللي فوق اصغر من صفنا بالثااانوي
وش اقول كل شي خااايس حتى الكفتريا استغفر الله من عذرنا لا قلنا مقصف
زحمة مو طبيعيه وكتمة .. الله يعينا وانا نحيفة يعني لامرت وحده من جنبي وكان زحمة تطيرني
ان شاء الله يحسون فينا

[مدرع ـمه بشويش]

هههههههههههههه

نفس المشكله دايم يطيروني

الله يصبرنا

لازم يشوفون لنا حل حنا العصاقيل هع

[نوري 91]

بصراحه الحال مزري جدا جدا جدا
الحين حتى النفس صار بالحسره علينا انا عندي ربو واعاني من ريحه الصبغ اوك بتقولون كم يوم وتروح الريحه طيب وين التهويه الجيده للمكان سكروا كل شي واكثر من 2000 بنت من نفس الهواء الله يسامحكم ارحمونا
هذا غير الحمام اللي جنب المصلى يعني صلحوه تخيلوا المنظر الجميييييل ينقط من الحمام اللي فوقه على رؤسنا
والسيراميك متكسر قال جديد قال
انا احييكم من كل قلبي ومابي منكم اي تعدييييييل جديد
بس حسبي الله ونعم الوكيل فيكم

[نـــزف]

المنظر الجميييييل ينقط من الحمام اللي فوقه على رؤسنا
والسيراميك متكسر قال جديد قال
انا احييكم من كل قلبي ومابي منكم اي تعدييييييل جديد


اي والله ويع ويع ويع